اليوم جايبلكم لعبة مدري تعرفونها ولا لا ..هي لعبة بسيطة ومايبلها تفكير بس المطلوب انك تكمل القصة او السالفة ..
يعني راح ابدأ بسالفة .. وثم اللي بعدي يكملها .. واللي بعده يكملها و كذا..
وعلى فكرة من عندي راح يكون فيه جائزة لاحسن تكملة قصة .. << على حساب الادارة طبعا
يالله فهمتوا زين (( احس ان فيه واحد يقولي مافهمت ))
يقولك يوم دخل الشتاء والبرد .. قرر ابو حسين وعيالة يروحون للسوق( المعيقلية) عشان يشترون مقاضي البرد .... وعندة كوزة بزارين وكل واحد ووحده منهم يبيلها سوق لحاله .. المهم وكان ذاك اليوم الجو مطر و رطرطه ... و كانت سيارته ددسن غماره و حوسة وصرقعه وخياس وبعدين ...............اللي بعدوووه يكمل
وهم ماشين في شارع ال......<<ما يعرف وين السوق اختارو لكم شارع
خربت عليهم السيارة ونزل ابو حسين يحاول يصلحها ما قدر وفي نفس الوقت كان ابو علي وعيالة رايحين السوق وشاف علي سيارة عمة ابو حسين
علي:يبة ذا مو عمي ابو حسين
ابو علي:اية يا ابوك روح يمة شكل سيارتة متعطلة
علي :ابشر
ونزلو علي وابوه يساعدون ابو حسين لكن مافي فايدة
علي::يا عمي سيارتك ذي ما منها فايدة بيعها حديد احسن لك
ابو حسين:العين بصيرة واليد قصيرة
ابو حسين: كنت باروح السوق لكن باخليها وقت ثاني انتم اخذو بزراني لبيتنا وانا باصلح السيارة وارجع البيت
علي: خلاص يا عمي انا باجلس معك وابوي يأخذهم معه<<عاق هههههههه
حسين كان في الوقت ذا مع اخوياة الكول يصيعون في الشوارع واو ما شافة ابوة راح لة ركض ونزلة
ابو حسين: حسينوة وش ممشيك مع السمرمد هذول
حسين: اوة داد ريلاكس ذيس از ماي فرند نت سمرمد
ابو حسين : اقول جعلك الماحي ما تشوف علي ولد عمك شزينة مع ابوة وين ما يروح
علي شاف عمة يمدح وجاي يرتز
علي: ارتاح يا عمي لا يرتفع عليك الضغط ونبلش بك<<ما عندة وقت ههههههه
يلا يا الربع ورونا ابداعكم والله موضوع تحفة وجاري التثبيت
لعبة توسع الصدر .. كمل القصه بأسلوبك بس لازم تلفق؟؟
العرض العادي
