منقول<<يا كرهي لذا الكلمة

[TETO]

السلام عليكم ورحمة الله وبركاتة


كيفك يا احلى اعضاء لأحلى منتدى في العالم


انا راح ادخل في الموضوع على طول


اكيد كل واحد من الاعضاء يبي يكون له بصمة تميزة عن غيرة

بمواضيعه او ردودة او حتى سواليفة في صندوق المحادثات


بعض الاعضاء يحسب التميز في عدد المواضيع والمشاركات وبعضهم يحسبها بالمنصب اشراف او مراقبة او ادارة

لكن انا اشوف ان التميز في الطرح بالكيف مو الكم

لو كل واحد من الاعضاء بدل ما ينقل موضوع عجبة على الاقل كتبة باسلوبة

او حاول يجرب يكتب موضوع جديد بفكرتة هو صدقوني راح يكون ذا التميز


زمان كان الواحد ينقل موضوع ومحد يعرف انة منقول الا اذا كتب في النهاية منقول لكن الحين صارت في قروبات وكل واحد يكتب موضوع راح ينشرة بطريقة مو مثل قبل يعتمد على المنتدى اللي مسجل فية



يعني ان الواحد ينقل موضوع راح ينعرف انة منقول من الاسلوب او غيرة

انا كتبت الموضوع ذا بسرعه وفكاري مو مرتبة بس حاولت ما انقل ولا كلمة من اي موضوع يشبة له

لية ما تحاولون انتم تكتبون مواضيع بنفسكم بدل النقل اللي طفشنا منه


مثل ما قدرتو تكتبون الردود والتعليقات راح تكتبون مواضيع بس الموهم المحاولة

انا ما اتكلم عن كل الاعضاء ولا حتى عن نصفهم انا اتكلم عن الاقلية اللي ينقلون المواضيع ويحسبون محد داري عنهم


طبعاً القصايد والقصص ذي مواهب انا اتكلم عن بقية المواضيع


ان شاء الله تكون فكرتي وصلت


ومنتظر تعليقاتكم

[vip]

حلوو حلووو
شوووف ياخيي كل واحد وموهبة مثل ماقلت وكل واحد له القسم الي يبدع فيه ويسدح مواهبه فيه

وبالنسبه لي والي يقهرني ان سدحت موضوع ماشوف غير كم رد اثنين ثلاث واقل بالله تشوف هالشي يحمس الناس تبدع

قبل كم يوم سدحت موضوع بالصرقعه محد فكر يرد غير ثلاث والباقي ردي عليكم يعني ابدا محد يحمس

وان اعطيتم الاعضاء حماس وحركات زي كذا اكيد راح يكون لهم نفس لردوود ..

وعن الصرقعه الي تقلون انه للمواضيع الطازجه من المخيخ اغلب مواضيع الاعضاء منقووله وقديمه ومايسدحون منقول بعدها ويقال هم كتبوها يمكن مايعرفون لنسخ ولصق ويكتبونها بيدهم ويقلون كتبناها خخ

ولا تووني سادحه موضوع بقسم الشعر رايحه لقسم الشاعر نفسه واختار لكم القصيده الي عجبتني ثمن الونها وتعب روحي وقعد مدح بالشاعر ومافيه غير رد وااااحد <~ صح هو الشاعر قايلها بس انا نسقت وماخذتها من اعضاء من نفس الديوان مدري القسم حقه يعني هو سادحه مو عضو/ه ولا رد ولا شي <~ كني طولت السالفه

بس من جد الي يقهرني ان مااافيه ردوود بالمنتدى

ونتمنى من الجميع الحماااس وتشتغل افرازات مخهم ويسدحوون لنا مواضيع اجمل واجمل


ومشكوووووووور تيتو وننتظر شي من ابداااعكـ ..

[ابو حتحوت قالب الددسن حوت]

هع
شوف يالغالي ..
اولا .. مكشووور ع الموضوع ..

ثانيا يابعدهم كلهم ..

والله ياخوك انا اسدح كل يوم موووضووع .. واغلبهم محد يرد .. ع المواضيع .. بس يقرون الموضوع ويطبعون .. >> والله الاعضاء بالحاله هاذي يقرهون ..

