اربع حروف
 

سمعت اربع حروف وليتني مااسمع سواها حروف
عن حروف الهجا تغنـي ولوهـي مـا تكفينـي
على قلبي مثل زخ المطر في قطعة مـن صـوف
تـروي قلبـي العطشـان وتسيـل شراييـنـي
احبك كلمة جتني بعـد طـول الهجـر والخـوف
من انك مـن بعـد طـول المفـارق ماتلاقينـي
ولو طول غيابـك لـك بقلبـي موقـع معـروف
وعزاي انـه يطـول البعـد وانتـي مانسيتينـي
ترى جودك بـاحبك غاثـت قليبـي وهوملهـوف
دخيلـك جـودي بطلتـك ياعينـي علـى عينـي
ترى شوف بلا شوفك مااعـده ياغناتـي شـوف
تعالي لي خطاك الشـر فـي منفـاي واخذينـي
وصدي بي عن وجيه الحسد في موقـع مكفـوف
وضميني علـى صـدرك وانـا بغفـى وخلينـي
ابغفى غفوة اللي نـام نومـه ماعليـه ظـروف
صغيـرآ لاغفـى كنـه يقـول احـذر تصحينـي
وبنسى العاذلين الي هدفهـم غامـض مكشـوف
انـاس همهـم قطـع العلاقـه بينـك وبيـنـي
يكون الرد بمعانق قلـوب وفـي عنـاق كفـوف
ولي كلمه عسـى العـذال تسمعنـي وتوحينـي
يطول الوقت وتهـب الهبايـب والجبـال وقـوف
مثل حبـك بقلبـي ثابـت مـن مطلـع سنينـي
سمعت اربع حروف وليتني مااسمع سواها حروف
عن حـروف الهجـا تغنـي ولوهـي ماتكفينـي

الله عليك شطيبان انت مبدع وهذا الكلام اكبر دليل انك مبدع تسلم

ما يجيك قاصر


ويسلمووووووووووووووووووووووووووووووو على المرور