<<.. حسبي ربي على من اخذ قلبي وعافاة..>>

[كايت]

السلا م عليكم .......
هذي اول مرة اكتب رواية وانشالله تعجبكم


عاد ابيكم تبيضون وجهي بالردود .......


معلومة:
القصة انا اللي كتبتها مو منقولة ;)



--البارت الاول --




حصة: قطع يالله يا منى تاخرنا على العرس وانتي تزهبين الناس بيقلطون على العشاء وانتي لحضة لحضة ما صارت لحضة
منى : اي يقلطون يمة الله يهديك تونا الساعة تسع وانتي تقولين يبي يقلطون والله لو انا اهل المعاريس ما رحنا الساعة تسع
حصة : الله لو انة عرس خالد كان يافرحة قلبي يالله انك تلين قلبة ويوافق على انة يعرس
سكتت منى ولا ردت على امها وخلصت ونزلت هي وامها ولقت خالتها بدرية تحت
بدرية : ام خالد منى ساعة تلبسون وراكم تاخرتو الله يهديكم
حصة(ام خالد) : قولي امنى الله يهديه اخرتنا ما غير لحضة لحضة
منى : انتم شكلكم ما لكم نية تروحون العرس ما بقى الانجيب لكم حب وشاهي عشان تسولفو وراكم قعدتو يالله مشينا مهبليني فوق انرلي انزلي اخرتينا يوم نزلت جلستو
بدرية ( ام عبدالله): ام خالد ورا بنتك كلنتا بلسانها
حصة :وبنتي الصداقة ترا تاخرنا مشينا يالله
وركبو السيارة
منى : يمة ابي نمر بنت عمي عهود انا قلت لها ان راح نمرها
حصة : وليش ما قلتي من زمان هم بيتهم بعيد بالملز واحنا قاصدين الشفا ورا ما طلعتي مبكر ما يمدي نروح لها يا بنتي بنتاخر
منى : يمة الله يخليك انا وعدت البنت
بدرية : وورا ما شاورتي امك قبل لاتقولين لها
منى بنفسها اللهم جيبك ياطولت البال ووامي الله يهديها ليش تجيبها معنا : خالتي الله يرفع قدرك لازم نمر البنت ماعندها احد يوصلها حرام نكسر بخاطرها
حصة : خلاص خلاص بنمرها راجو روح بيت ماما نورة ( ام عهود )
راجو: انشالله ماما
---------------------------------------------------------------------------------------
عهود تكلم منى بالجوال : وينكم يااختي ترا مليت وان استنى
منى : هذا احنا بالطريق انتم بعد بيتكم بعيد وش اسوي استني
عهود : من اللي بيجي معاكم
منى : خالتي بدرية
بدرية : وش فيها خالتك بدرية لاتكونون تحشون فيني
منى : لاياخالتي وش نحش فيك بس عهود تسالني من اللي بيجي معنا
بدرية : اية قولي كذا من البداية
عهود : لاتقولين خالتك بدرية معكم شكلي بسحب عليك ما ابي اروح
منى بصوت واطي : وش اللي ماتروحين انا جاية عشانك اقول انثبري بس بتروحين يعني بتروحين وقفلت الخط بعد 20دقيقة راجو يضرب بوري عند بيت عهود
بدرية تهاوش راجو : فقعت اذني ياجعل اذنك الفقع توسونامي يطرك قل امين لا تضرب بوري خلاص البنت الحين بتطلع
عهود تركب السيارة : لايكون تاخرت عليكم
بدرية : اية والله تاخرتي وذا الكمخة اللي قدام بس يضرب بذالبوري وانتي ماطلعتي وينك
عهود : هلا ام عبد الله وراك اول ما دخلت شبيتي فيني
حصة : هلا عهود كيفك وش اخبار امك وابوك انشالله بخير
عهود : هلا ام خالد الحمد الله بخير انتم وش اخباركم
حصة : بخير الحمد لله
عهود: اهلين منى كيفك
منى : زين ياللي ذكرتيني
عهود : افا انتي الغالية بس خلينا بالكبر
منى : الحمدالله انتي كيفك
عهود : تمام
وطوال الطريق وهم ساكتين لحدما وصلو القاعة عهود تصير بنت عم منى وصاحبتها الروح بالروح
---------------------------------------------------------------------
بالزواج
عهود : منى واللي يرحم والديك لانجلس مع خالتك بدرية ترا انا اذا جلست معها برتكب جريمة واذبحها