بعدين بعضهم يجيب لنا مواضيع من اي منتدى ويقول لنا انا مسوي الموضع واهو ..>>كذاب

شوف ياتيتو انا اسدح المواضيع .. وين مااروح ادورلي موضوع فى منتدى الاونسخته الا اذا كان الموضووع مهم او ضروري ..

واغلبه المواضيع اكتب من راسي .. لانو الله يسلمك انا احب التعبير .. واحب اعبر لو اكتب .. مووضوع كبير ..

وياليت لك الاعضاء اللى يتزلون مواضيع فى قسم عالم الصرقعه والزحف انهم ماينزلون نسخ .. ولصق ويدحو نلنا فالمنتدى ..

ياريت الل ىيعرف يكتب يكتب لنا موضوع واله بسيط الموضوع .. مايحتاج انه يروح يدور فالمنتديات ويجيبها لنا . اذا كان بيروح لا يجيب .. الله لايهينه نحا ماحنا محتاجين للاعضاء اللى .. يسون هالحركات .. مخ52

وانصح كل الاعضاء اللى يدخلون المنتدى يوميا .. انهم يردو على الموضوع .. :p

وشكر خاص للدام الفنى الواصل . الاخ المبدع .. تيتو .. مشكووور

تحياتي

ابو حتحوت قالب الددسن حوت

[¸.»فَرٍكٌتوٍوٍوٍزٍ«.¸]

تيتو ,, ثانكس ع السريع



انا كلامي للي يكتب موضوع وينتظر الرد



ياناس لاتنتظرون الرد من احد

انتم كذا سويتوا الي عليكم


لاتفكرون ماحد قرا موضوعكم بالعكس


محركات البحث مشغله العناكب في منتدانا



يعني صدقوني مواضيعكم وتعبكم مايروح بلآش


وكمان لو كل واحد منكم يرد على المواضيع


ماكان قلتوا مانحصل رد


انتن بنفسكم يالي تقولون ماحد يرد على مواضيعنا

انتوا بعد ماتردون ع احد

اغلبكم مو كلكم طبعا



واخيرا اتمنىا لكم فطارا شهيا ,, مخ11

[TETO]

فرفر سبقني على اللي كنت ابي اقولة مع شوية اختلاف

الحين اللي يبي يكتب موضوع ما ينتظر واحد يقول لة شكراً وموضوع ممتاز ويطلع وهو حتى ما قرأ الموضوع

الموهم ان الفكرة او الشئ اللي تبية يوصل للاعضاء وصلتة والردود مو بذيك الاهمية


صحيح ان كل واحد تعب يبي شئ يحمسة على التعب لكن قبل لا تنتظرون كلمة شكراً ويسلمو انتطرو الاجر من الله على طرحكم البناء وكلمة شكراً انا من هنا اقدمها لكل الاعضاء وهي قليلة عليهم ولكن نسأل الله ما يحرمهم من الاجر على اطروحاتهم


ذا بالنسبة لردود

اما بالنسبة للموضوع سواء في ردود او مافي ردود لية تكتبون المنقول وانتم قادري تكتبون بيدكم لية ما تخلون لكم بصمة مو بس في المنتدى لا في النت كلة ويصيرون حقون النت كل ابوهم يسرقون من مواضيعكم بدل ما تسرقون منهم

لا تقولون صعب كل شئ يجي حبة حبة انتم حاولو تكتبون وراح تبدعون ولا تفكرون في الردود واقصدو بكتاتبتكم وجه الله

ومرسي للي ردو واللي ما ردو برضو ويكفيني مروركم على موضوع من مواضيعي

[معآنق الطيف]

يعطيك ربي العافيه تيتو

وصرآحه موضوعك في محله

يعني الكل يعرف ان أغلب الأعضاء بس ينسخ ويلصق

وصرآحه مو كذا المنتدى

كل المنتديات لازم يكون فيها ع الأقل اثنين أو ثلآثه

يكتبون مواضيع بتعب وبتنسيق حلوووو

آنا أقولكم شي بصرآحه .. آنا مآ أكتب مواضيع عشان كذا

يعني مآ أحب اروح منتدى وأدور موضوع وأجي أنقله هنآ

إذا جا في بالي أكت موضوع .. أرتب أفكاري وأستلم الكيبورد واكتب

وهذا هو الشغل السليم ^_^

فــ .. أتمنى يكون في منتدانا نآس تكتب بنفسها

وتتعب وتطلع موضوع حلو ..

