||* حبيبي آسف ازعجتك .. حلو صوتك قبل ماتنام ||*

[مملكة عمري]

السلام عليكم ورحمة الله
يسعدلي أوقاتكم بكل خير ه1

الا صدق يازين الاصوات عالصبح ولا الليل احلى ؟!

||مدخل ||

حبيبي آسف ازعجتك .. حلو صوتك قبل ماتنام
سمعته وانشرح صدري .. وكاني شفتك بعيني

حلو كل الكلام اللي .. يجي من مبسمك أنغام

يونسني وينعشني .. ويجلي كل ما فيني

خذاني الشوق لك ياذوق .. الا ما حلا ورود الشام

الا يامتعة ايامي .. مع شهوري على سنيني

يمكن خالد اخبر ويمكن انت يالي تقرى أخبر وماودي اقول يمكن انتي بعد اخبر ولا اقول عادي ؟؟!
لنا مده وانا وصديقاتي بهواااااش فوق العادي ماني قايله نقااش لان الموضوع تعدى النقاش من مده للأسف

الموضوع اللي جعل الموضوع ع طاولة النقاش

هذا واحد متصل على الشيخ يقوله : ياشيخ انا زواجي باقي عليه اسبوعين
قاله الشيخ بالك الله لك ورزقك الذريه الصاله
قال اصبر ياشيخ : انا طلقتها
قاله : كيف يصير زواجك بعد اسبوعين وانت مطلقها
قال : محد يدري انا طلقتها واهلها مايدرون قاله : كيف ؟؟
قال : كنت اكلمها وعصبتني وطلقتها والحين العالم تجهز للزواج وانا مدري وش اسويقاله : الحين ياولدي صارت ماتحل لك ولا لها رجعه الا بعقد جديد لانك مادخلت عليها
فلازم تاخذ ابوها وتروح المحكمه وتعقد من جديد وتعتبر طلقت منك مره
قال : ياشيخ مافي طريقه اردها والعالم ماتدري
قاله : لاااا
طبعا على طووول بعد هالسالفه :وحده: شفتوا انا قلت لكم من الاول المكالمات ذي مالها داعي
وحده ثانيه : مو شرط اذا هو مطفووق مو الكل مثله
وحده ثالثه : واذا هي غبيه زعلته وهم توهم تستاهل
وحده رابعه : يمكن تحسب نفسها تموون لاصارت عروس
وحده خامسه : يعني ابوها يرضى يرجعها ؟!
وحده سادسه : طيب اذا عنّد وش بيصير وضعهم قدام العالم والدعوات موزعه
وحده سابعه : طيب اذا كانت تكلمه وابوها مايدري تصير مصيبتين انها تكلمه وانه مطلقها
المهم الحاله صراخ ض9[/SIZE]
بس اللي مو مفروغ هو فايدة الموضوع

ناس تقولك حنا مجتمع مايصير عندنا خطبه وتعارف وعلاقات بعد الخطبه ومدري وش عشانها حرام
ففترة الملكه تصير مثل هالفتره بس حلال < الله من زين التفكير

وناس تقولك والله انها احلى مده بالزواج كله

وناس تقولك والله اني تحسفت على كل كلمه قلتها ايام الملكه

اللي يدافعون عن الموضوع دفاع مستميت وانه حلو ومدري

وحده تقول ارسل لي ورد عالصبح عشان مكالمتنا امس كانت تجنن
ويوم ثاني تقول اهداني اغنيه
وبالعيد كانت تقول احلى عيد مر علي لانه اول من عيد علي
وهو تقول انه كان يقولها ان ايامه صارت احلى
وتو يحس بقيمة جواله
وماابي احد يصحيني الا انتي
وياعيد ذيك السنه الوردي

وفيه ناس من المكالمه الاولى يخووف هذا خطيب وحده كنا نعرفها كن وقتها نقول الله يعينها
مدري ثقه زايده ولا وش سالفة اهله او يمكن من باب كلن يشوف الناس بعين طبعه
كان لادق ولقاه مشغول مع مين ؟ ومن كان يكلمك واحلفي < خير يابو الشباب وش احلفي
ولاقالت امي تنادي ولا شي قالك قولي لها انا اكلمك < وش الذوق الزايد ذا

والثاني الي مسوي ثقه ويبيها تتكلم بإباحيه ويوم تقول مااقدر يقولها تستحين مني انا
< من متى المعرفه ياابو الشباب تراك تو ماملكت
يعني مافي تقدير وبعد نظر من يملّك على طوووول يجيك مدرعم حقوقي
والله ياعليهم تصرفاات تحرج بشكل مو طبيعي
الوحده تتمنى الارض تنشق وتبلعها

ورغم كل ذا انا مااقول انه ماله ايجابيات وترى فيه لحظات حلوه كثير

الشعور انه فيه احد يسال عنك يدورك ولاتعبتي كل شوي يدق وسلامات ومدري وش
وهو يوم يقولك صحيني كانه بيضيع من دونك وبيروح عليه دوامه ومستقبله
وتضبطين المنبه ولاحتى تواصلين كلش ولا المستقبل عاد
يقالك انك صرتي مسؤوله عنه ترى احساس مررره حلو على قولتهم

واحد الله يسعد قلبه
يقول لها بعد الزواج تدرين انه يوم كنتي تدقين تصحيني اوقات اكون صاحي
واسوي نايم عشان احسسك انك انتي الي صحيتيني
يقول والله مره يوم دقيتي وانا احمي السياره
تقول مت ضحك على نفسي بس وقتها كنت انام مرتاااااحه بعد مااصحيه واقول الحمدلله بس ماراحت عليه نومه

فيه ناااس والله ودك تحطهم على راسك وناس تقول يالله الجنه دام هذا حظي من اولها
يعني بهالفتره حتى التفاصيل يصير لها طعم : النغمه , الإسم بالجوال , الرسايل , الأغاني , الشعر

وهـ بس


الحين نبغى نسمع رايكم يالحلوين وياحلوات

بس الصدق اني ابي اشوف الموضوع من وجة نظر الشباب


يعني هذي الاوضاع من جهتنا من جهتكم انتوا شلون شكلها ؟!

|| مخرج ||


هذا أنتي ..!تاخذين " الصبح " من كفه !
ومن كفه أطير !وتقلبين الريح مشهد : من مواويل وعبير !

وهذا أنتي تسأليني : صح أنا وحدي الأميرة ..!

وانت لي وحدي .. الأمير !!؟
ماتغيّر أي شي !
" بس أنا أحبك كثير " !!!


تحملوا هذرتي الله وياكم ::