منى: اوف اوف وليش كل هالحقد بس ولا عليك حتى انا ما ابي اجلس معها مشينا--وراحت منى وعهود طاولة ثانية
حصة : وين البنات
بدرية : شوفيهم بهذيك الطاولة
حصة : عنود حبيبتي روحي اجلسي مع منى وعهود بالطاولة اللي هناك
عنود : لاخالتي انا مرتاحة هنا
بدرية : وش اللي مرتاحة هذي جلسة حريم وهناك جلسة بنات روحي جلسي معهم لاتستحين
قامت عنود وهي مستحية وراحت لمنى وعهود
منى :هلا والله ببنت خالتي
عنود : هلا فيك
منى : عنود هذي عهود بنت عمي محمد
عنود : والنعم
عهود : الله ينعم بحالك انتي بنت سارة خالت منى
عنود : اية
عهود: هلا فيك
منى : عهود عهود يالله نرقص اسمعي يغنون اغنية (من قال)
عهود : يالله تعالي نرقص عنود تعالي ارقصي معنى
عنود وهي مرتبكة : لالا انا ما احب ارقص
عهود : لو الدعوه دعوه ما تحبين انتي جربي وراح تموتين على الرقص تعالي بس
عنود : لاعهود ما ابي خلاص روحي ارقصي انتي ومنى
منى : خلاص عهود لا تصيرين لزقة خليها برحتها امشي
عهود : طيب يالله
وراحو البنات يرقصون
حصة : اسم الله على بنتي شوفو كيف رقصها ( يخزي العين تابرني )
ويتقطع قلب بدرية وتتمنى لو يكون عندها بنت تاخذها معها الزواجات وتطري فيها عند الحريم وخنقتها العبرة بس مسكت نفسها لان ما عندها الا 4 اولاد وولا بنت
بعد سهرة طويلة رقصو فيها البنات وسولفو الحريم رجعو البيت والكل منهد حيلة
---------------------------------------------------------------
بالصباح الباكر
خالد : يمة يمة
بليندا ( الخدامة ) : بابا خالد مدام حصة في نوم
خالد : الى الان ما صحت
بليندا : لا بابا يبغى جيب فطور
خالد : اية جبيب فطوري
بليندا : تيب بابا وراحت تجيب الفطور
دخل خالد الصالة وشغل التلفزيون ودخلت مرام
مرام : صباح الخير خالد
خالد : هلا صباح النور الا مرام امي الى الان ما صحت من النوم
مرام : لا الى الان لان امس كانت رايحة زواج ناس من قرايباتها تخيل الادب فيهم عازمين منى اختي ولا عزموني ولا وش بعد عهود بنت عمي رايحة معاهم وش تقول تصيرالعروس صاحبتها والله حالة
خالد : عشان كذا الى الان ما صحت ولا امي على العادة تصحى مبكر
مرام : الا خالد ابوي متى بيرجع من السفر
خالد : مدري
---------------------------------------------------------------
اعرفكم بالعوائل
الجد ( ابو محمد )
الجدة ( ام محمد )
عائلة محمد ( ابو فراس )
زوجتة نورة ( ام فراس )
فراس متخرج من الجامعه عمرة 27سنة ويشتغل بارامكو طويل ومررررررة حلو وحبيب وعيار وما يرد لاحد طلب وخاطب بنت عمه منى
عهود عمرها 22سنة اخر سنة لها بالجامعه تخصص حاسب جسمها مليان وسمرا بس مملوحة وخفيفة دم
نايف عمرة 21سنة تخصص انجليزي ولد وسيم طويل واكتافه عريضة ووجهة عريض وملامحة حادة وما يحب المزاح الثقيل
فيصل عمرة 18سنة بثالث ثنوي ولد طايش ومطنش بالدنيا وتقريبا الى الان عندة 4 صديقات طويل ونحيف (خكري)
هيفاء عمرها 16سنة باولى ثنوي احلى اخواتها طويلة وبيضا وملامحها حلوة عيونها كبيرة وخشمها قايم وحلو وفمها شفايفة مليانة وخبلة وعيارة
اخر العنقودعبد الرحمن ( دحومي ) بسادس ابتدائي دلوع امة وابوة ودايم طقاق هو وهيفاء
عائلة سلطان ( ابو بندر )
زوجتة عبير ( ام بندر )
بندر متخرج ويشتغل مع ابوة وعمرة 26مملوح مو طويل مرة ابيض وجاد
عبد المحسن عمرة 23 متخرج والى الان مالقى لة وضيفة الولد مو حلو مرة بس خبل ويحب الهبال ويمون على الكل
