انا عدو ابليس

[« ابن الخبر »]

انا عدو ابليس

يا نفس صدّي عمد وأرقي من رفاع أليا رفاع
وانتي عزيزه مارضيتي بالتدني والخضـوع


تجاهلي وأرقي على قمـة مراقيـب السبـاع
لو التذلل يشبع الانفس يموت الذيـب جـوع


مير المثل قال القناعه كنـز والدنيـا متـاع
والمغريه لو تغري الطماع ما تغـري قنـوع


وانا احمد الله يوم اسوق الرجل فالسبل الوساع
وأن سقتها قدام مايطري على بالـي رجـوع


اصدّ عن بعض المداخل عمد قصـرٍ للنـزاع
من خوف لا تجذبني الزله وأنا رجلٍ جـزوع


تجزعني الزله ليا جتني من لسـان الشجـاع
لو كنت اصم ابكم ليا صارت من لسان الدنوع


مانيب جاهل مير تحكمنـي تقاليـد وطبـاع
واشوف ناسٍ مايعرفون النزول من الطلـوع


من يطرد الدنيا محبة قدر يبشـر بالضيـاع
واللي يعدّي فوق مايحسب,مصيـره للوقـوع


واللي يعبد وجيه خلق الله مثل عابـد سـواع
انا دخيلك ياعظيم الشان من بعض الركـوع


يالله لاتظفي على وجهي مـن الغفلـه قنـاع
والهمني الطاعه ولا تجعل جبينـي بالمنـوع


انا عليّ من الذنوب السـود مـا لايستطـاع
تاخذني الغفلات والانسـان مخلـوق هلـوع


غـــــــرقـان فاللـذات والايـام تطوينـي تبـاع
على سفر واليوم يقرب من ربوع ليا ربـوع


أسألك حسن الخاتمه يارب لحظـات الــــوداع
والعفو والغفران من شيٍّ ورى حدب الضلوع


اناعدوّ أبليـس والشيطـان معصـيٍ مطـــــــاع
احيان يغويني على ذنبي واطيع النفس طـوع


وأذنب وانا من رهبة الموعد معاليقي شبـاع
والخوف يدخل في شراييني على مليون نـوع


خوفي من اللي مقتفيني بعد ما يطوى الشراع
والصحف والميزان والانكال في يومٍ يــــروع


والعمر مهما طال حبل العمر لا بـد أنقطـــــاع
وأليا ذكرت اللي مضالي كنه أقصر من سبوع


يارب زدني خــــــوف وأيمان وتأمّـل واقتنـاع
ونور وهدايه منك وأسكنّي مـــلـذات الخشـوع


وزدني يقين ومتع اسماعي بحسن الاستمـــاع
يالله ولا تجعل عيوني منك تبخـل بالــــــدمـوع


النفس أمّاره وانا والسوء في حرب وصـراع
والفاتنه تلعب على عيني مثل لعـب الفـروع

المصدر: منتــديات مافي مخ

---

hkh u], hfgds hkh

[« سروالي منقوب »]

حلو جدا


لاهنت روعه جدا ..

الشعر نبع وخبره وموهبه ,, وانت كلهم ,,

وااصل الابدااع واااصل

[« ابن الخبر »]

سروالي منقوب

بمجرد دخولك إلى نافذتي ..
فقد تركت بصمتك ..
على مشاركتي المتواضعه ..
فيكفيني وجود أسمك.. بنهاية مشاركتي ..
يؤكد لي حضورك الباهي
دمت بخير