السلام عليكم ورحمة الله وبركاته
تعالو شوفو ا العربجيه والناعمه.....
اول شيء نبدا فيه الناعمه
الناعمه..طبعا وهي نايمه الدبدوبي والارنوبي كلهم في حظنها ما شاء الله
صارت الغرفه محل العاب واذا قامت من النوم ما تقوم الا الساعه1 الظهر لا بعد
واللي يصحيها الشغاله تقومها بالانجليزي ...بس انا راح اترجمه لكم ....
يالله مرام قوم ماما في قول قوم
عاد هي تقول اوكي وتجي امها وتصحيها مره ثانيه يا مرام حبيبتي اصحي ..
ترد مرام.. ماما والله بدري الساعه 1 الظهر بدرررررررررري(تدلع هي وخشتها..
يقالها تو الناس بدري )..طيب ماما من عيوني
قامت البنت من السرير وفتحت الستاره والشبابيك ... علشان الغرفه
تتنفس ...يااااااااااااااي..وشغلت موسيقى رومنسيه علشان تروق بنت الحلال
وراحت تاخذ حمام محترم وبعد ما تطلع من الحمام و على المرايه تحط من
هالكريمات والدعافيس على وجهها ....
تعرفون شباب لازم تحافظ على البشره خلصت من المرايه وتتجه الان الى
الاستشوارلحووووووووووول ساعتين عز الله اللي اندمرت
هالشوشه... خلصت منه دقت البنطلون الجينز والبلوزه ونزلت تحت تفطر على
كاس عصير برتقال ..... مسويه رجيييييييييييييييييم
نجي للعربجيه
..تقوم الساعه 8 الصبح وهي ما ودها تقوم .. وجات امها تقومها ..
يا سوير قومي يا مال الحمى
لحووووووووووووووووووول زين زييييييييين ...تنفخ بعد....
بس لو تشوفون شكلها وهي نايمه.. كراع هنا وكراع هناك .. لا وكل ثلاث
ساعات وهي طايحه من السرير
يجي اخوها حميد (اسمه محمد بس يدلعونه حميد )
ويقومها مره ثانيه ياااااا سوير تقول امي قومي جعلك الموت
ترد سوير..اقول اطلع لا اقــــــــــــــــرط وجــــــــــــــــــــــــــــــــــــــــــك
ويجي مناحي اخوها الكبير ... سوير وجععععععععععع .. ويعطيها ذيك الرفسه
اللي خلت عظامها تهلهل
وبعد تلك الرفسه العنيفه ... فزت فزه ما يعلمها الا الله
وقالها مناحي..قومي صلحي فطور عشر دقايق الا وهو جاهز زينننننن
شوفي ابي قرص وخبز مسح(يعني خبز على الحديده)
وقامت بعد جهد جهيد وعلى شتم ولعنت الحي والميت حتىىىىىىىى ولد عم جد ابوها ما سلم منها
اعزائي القراء نعود الى الاخت الناعمه..
هذي ما تتغدا الا الساعه 3 ولا 5
لا ولا تتغدى الا على رز ابيض مسلوق وسلطه ...تحافظ على الرشاقه
العربجيه تتغدا الساعه 12 بالضبط ولا تغدا الا على كبسه لا خلصت الا كاس اللبن
مراعي << لي نسبه من الاعلان هماه ..... متولم عندها تشربه شربه وحده
يعني ما في مجال انها تنفس
الناعمه.. طلعتها تكون من بعد صلاة المغرب(ما تطلع في العصر يااااااااااي
تحافظ على البشره
العربجيه.. تطلع الساعه2 القايله وتدقها كعااااااااااابي لبيت خوالها الين تنقلب
خبز اسمر
الناعمه..تروح للفيصليه ولا المملكه وقبل ما تروح السوق تمر على المشغل
علشان تحط ميك..اب سوق (مكياج سوق)
العربجيه .. تروح لسوق النسيم عشان تلقى العرابجه اللي مثلها
الناعمه.. اذا تطلعت تطلع مع يارا ولارا<< وخياره>> ورولا ومايا وغيرهم
العربجيه .. تطلع مع بنات خالاتها وضحى وشقحى ومزنه ومنيره وعمشاء