رهف عمرها21سنة بالجامعه تخصص فنية مو طويلة مرة بيضاء شعرها طويل مرة وحلو ولا احد من عائلتهم صار مثل شعرها اسود وكانة حرير عيونها كبيرة خشمها كبير والكل يعاريرها علية
مشاعل عمرها 19سنة باولى جامعه البنت خبلة ومرجوجة وتحب الهبال عكس اخوها بندر دبدوبة واحلى ما فيها خشمها قايم وراكز
رنا عمرها 16سنة بالولى ثنوي وصحبتها بالمدرسة بنت عمها هيفاء البنت جسمها مضرب للمثل عندالعائلة ممشوق وطول وتقاسيم يعني ما علية كلام عيونها واسعة خشمها موحلو مثل مشاعل بس وجهها عريض يعني مغطي عيوب ملامحها
راشد عمرة 14بسادس ابتدائي لانة راسب بالمدرسة سنتين يعني باختصار كسلان
عائلة سلمان ( ابو خالد )
زوجتة حصة ( ام خالد )
خالد متخرج وعمرة 30سنة يشتغل بس مو راضي يتزوج مع انة مو نا قصة شئ بس عندة عقدة من الزواج
عمر 20 بثاني جامعة تخصص محاسبة ويسمونة اطخم العائلة يعني وسيم العائلة يعني احلى واحد بالعائلة وخبل ويحب التفيط والتطعيس
منى 22سنة تخصص جغرافيا طويلة ونحيفة مرة وسمرا و مخطوبة لولد عمها فراس وتموت علية
مرام عمرها 17 بثاني ثنوي حلوة ونعومة مرة وبيضا عكس اختها منى ودايم يقولون على ان مرام احلى من منى بس منى حظها يكسر الصخر بولد عمها فراس
لمى عمرها 16 باولى ثنوي بس البنت مغرورة وخصوصا على بنات عمها هيفا و ورنا دايم تشوف حالها عليهم وما تجلس معاهم وهم كمان ما يحبونها
وعمهم الاصغر حمد واختة توامة رناد مهابيل العائلة عمرهم 24اثنيناتهم متخرجين بس ولا احد منهم جاه نصيبة
---------------------------------------------------------------------------------------
نورة ( ام فراس ): عهود قومي يمة الساعة صارت 2 وانتي ما صليتي الظهر قومي لا يسخط عليك ربي
عهود : يمة ابي انام
نورة : خلاص قومي ذبحك النوم وتروح تفتح الستاير والشبابيك وتقعد تحن فوق راس بنتها عشان تقوم
يدخل دحومي وهو يصيح
نورة :وش فيك انت بعد
دحومي وهو يصيح : يمة شوفي بنتك هالغبية الثورة كل ما شافتني كفختني قولي لابوي يهاوشها
نورة : هيفااااااااااااااااااااااااااااا
هيفاء وهي بغرفتها : نعاااااااااااااااااااااااام
نورة :نعامة ترفسك وش انتي مسوية باخوك
هيفاء : اي اخو
نورة: وانتي كم عندك من اخو تتهاوشين معه دحومي وش سويتي فية
هيفاء : وهذا تسمينة اخو هذا انسان هذا هذا حيوان
دحومي : يمة شفتي انا وش سويت لها هين بس خل ابوي يجئ واعلمة
نورة : تراك هبلتني انت واختك روح عني واذا جاء ابوك قولة على اللي صار
عهود :هيه انتم اذا بغيتو تتهاوشون اطلعو برا مو بغرفتي
نورة : انتي قومي ويكفي نوم وطلعت نورة من الغرفة ووراها دحومي وعهود بسريها (تتمغط)
يدخل محمد البيت (ابو فراس): يانورة
نورة :لبية هلا والله محمد يالله تبي احط الغدى
محمد:اية والله تراني جوعان
نورة : انشالله
دحومي وهو يتمسكن على ابوة ويسوي نفسة يصيح
محمد : دحومي ابوي وش فيك
دحومي : يبة شف بنتك كل ما طق عود بحصاة طقتني ويجلس يمسح دموعه والله هذي مو حالة هاوشها يبة الله يخليك
محمد : انشالله انا اوريك فيها هيفاااااااااااااااااااا
هيفاء وهي تنزل مع الدرج : سم يبة وتروح وتحب راسة
محمد : وش انتي مسوية بدحومي
هيفاء: يبة ولدك هذا علة كل ما دخلت غرفتي القاه فاتح علبة مكياجي وجالس الاخ يتمكيج
محمد : دحومي انت لاعب باغراض اختك
توهق دحومي : اية بس ما حطيت شئ كنت ادور قلم
هيفاء : اقول دحوم لا يكثر هرجك
محمد : خلاص اسكتو تراك اقلقتوني انتم وطقاقاتكم متى تخلص
