السلام عليكم ورحمة الله وبركاته....
تخيلي يوم من الأيام..
بسم الله عليكـ...
أنا ما اتفاول عليكـ..
بس مجرد خيــــال...
تخيلي يوم قمتي من النوم انتي ولد
وحياة البنات خلااااااص راحت..<<<لااااااا مستحييل
وش بتسوين ؟!!......
قمتي عليك ثوب نوم عقب القميص
ناظرتي نفسك في المرايه وأرتعتي
وش ذا الشنب ؟!......
ووين شعري ؟!.......بعدين تذكرتي
ايــــــــــــه صح...أنا ولد..<<<احلفي
رحتي للحمام وانتي بكرامه شفتي نفسك مع المرايه
شفتي دقن طالع لك
مسكتي مكينة الحلاقه
بتعرفين تستخدمينها ؟؟!!!!!!....
لعوطتي الدنيا وطلعتي أهم شي شلتي الدقن لو بالحلاوه <<<عذااب
قمتي فتحتي الدولاب شفتي الدولاب كله ثياب تتشابه <اعوذ بالله
وين الفساتين؟!
والتنانير؟!
والتي شيرتات؟!
والبناطيل؟!
والقمصان؟!
والجلابيات؟!
والشناط؟!
والمكياج؟!<<<الا لاكسجين مو مكياج
ولالكسسوارات؟!
بعدين تذكرتي
ايــــــــه صح.. أنا ولد.....<صباح الخير
وطلعتي ثوب ابيض ولبستيه وطلعتي شماغ ولبستيه
وأخذتي جوالك..
ولقيتي فيه مسج من ولد جيرانكم
كنتي قبل تستحين منه والحين راسل لك
وش بتسوين؟!!!!!....
أخذتي بوكك بس أنتبهتي لشي بجنب الجوال والبوك
مفاتيح؟!!!!!!....
اللــــــــه ونــــــــاسه يعني بتسوقين؟!!<الللللله متى يجي ذا اليوم
يازين حياة الأولاد
أخذتي المفاتيح مبســــــــوطه ومن قدك مفاتيح سيارتك معك
وأنتي على الدرج سمعتي أمك تناديكـ...
لحظه......
وش أسمكـ؟!!!!!!!!!!......
يالله أختاري..
ماجد ..
تركي ..
نواف..
راشد ..
نايف..
ثامر ..
طيب بنتخيل اسمك وليد
نادتك امك: ولــــيد خذ الاغراض وركبها في السياره علشان اليوم فيه أستراحه مع خوالك<احلى ياوليد
ناظرتي الأغراض
كل شنطه أكبر من الشنطه الثانيه...
وش بيشيل ذي؟!!!!!!!.......
خلاص ياوليد أنتي رجال وهالشي بسيط بالنسبه للأشياء الجايه...
خذتيها وطلعتي في الشارع وحطيتي الشنطه في السياره بصعووووبه...
لحظه..
لحظه..
ما انتبهتي على شي؟!!!!!!......
أنتي بدووون عبــــايــــه..
يــــــــاااااااااااااااا اي ونااااااااااااااااااااااا ااااا نسه...
لحظه وش ياي هذي؟!!
هذي حركات دلع بنات مو وقتك
قول
ياااااااااااااا هــــــــــــووووووو ووووو..................
ركبتي باقي الأغراض وجلستي ساعه في السياره تنتظرين خواتك
رحتي تشوفين وش أخرهم
لقيتي وحده حاطه اللفافات في شعرها
وحده تحط مكياج
وحده محتاره بين تنورتين
ووحده تتبخر..
حنيــــــــتي لها الحركات
بس سويتي نفسك يعنني رجال
ضحكتي بسخريه: هه هه هه أما انتم يالبنات عليكم حركااااااات<اعوذ بالله
المهم خلصو
وطلعو
ركبتي السياره بتسوقين..
من قدك أنتي عند الباب..<بالله
مشيتي بالسياره
وبعد طريق طويل وقفتي عند أشاره
التفتي شفتي شااب في سيارته
أطلقتي صفاره لاأرادي
وبققتي عيونك
لحظه..
لحظه..
خلي عيونك قدام
أنتي رجااااااال...
بلاش حركات البنات
حدكـ البراقع..ويخب
وصلتو عند الأستراحه
نزلتي الأغراض لأهلك
ركبتي السياره
سمعتي صوت خشن ينادي: ولــــــــــــييد........<يمه
التفتي لقيتي عيال خوالك جالسين يناظرونك..