يعطيك العافيه تيتو يالغالي

تقبل مروري ..،،

[جنيهـ برتقاليـهـ]

طيب يـآتيتـو

آلحيـن اذا الـوآحد مـآلقــى تشجيـع كيف بيكتـب ؟ وهـو عـآرف مهمـآ تعب في مـوضوعـهـ لآحـيـآهـ لمـن تنـآدي 00

فـآآكيـد رآآح آختصـر الطـريق وآبحث عن مـوضوع حلو وآسوي عليهـ تعـديـلآت من عنـدي بـدل مـآكتب بقلمي عشـآن لـو مـآيكـون فيـهـ ردود عـآتـي مـآآحس آني آجتهـدت فيـهـ بـذآكـ القـدر 00

ولـي مـدآخلـهـ ع بعض ردوكمـ شويـآت <آسمحو لي

يقـول لنـآ فركتووز وآنت يـآتيتو توآفقـهـ الـرآي

ياناس لاتنتظرون الرد من احد

انتم كذا سويتوا الي عليكم


لاتفكرون ماحد قرا موضوعكم بالعكس

طيب

آضرب لكمـ مثـآل

آنــآ نـزلت المـوضووع وشفت عدد المشـآهـدآآت كثير ومـآفيـهـ ولآرد

هـذآ وش آسميـهـ 00 < مـآعجبهمـ وإلآمـآلهـمـ خلق يردون..


ودآمنــي سوويت اللي علـي ليـش همـ مـآيسوون اللي عليهمـ ويردون بغـض النظـر ع المجهـود

وبعـدين لو نزلنــــآ مـوآضيـع ومـآلقينآ عليهـآ ردود كيف رآح ننزل ثـآني مـرهـ 00

واللي قبـل كـأنـهـآ جـديدهـ محـد شـآفـهـآ 00


عـذرآ ع آلآطــآلـهـ

وتقبلـوآ وجـهـ نظـري بصـدر رحـب 00

[TETO]

وجه نظرك على راسي لكن من حقي اقول رايي وبالذات اذا كان يخاف لرايك

انتي تقولين بدل ما اكتب واتعب اروح اجيب موضوع واعدلة واحطة حتى لو ما ردو انا ما تعبت

انا رايي

اني ما شفت ولا موضوع في المنتدى ما علية ردود الا اللي نقلناة لقسم ماصلة
وبعدين انتي كذا كذا بتكتبين موضوع لية ما تكتبين بنفسك بدل ما تنقلين نفس الشئ بزيادة شوي تعب

وبعدين انتي استفدت من كتابتك للمواضيع وصار عندك جرءة على الكتابة وشوية خبرة <<الفايدة الاولى

وزيادة النقل بدون كتابة منقول يعتبر سرقة ادبية والشئ ذا محرم <<الفايدة الثانية

الفايدة الثالثة الحين في 3 اعضاء يشتكون من الردود يعني اكيد هم يردون على المواضيع وذولي اكيد يستاهلون التعب وقراءة كل جديد وجميل والاهم انة من ابداعاتكم

وبالنسبة لشغلة المشاهدات والردود

انتي عارفة ان المشاهدات تزيد كل ما دخل واحد عليها حتى لو دخل قبل كذا مليون مرة وانا وكثير غيري حتى لو ردو على الموضوع يبون يجون يشيكون على الردود اللي بعد ردهم يمكن واحد مخالف لهم او معلق على كلامهم او اي شئ مثل ما نشيك على الموضوع اللي كتبناه

وانا بصراحة مو شايف مشلكة في الردود وشايف ان كل موضوع اخذ حقة وزيادة وشوفو الاقسام معظم مواضيعها الردود عليها بالصفحتين والثلاث

وثانكس عالمرور جنية من جد نورتي صفحتي