هيفاء : قول لولدك وتاشر باصبعها على دحوم
نورة : محمد الغدى على السفره تعال تغدى
وهم جالسين على الغدى دخل فراس
فراس : مشالله مشالله ويتغدون ولا كان عندهم ولد اسمة فراس يقولون حرام راح نستناة
محمد : يامال اللي منيب قايل الحين داخل لا سلام ولا كلام وجالس تهاوش والله قليل ادب
ويروح فراس يحب على راس ابوة : اسف يبة بس والله قهر يعني كل ما رجعت من الشغل القى مبقين لي الفضلة اهون يبة عليك اكل فضلة
نورة : لا خلاص يا وليدي تطورنا صرنا قبل لا نتغدى اخلي اكلك بحافظة بالمطبخ
فراس : الله يعافيك يمة ويطول بعمرك
محمد : نورة
نورة : لبية
محمد : ترا ابوي بكرة ابوي عازمنا انا واخواني كلنا بالمخيم اللي بالبر
هيفاء : وبنات عمي كلهم بيجون
محمد : اية كلهم
هيفاء: فلة اجل بروح ازين اغراضي يبة كم راح نجلس هناك
محمد: ثلاث ايام
وقامت هيفا لغرفتها تزين اغرضها ونزلت عهود
عهود : صباح الخير
نورة : اي صباح الناس الحين تقول مساء الخير
عهود: يمة انتي نسيتي اني امس كنت بزواج وما رجعت الا الساعة 3
نورة انقلب وجهها وما عرفت ايش تقول لان عهود قالت ما رجعت الا الساعة 3 ومحمد موجود يعني يا ويلها
محمد وهو متفاجئ : عهود وليش راجعه البيت الساعة 3 طال عمرك
عهود توهقت وما عرفت ايش تقول : يبة عادي
محمد: وشو اللي عادي بنت راجعه بانصاف الليالي وش تقول الناس عنا
نورة : ماصار الا الخير
محمد : اي خير انتي بعد ما سمعتي وش قالت فية بنت ما ترجع بيت اهلها الا الساعة 3 متى صارت هذي
ويقوم محمد من السفرة وهو زعلان
نورة : وانتي بعد ا لقيتي تقولين الوقت الا قدام ابوك
فراس : خلاص اذكرو الله ابوي شوي ويهدا
-------------------------------------------------------------------
هيفاء بغرفتها تكلم رنا
هيفاء : رنوه ممكن تقولين لي ليش ما راح تجين
رنا : يختي مالي خلق غصب
هيفاء : اية غصب بصراحة انا قلت لابوي اني بروح معاه واذا غيرت رائي راح يزعل علي لا ويمكن يجيبني غصب
رنا : وطيب اذا رحتي بدوني
هيفاء : من اقعد معه مع السعلوة الغبية لميو لا ما عندي استعداد
رنا : مولازم تقعدين معها اقعدي مع البنات الباقين
هيفاء : اف منك طيب تعالي والله فلة دبابات وتطعيس تعالي يمكن عمر ولد عمي يجئ ويطعس فينا
رنا يوم سمعت اسم عمر ساحت البنت خقت : عمر بيجئ
هيفا ء :مدري بس اكيدراح يجئ مدام الدعوة فيها بر بيجئ يطعس تعالي تكفين
رنا : خلاص بجئ مدام الدعوه فيها تطعيس وبنفسها مدام الدعوه فيها عمر
هيفاء : ما بغيتي توافقين بس انتي من متى تحبين التطعيس خبري بك تخافين منة
رنا : انتي تبين اجئ او لا
هيفاء : الا ابيك تجين
رنا : خلاص انا بجئ لا تسالين اسالة ثانية يالله شاو شاو
هيفاء : هههههههههههههه متاثرة بسكوب
رنا : مرة
هيفاء : يالله باي
رنا : باي
---------------------------------------------------------
حصة: يالله صباح خير
خالد : هلا يمة ما بغيتي تقومين
حصة : اية امس كان فية عرس وما رجعنا الا متاخرين
خالد: يمة ترا جدي اتصل وقال ان بكرة عند عزيمة هو وعماني بالمخيم عشان ابوي اليوم بيرجع من السفر
حصة : يصير خير الا وين مرام قلت لها
خالد : اية
حصة: اجل هي بتقول لاخوتها ما قامت منى
خالد : مدري عنها
حصة : الا انت اليوم وراك ما رحت الشغل
خالد: انا ماخذ اجازة
------------------------------------------------------------------------------
رنا : يمة
عبير( ام بندر) : نعم