وكلهم يمشوون جايينك..<وش يبون ذوول
وش بتسوين؟!!!!!!!!!!!!!!!!.......المشكله انك تستحين عيال أقاربك
جو وسلمو عليك
واحد يقول: وينك ياوليد مختفي ماتنشاف
وواحد يقول: من طول الغيبات جاب الغنايم
والثاني يقول: ولا بعد ناوي تنحاش
وثالث يقول : أسفهم بس وعلمنا وش أخبارك
وأنتي حظرتك منزله راسك
مستحيه
ووجهك احمرر
واحد قال: وش فيك يابو الشباب تغيرت علينا
رفعتي راسك وجلستي تطالعينهم
هذا أحلو..
وهذا طال..
وهذا مسمر..
وهذا من عرفته وهو شين..
وهذا حالته صعبه
يوم كنتي بنت عارفه اسرار البنات كلها
قلتي في نفسك لما جى واحد ثاني
"يألــــــــلــــــــه هذا تغيــــــــر"
كان خبرتك في عيال خوالك زينه قولي من هذا؟!
سألتيهم بعد تردد: هذا ولد خالي مـ......
وسكتي...
وش هالصوت؟!!!!...
خشــــــــــــن...<يــــــــع
هم أنتظروك تكملين جملتك
بس أنتي واقفه ومطيره عيونك
عرفك على نفسه
وجلسو يسولفون مع بعض <ياحليلك
أنتي أعتذرتي وقلتي أنا مواعد الشباب في استراحه <اف قويه
رحتي وأنتي كارهه نفسك
وش هالعيشه؟!!!!
مشيتي بالسياره..
وين بتروحين؟!
ماعندك اصدقاء..
أنتي طلعتي من عند خوالك علشانك مليتي من سواليفهم
سواليف الشباب بايــــخه<والله يازينها
وين تروحين؟!
بيت عمك
خلاص بنت عمك ماعادها صديقتك
بيت عمتك خلاص بنت عمتك تستحي منك
وين تروحين؟!؟
عيال عمك مجتمعين تروحين عندهم؟!
صعبه
توك لين الحين تستحين<يعني ماصدقتي
جلستي تدورين بالسياره
وأنتي عارفه ان بنات خالك مجتمعين في الاستراحه<والله قهر
وأكيد وناسه
وبنات عمانك بيجتمعون في بيت وحده من عماتك
وأكيد الجلسه فله
جلستي تدورين بالسياره
كارهه نفسك
صوتك..
جسمك..
شعرك..
خشونتك..
شواربك..<الحلوه
يدينك..
رجولك..واضافرها ذي ابيض واسود
لبسك..
كل شي فيك كارهته
ماتدرين لوين رايحه
رن جوالك وكان منور بأسم واحد من اصدقاء أخوك
ماقدرتي تردين
قلتي في نفسك
" والله زمــــان
هذا قبل كان عاجبني وكنت إذا عرفت انه بيجي لبيتنا تفننت بالطبخات..ومابقى شي من أدوات التجميل الا وحطيتها.. "
رن للمره الرابعه بس ماكنتي تردين<ياثقييل
بس في الأخير رديتي<
وأنتي كارهه هالصوت عقب الصوت البناتي
: الو
قال: الو.. اهلا أبو الشباب وينك ياخوك عن الجوال
: كنت في البقاله وهو في السياره
قال: وش أخبارك؟!
: ماشي الحال..أنت وش أخبارك؟! وش أخبار الشباب؟!
قال: كلنا بخير ويسلمون عليك
..ها ياخوك وين أرضك؟؟
: والله جالس أدور ماعندي شي.
قال: تعال عندنا في أستراحتنا كل الشباب جالسين
: أخوي فيه؟!
قال: لا.. أخوك يقول انك مع خوالكم في أستراحه
: ايه..بس طلعت
قال: اجل حالف أنك تجي تتعشى معنا
أنتي هنا استحيتي
: لا الله يسلمك هذا انا عند باب أستراحه مع ربعي
قال: براحتك..يسلمون عليك التماسيح الي عندي
: ههههه الله يسلمكم من الشر
قال: توصيني شي؟!
: سلامتك ياخوك..
قال: الله يسلمك يارب.. يالله اجل مع السلامه
سكرت السماعه
أنتي عارفه ان الكل يحاول يساعدك على أنك تتأقلمين مع الجو
بس أنتي الي ماحبيتي هالعيشه
عيشة الشباب
أكيد مشتاقه تفضفض لصديقتك
بس خلاص هي تعتبرك غريب
رن جوالك منور بأسم ولد عمك
رديتي
:الو
قال: اهلا بولد العم
: هلا
قال: كيفك؟! وش أخبارك؟! بشرنا عنك؟!
: تمام بخير..أنت شلونك؟!
قال: الحمد لله.. وينك ياشين؟!
