وارجوك دخيل الله لاتصحّيني
●●●
لي خمسـه ايام اعيش السّمع والطّاعـه
ولك خمسـه ايام تامرني وتنهيني
●●●
والمشكلـه جت عروق القلب فزّاعّـه
مايكفي انك سرقت النوم من عيني
●●●
اصبحت انا القاز وانت امسيت ولاّعـه
شبيتني يلعن اهلك وش يطفّيني
●●●
دكتور وممرضـه وابره وسمّاعـه
في كل ليله ولايدرون وش فيني
●●●
ياسيدي الجرح قلبي يشتكي راعـه
لا الذنب ذنبي ولا الموضوع بيديني
●●●
حبيت واخلصت واثر الحب فقّاعـه
روّح وباقي يموتني ويحييني
●●●
غيري هدر دم عشق وللاسف باعـه
غيري قتل كل حب بحد سكيّني
●●●
وانا الي اصبحت للأخطاء شمّاعـه
وادفع ثمن كل غلطه من محبيني
●●●
قبلي في العشق ناس وتشكي اوجاعـه
قالوا متاهـه وانا جيتـه برجليني
●●●
بدايته سلسلـه والنّفس طمّاعـه
اغراني ادري ولا في شي يغريني
●●●
واليوم لو قلت يااهل الحب وطباعـه
انتوا على دينكم وانا على ديني
●●●
اجبرني الجرح اعيش السّمع والطّاعـه
حتى ولو قلت له
ياجرحي اعفيني
●●●
من خمسة ايام وانا في رجا ساعـه
وان جيت بنامها جرحي يصحّيني
●●●
dh[vpd hsjH`k; fkhl gd shuJi jkhl dh[vpd
ياجرحي استأذنك بنام لي ساعـه
العرض المتطور