رنا : احنا الحين بنروح عزيمة جدي
عبير : اي عزيمة
رنا : العزيمة اللي مسويها جدي بالمخيم
عبير: مدري اذا رجع ابوك اسالية
ويدخل سلطان ( ابو بدر) ووراة بندر
سلطان : السلام
رنا +عبير : وعليكم السلام
عبير : هلا وغلا بو بندر وراكم تاخرتو اليوم مو على العادة
سلطان : لاكان فية زبون ما طلع الا متاخر يقول ان الارض الي طالبها مو على نفس المواصفات اللي جبناها لة ( سلطان يشتغل بالعقار هو وولدة )
بندر: يا بثرة ذاك الرجال الله يصبر حرمتة علية
عبير: وانت وش عليك من حرمتة
تروح رنا وتحب على راس ابوها : يبة احنا بنروح عزيمة جدي
سلطان : اي عزيمة
ويرن جوال بندر ويطلع يكلم برا
رنا : العزيمة اللي مسويها جدي بالمخيم
سلطان : والله يا بنتي ما عندي خبر من اللي قالك انتي
رنا : هيفاء بنت عمي
سلطان بنت عمك محمد ياحليلها كم عمرها الحين
رنا : يبة انا الحين اسالك عن الروحة تقول لي كم عمرها وش عليك بعمرها
سلطان : ياحليلها هيفاء خبري بها وهي ام 10 سنوات هي كبرك صح يعني الحين ام 16سنة يا سرع الدنيا
رنا : تبي تذبحني بية
سلطان : وش فيك تحنين من الصبح
رنا : ما راح نروح العزيمة
سلطان : والله انا ما انعزمت كيف تبيني اروح مكان ما انعزمت فية
ويدخل بندر عليهم بعد ما خلص مكالمتة : يبة هذاحمد يقول ان جدي عنده عزيمة بالمخيم
رنا : اشوا على بالي جدي نسانا يا حبيلة عمي حمد ما يجئ الا بالاخبار الزينة
بندر : انتي تراك عليتينا عمي وعمي ما يقولة عمي الاا نتي والله مسكين
سلطان : يالله ا ستانسي بتروحين المخيم وش عندك بعد
يدخل عبد المحسن عليهم : من اللي جاب طارئ المخيم
رنا : تعال انت بكرة بنروح لمخيم جدي تعال معنا ابيك تعلمني السواقة
عبد المحسن : افا عليك وبجيب الددتسن ( ونيت ) واللي يبي افرش فرشة واربطها بالسيارة واسحب فية اي طلبات ثانية انا حاضر
رنا : كفو اخوي
مشاعل تنزل : يمة ما فية غدى تراني جوعانة من الصبح ما اكلت شئ
عبد المحسن : وانتي بس اكل فرم بلع ارحمي عمرك بتنفقعين
مشاعل : يبة شف ولدك
سلطان : وكيف تبيني افزع معك وانتي لا سلمتي ولا كلمتي ولا عبرتيني بس همك بطنك وهو الصادق من اول ما نزلتي جوعانه
مشاعل : والله حالة بغيناه عون صار فرعون
عبير : سلطان تبيني احط لغدى
سلطان : اية اية حطو الغدى ترا حتى انا جوعان
عبد الرحمن: وانا اقول مشاعل من طالعة علية بالشفاحة
وينحاش عبد المحسن وابوه يشوتة بالجزمة وهو يضحك : ههههههههههههههههه افا تضربني يابو بندر تمون هههههههههههههه
سلطان : انا مدري هالولد على مين طالع
مشاعل : على ابوة
وتطلع مشاعل والفردة الثانية من جزمة الوالد تلحقها
رهف : هلا يبة
سلطان : هلا رهف وش اخبارك
رهف: الحمد الله يبة
سلطان : نعم
رهف : ابي عدة الوان جديدة ولوح خشب
سلطان : ووش لة بعد كل هذي
رهف : لزوم الجامعه يبة
سلطان : وش ذا الجامعة كل اخوانك يدرسون ولا واحد وصل لطلباتك
رهف : افا يبة تحسب علي بالقرش
سلطان : لا يابينتي بس الاسراف على غير فايدة مهوب زين يعني عقب كل هالتعب والخساير وش بتصرين قوليلي
رهف : الحين ما علينا وش بصير من الي من اخواني يجيب لي
سلطان : قولي لبندر
رهف تروح فوق : بندر
بندركان يكلم بالجوال : خير وش تبين
رهف: ابيك تروح المكتبة تجيب لي اغراض منها
بندر : طيب خلاص سجلي الاغراض بورقة وهاتيها على المغرب
رهف: بس انا ابيها الحين
بندر : اجل قولي لاحد ثاني يجيبها لك انا مشغول وجالس اكلم اطلعي وسكري الباب وراك