: هههه.. انا ضايع يالأطخم
قال: أفا.. ضايع!! وين يعني؟!
: ضايع في هالدنيا.. في هالعيشه..عيشتكم
قال: أتعوذ بالله من الشيطان..ولاعاد تقول مثل هالكلام.. وأنت مو أول ولا أخر واحد يصير معه كذا
: اعوذ بالله
قال: ولا يهمك يالحبيب .. تعال شفنا انا وعيال عمانك في بيتنا تعال عندنا والله الجلسه وناسه وماناقصنا الا انت
: بس أنا مواعـ ـ ـ ـ....
قاطعك: لا تكذب أخوك توه جاي من عند خوالك ويقول انك قايل هذا الكلام ويقول أخوك ان ماعندك ربع..تعال بس
: لا لا انا مواعد واحد ماتعرفونه
قال: شف إما تجي ولا رح لبيتكم وذاكر ترى الاختبارات على الأبواب وخلاص انت ولد ماعاد فيه أنا بنت إذا حصلت لي الجامعه ولا بتزوج..لا الحين مجبور جامعه يعني جامعه..
أكيد ضقتي لما تذكرتي هالشي
قال: يا تجينا يا تروح بيتكم أختار يالشين
: خلاص بأجي
قال: ايه خلك كذا ياشيخ ماينفع معك الا ولد عمك
يالله يابوي جب معك حب مصري مع السلامه
سكر السماعه وأنتي تفكرين وش بتقولين في هالجلسه؟!
وش لون بيستقبلونك؟!..
بتستحين ؟!!!!...
ولا بوجود أخوك بتتجرأين؟!!!
صعب الموقف
صعب
مريتي البقاله وشريتي حب مصري
ورحتي لهم
وقفتي قبال بيت عمك وقلبك مع بيت عمتك
انتبهتي لبنات يطلون عليكـ من الشباك
قبل كنتي معهم الحين مع الشباب
وتمنيتي أنك بنت
مثل ماكنتي من قبل تتمنين أنك ولد
دخلتي عند الباب
اول مادخلتي
: السلام..
كانو متحمسين يشوفونك لدرجة ان ماحد رد السلام الا اخوك
أستحيتي من نظراتهم
بعدين رد ولد عمك السلام
وكأنه يذكرهم
قام ولد عمي وقال: حياك تفضل
وجلستي جنب أخوك
وأخوك كل أشوي يهدي من أرتباكك
بس كيف بترتاحين وهذيلا نظراتهم كذا
طبعا المجلس كان شبه مجلس أو بقايا مجلس
لأنه قمه في الوساخه
لعبو بلوت سولفو
وضحكو
بس أنتي ماحبيتي الجلسه ابدا
وفجأه..............
قمتي من النوم <<<يعني حلم
عليك قميص بدال ثوب النوم
ناظرتي نفسك على المرايه
هذا شعرك......
وراح شنبك........
فتحتي الدولاب
فساتينك
تنانيرك
تي شيرتاتك
بناطيلك
وكل ملابسك موجوده
أحترتي بين تنورتين
لففتي شعرك
تمكيجتي
تبخرتي
جى أخوك وضحك بسخريه: أما أنتم يالبنات عليكم حركات
خذتي جوالك لقيتي مسج من بنت جيرانكم
نزلتي لقيتي أخوك يشيل هالشناط
لبستي عباتك وطلعتي
((( بعباتك )))
وأنتم عند الأشاره شفتي واحد يقطع القلب
وأشرتي لأختك علشان تشوفه
بس من دون مايدري هالزين
وصلتو للأستراحه
شفتي العيال عند الباب وعطيتيهم أشكل
ودخلتي وجلستي مع بنات خوالك وكانت الجلسه ونــــــــــــاسه
دقيتي على أخوك يوديك لبيت عمتك لان البنات مجتمعين
ووافق
يــــــــاااااااااااااااي ونــــاسه
ياي مو ياهووه..
رحتي لهم وكانت الجلسه فله والصاله الي جلسو فيها تبرق من النظافه
وأنا كنت اتمنى أكون ولد علشان أسوق سياره..بس <<<لاا موبس خخخ
ويلاه تعبت ابغى ردود مو تقرون وتطلعون >> تهدد بعد
تحياتي
منقووول لعيونكم
fJkJhj jJoJdJgJ, hkJ;Jl klj,, rlj,, wvj, h,gh] h]ogd ,a,td h]ogn h,gh] hkJ;Jl jJoJdJgJ, fJkJhj wvj, klj,, ,a,td rlj,,
بـنـات تـخـيـلـو انـكـم نمتوو قمتوو صرتو اولاد ادخلي وشوفي
العرض العادي