الناعمه..اذا شافت واحد حليو لابس صح وماركات وحركات وحاط
سكسوكه ومحد قده قالت ..يااااااااااااااااااااي بنات نازرو (((يعني ناظرو هذا الله
يسلمكم ماغير من الدلع))) ياربيييييييييه واااااااااو عاد البنت اعجبها الشاب
اللطيف هذا ودها تحتك وتقوم وتمر من عنده وتدفه بكتفها
ولا دفته بكتفها قالت اووووووووووه اسفه
ويرد عليها .. لا عادي على ايش الاسف عيوني وتبتسم ذيك الابتسامه اللي شقت
وجهها وتخزه بهالنظرات وتسلهم بهالعيون وهو دوره ما تلقاه
العربجيه..لا جات تزين شخطت هالعيون بهالكحل والبست البرقع وطلعت هي
وشقحى ومنيره ومزنه
وعمشاء لسوق النسيم
عاد العربجيه يمر من عندها واحد راكب جيب فكس اااار موديل 2002 وداق
شماغه كوبرىىى ويمر بهالجيب وسوي حركات استعراضيه
وتقول يا بنات تكفووووووووووووون شوفو يا ويلي ويلاااااااااااااااااه تكفون يالربع
وتقوم بنت الحلال وتقزززززززززززه قز والرجال راح في خرايطها وعاد لا
شافها تقزه قال... يا غزال ارحم حالييييييييييي يا ويلي تكفون يا عربان
الناعمه .. اذا مر عليها واحد قروي قالت وععععععععععععععع الله يقرفك ...
نعم وش تبي يالله هناك بلا قراوىىىى
العربجيه .. اذا مر عليها واحد لا بس بلوزه ضييييييييييييييييييقه وبنطلون
ضيييييييييييييييق
وقالها يا حلو عطنى وجه قالت... اقول احسن لك ضف وجهك لا يجيك شيء ما
يطيب خاطرك
قال..ليش العصبيه هذي
قالت اقول والله لو ما تضف خشتك لا اتوطى في حوض بطنك ... علم جاك
وتعداك <<<تعجبـــــــــــــــــني
الناعمه.. لا جات تضحك هههههههه يالله تسمعها من النعومه
العربجيه..اذا ضحكت اضحكت كذا ((هع هع هع هع هع ))...الحمد لله والشكر
تقول بالعتنلها بعير الله يكرمكم
واذا جات تمزح مع حميد اخوها اعطته كف حلاقه ....يعني كف قوي علىرقبته
الناعمه..اذا تحب تسمع اغاني ما تسمع عربي خلقه ما تسمح الا ريكي ما رتن
طبعااا لانه حلوووووووووو
وممثلها المفضل .. توم كروز لاوسامته وميل جبسون وجيم كاري لخفة دمهم
واحلى ممثله عندها جوليا روبرتس
العربجيه ..الاغاني اللي تسمعها خلف بن هذال وحجاب بن نحيت وبشير حمد
شنان وعيسى الاحسائي
الناعمه..لما تتفرج على التلفزيون تجلس على الكنب وتحط رجل على رجل
وتبتسم لان الابتسامه تضفي بشاشه على الوجه
العربجيه.. لا جات تناظر التلفزيون تشوف غصب واحد وغصب اثنين .. وتجلس
على الارض وتحط المركا وراها والكراعين على التلفزيون
وان زهقت من القناة الاولى دقت التلفزيون باصبع رجلها وحطت القنا ة الثانيه
الناعمه اذا تبي تحلم احلام اليقظه طلعت برىىىىى في الحديقه حقت بيتهم
وجلست على الكرسي هزاز وقام الكرسي يروح ويعود
العربجيه ..اذا تحلم احلام اليقظه طلعت برى في حوشهم
وفرشت البساط(ابو خمس طعش اللي مخطط باحمر وازرق عرفتوه )
وتكت على المركا قعدت تفكر في المروخ (شي مختلط من فكس وابو فاس مع
حثال قهوه وشوي تمر) وهي يحطونها على الورم .
يازين العربجيه
تحياتي ....
,a hgtvr fdk hgfkj hguvf[di ,hgkhuli >>>>? hguvf[di hgtvr fdk
وش الفرق بين البنت العربجيه والناعمه ....؟
..
.gif)
.gif)
العرض العادي