رهف : لا خلاص اذا جاء المغرب بعطيك الورقة
بندر : طيب اطلعي
وطلعت رهف
بندر : هلا تاخرت عليك
عبد الله: لا ما صار شئ كمل
بندر : لاعن اذنك الوالد يبيني لازم اقفل
عبد الله: لا خلاص اجل متى راح تكلم مرة ثانية
بندر: يمكن الساعة 11 الليل
عبد الله: خلاص 11 الليل سلام
بندر : مع السلامة
وقفل الخط
-------------------------------------------
ابو محمد : يا ام محمد تصدقين
ام محمد : وشو
ابو محمد : يقولون ان لبنان يبي يحكمها الوليد بن طلال
ام محمد : اية كلة خرط بخرط ما عنهم سالفة يكذبون
ابو محمد : لا بالله اني اظن انهم صادقين
ام محمد : وليش قلت انهم صادقين
ابو محمد : امة لبنانية
ام محمد : واذا كانت امة لبنانية يروح يحكم لبنان وش ذا الحكي
ابو محمد : عاد هذا اللي صار
يدخل عليهم حمد ووراه رناد
حمد + رناد :السلام
ابو محمد + ام محمد : وعليكم السلام
حمد :بس انتم الحين تردون السلام على سلامي ولا سلام رناد
ام محمد : حمد
حمد : سمي يمة
ام محمد : تصدق ان ابوك يقول ان الوليد يبي يحكم لبنان عشان امة لبنانية
حمد : اجل انا بحكم سوريا
رناد : بس انت امك مو سورية امك سعودية كح
حمد : اصلاما فية امل تصير سورية
رناد: يعني انت اللي فية امل تحكم سوريا ياحبيبي اذا حكمتها الله الله بالواسطات انا ابي احكم ايطاليا
ابومحمد : حمد
حمد : سم
ابو محمد : كلمت على بندر وقلت لة عن العزيمة
حمد : اية يبة كلمتة وقال بيقول لابوة
ابو محمد : زين زين يالله اجل ام محمد
ام محمد : يالبية
ابو محمد : ناوليني بشتي
ام محمد : هاك
وياخذ ابو محمد بشتة ويطلع
حمد : يمة انا بطلع تبون شئ
ام محمد : بحفظة
رناد : اية انا ابي
حمد : انتي اصلا من يوم ما عرفت ان اخر طلباتك تحكمين ايطاليا غاسل يديني منك اخلصي وش تبين
رناد : ابي تروح البقالة وتجيب لي بيبسي واندومي
حمد : انا قايل ان ما عندك سالفة اقول عمتي رناد ماتبين بعد بطاطس ولا ايسكريم
رناد : معك قروش اذا معك ما عندي مانع
حمد : اقول اقلبي وجهك
رناد : انا قررت يمة ابي اعرس على ايطالي
حمد : لابالله هو اللي يبيك جالس يدور من قرنة لقرنة ويحرج وين رناد
رناد : اقضب الباب
حمد : افا زعلتي
رناد : اقضب الباب لاقول لرنا ما عاد تقولك يا عمي تقول حمد ويخب عليك
حمد : لا تكفين والله مالي غيرها يا بعد حيي بنت اخوي كفو تحشم اللي اكبر منها مو مثل الباقين
----------------------------------------------------

نهاية البارت الاول

[كايت]

-- البارت الثاني --
اليوم الثاني
محمد ينادي على نورة : نورة يالله استعجلي انتي وبناتك ترا والله اذا مانزلتو بعد خمس دقايق بروح واخليكم
نورة : انشالله انشالله بس لحضة البنات يجمعون اغراضهم
محمد : ووراهم توهم يستعدون انا قايل لكم من امس ورا ما جهزتو امس
نورة : انت الله يهديك وراك تهاوش الحين بننزل
محمد : ووين هيفاء عالتني امس بروح ازهب اغراضي روحو اشترو لي حلويات ومدري وش تبي وينها هيفاااااااااااااااا
هيفاء تطل مع الدرج : سم يبة
محمد : ما خلصتو يابنتي
هيفاء : الا يبة بس دقيقة ونازلين انت رح اركب السيارة لاتستنى
محمد : فراااااس
فراس فوق بغرفتة : نعم يبة
محمد : وانت بعد وش بلاك ما نزلت
فراس : لا يبة انا ماراح اروح معاكم انا مواعد الربع بالاستراحة
محمد : وش اللي منتب رايح رح سلم على جدانك الحين كم لك ما شفتهم اسبوعين وراك قاطع امش بس
