ضمينـي لصـدرك ثمانيـن ضمـه

[ملآك الروح]

يمه عساني ما أزعجتـك يـا يمـه
أحس في صـدري عـذاب وحرقـه

يضمني حزني وأنـا حيـل أضمـه
كنه ضناي وشوفته شـوف ضيقـه

يمـه وأنـا بنتـك وإذا قلـت يمـه
شوفي لحزنـي والمواجـع طريقـة

ضمينـي لصـدرك ثمانيـن ضمـه
ضمة عشيـق ٍ مايفـارق عشيقـه

وكانك سألتي خاطري ويـش همـه
بعلمـك وأبـي جـواب الحقيـقـة

ليه الزمـن اليـوم مافيـه ذمـة؟!!
وليه الطعون اللي بظهري عميقة ؟!!

وليه الولد يبوق فـي بنـت عمـه
وليه الرفيق يخون عشرة رفيقه ؟!!

وليه أنخدع في ناس كانت مهمة ؟!!
ويوم أكتشفها وهم ماله حقيقـة ؟!!

وليه الذي وقت الرخا كان قمـة ؟!!
ووقت الشدايد مالقينـا طريقـه ؟!!

وليه الحسد يمي من عيون عمه ؟!!
وليه الخطأ لو قلت كلمة رقيقـة ؟!!

أزيـد يمـه ولا كافـي مغمـه ؟!!
أشوف عينـك مـن همهـا غريقـة

يمـه دخيلـك آسفـه آآآآآه يـمـه
كني جرحتك وأنتي أغلى رفيقـه .!

[@&الجنرال&@]

يآعـيني وربـي قصيدهـ رآئعه كـ نآقلهآ ...

لاعدمنآك يالغلآ...

[بدر الصيفي]

تسلمي ملكه الحزن علي القصيده الرائعه

[ملآك الروح]

يسلمو نورتوا الحته بوجودكم