فراس : لا يبة انا اذا طلعت من عندهم برجع البيت واذا جاء بكرة بجيكم
محمد : كيفك ويكنم يابنات
عهود : هيفا وين الاستريو ركبتية بالسيارة
هيفاء : اية ركبتة
عهود : لا يكون ابوي شافة ترا والله ان شافة لا يكسرة فوق روسنا
هيفاء : افا عليك لا توصين حريص
دحومي : ابوي يقول استعجلو
هيفاء : طيب انقلع برا غرفتي
دحومي : من زينك انتي وغرفتك
هيفاء : مدامها ما عجبتك الغرفة وش مقعدك قم ضف وجهك لامسح فيك البلاط لاتخرب مزاجي على الصبح
وطلع دحومي
---------------------------------------------
فيصل : لا يا عيوني بس عندي ازعاج بالبيت ما اسمعك زين علي صوتك شوي اذا ما عليك امر
..........: انتم دايم عندكم ازعاج بالبيت
فيصل : لا ياحبيبتي بس الاهل مسوين رحلة برية
...........: الله بتروحون البر ابي اروح معاكم
فيصل : الله يحيك واذا ما شالتك السيارة تشيلك عيوني
.........: تسلم عيونك يا بعد عمري
فيصل : ياحياتي انتي
ويقطع الجو الرومنسي عليهم نورة
نورة : فيصلو افتح الباب ابوك هبلنا تحت انزل ساعد يامال الحمى المالطية وش تسوي بغرفتك كانك عروس
فيصل وهو يحاول يغطي سماعة التليفون : نعم يمة وش تبون
نورة : نعامة ترفسك من تكلم
فيصل : يمة الحين مسوية ازعاج عشان تقولين من تكلم
نورة : اه يا قليل الادب الحين صرت انا ازعاج طيب يا فيصلوة ان ما علمت ابوك عن سوالفك
فيصل : لا يمة وش دعوة طيب الحين بجئ اساعدكم
ويرجع فيصل معاللي على الخط : حياتي
.........: هلا
فيصل : بعدين ارجع اكلمك لا الوالد يبيني
........: طيب خلاص باي
فيصل : باي
------------------------------------------------------------------
ببيت سلطان
عبير : مشاعل قومي شيلي الموقد وركبية بالسيارة
مشاعل : يمة انا توني مركبة الكنبات بالسيارة قولي لم الكمخة ولدك عبد المحسن يركبها
عبد المحسن : هي انتي احترمي الفاظك لااصكك بالجوال اقلع ضروسك وش الكمخة هذي ما الكمخة الا انتي
عبير : يا ربية تطاقو اقوم اركبها انا ابرك لي ياحظي ما عندي عيال سنعين
عبد المحسن : بصراحة يمة لو ان مشاعل ساكتة ولا قالت شئ ركبتها انا بس مدامها قالت خلو عبد المحسن يركبها اسمحيلي لا لا لا
عبير : ولوا يلويك قل امين
عبد المحسن : يمة لاتدعين علي ترا تستجاب دعوتك
عبير: خلها تستجاب يمكن افتك منك انت واختك انت بلا من ربي خذ الموقد وركبة بالسيارة يالله
عبد المحسن : انشالله يمة بس كل شئ الا زعلك يالغالية
مشاعل : اووووووووووه العم يعرف يصف كلام والله فية تقدم
عبد المحسن : اقول انثبري
------------------------------------------------------------------------
رهف : رنا وين الكوتش الاحمر انا كنت حاطتة بالدولاب من اللي طلعة
رنا : وانا وش يعرفني
رهف : اقول لاتخرطين انتي اللي دايم تحوسين بالغرفة وين حطيتية
رنا : قلت لك مدري
رهف : اذا فتحتي دولابي مرة ثانية ولا قلتي ابي اخذ من عندك غرض معصي ما فية سامعه
رنا : اللي يسمعك يقول اني دايم اطلب منك انتي اللي دايم تحوسين باغراضي لا يكثر بس
رهف : طيب اطلعي ببدل ملابسي
سلطان : السلام يالله جهزتو تراني شغلت السيارة
عبير : اية خلصنا بس باقي رهف تبدل ثيابها
سلطان : عبد المحسن يابوي كلم على اخوك بندر وقلة يلحقنا بسيارتة وانت واختك رهف تعالو بالونيت انا بطلع الحين مع امك واخواتك
عبد المحسن : انشالله يبة الا راشد مع مين بيروح
سلطان : الا صح وين راشد لا اليوم ولا امس شفتة
عبير : راشد نايم عند خوالة
سلطان : وانتي كل ما رحتي لناس نطلتي ولدك عندهم
عبير : ما علية مهوب عند غريب هذولي خوالة مشينا بس
سلطان: يالله
عبد المحسن : يالله يارهف تراك عطلتيني
رهف : يالله هذا انا نزلت
وطلعت رهف وعبد المحسن ولحقو ابوهم بالسيارة
--------------------------------------------------------------------
ببيت سلمان
لمى : ياربية انتم وجداني هذولا كل يوم عزيمه وياليتة بمكان يسوى يقولون عزيمة بالبر اول مرة اسمع ان فية عزايم بالبر
حصة : والله اذا ما تبين تروحين مو لازم اذا نقص احد اوفر على الاقل وسع بالسيارة خلاص قولي لعمر يوصلك بيت خالتك لانة ما راح يجئ معنا
لمى : عمر ما اح يروح غريبيييييييييييييييية خبري بة يحب التطعيس والبران
حصة : هو بيجئ بس مو معنا يعني بيلحقنا العصر
لمى : والله ودي اروح بيت خالتي بس يوم قلت لابوي بغى يذبحني قال تتركين القريب وتروحين للغريب
حصة : الله الحين صار اخواني غرب
لمى : يمة قولي لة والله اما بي اروح ناس قراوى ما عندهم تفهم بالحياة ولا ذوق كلة جفاسة وقرونة وش هذا
حصة : لاتقرقين على راسي ابوك قال بتروحين خلاص يعني بتروحين
لمى : اف الله يصبرني وكم راح نجلس هناك
حصة : ثلاث ايام
لمى : ياربية وجدي هذا ما جاء على بالة يعزم الا يوم رجع ابوي من االسفر يعني قبل امس كان مسافر وولا عزم يوم رجع قال فية عزيمة
حصة : يالذهينة العزيمة كلهاعشان رجعت ابوك من السفر
لمى: ويعني كانة اول مرة يسافر دايم يسافر قعدت على هالمرة
حصة: خلاص اسكتي هذا ابوك جاء
سلمان : السلام عليك
حصة +لمى : وعليكم السلام
وقامت لمى من عندهم
سلمان :ووش فيها بنتك ذي بعد
حصة: انت الله يهديك وراك تغصبها تروح خلها مو لازم تروح
سلمان : انتي بنتك هذي مدلعتها تاكل تراب تروح يعني تروح ماعلينا منها جهزتو ترا الحين نبي نمشي
حصة : اية هذا احنا خلصنا
سلمان : شوفي ترا الاولاد بيرحون بالجيب
وركبو السيارة هم و البنات ومشو
----------------------------------------------------------------
بالمخيم
رناد : يمة وراهم اخواني تاخرو الساعة 11 والى الان ما جو
ام محمد : مدري عنهم يا بنتي روحي شوفي ابوك بالخيمة الرجال واسالية
رناد: طيب بس وين الجلال
ام محمد : هذا هو خذية
وتاخذ رناد الجلال وتطلع بتروح لابوها يوم تشوف جمس اخوها سلطان ووراة ونيت
رناد: يمة هذا هو اخوي سلطان هو واهلة جو
ام محمد : يالله ان تحيهم وصلو
رناد : اية بروح انادي ابوي الا وين حمد
ام محمد : راح يجيب موية انتي مشالله عليك نسيتيها
سلطان : يا ولد
رناد : حياك بوبندر ادخل محد فية
سلطان : هلااااااااااا هلا رناد وشلونك عساك بخير
رناد: هلا الحمد الله انتم وشلونكم
سلطان : طيبين الحمد الله الا وين ابوي
رناد : هناك بالخيمة حقت الرجال وتاشر عليها
ام محمد : يالله انك تحيي ولدي يا هلا ويا مرحبا
سلطان : هلااااااااااااااااا بطويلة العمر الله يحيك هلا يمة وش اخبارك عساك بخير ويحب على راس امة
ام محمد : يا جعل عيني ما تبكيك الحمد الله يا ولدي الا وين حرمتك وعيالك
سلطان : هذ هم ينزلون الاغراض من السيارة قولي لرناد تروح تساعدهم
ام محمد : رناد يا بعدي روحي نزلي وساعدي عيال اخوك ينزلون الاغراض
رناد : انشالله
عبير : هلا رناد كيفك الحال
رناد: هلا والله الحمد الله بخير انتم وش اخباركم
عبير: الحمد الله
مشاعل : هلا رنود كيفك
رناد : رنودبعينك قولي عمتي رناد
مشاعل: عمتي طل احمدي ربك الحين نقول رنود وندلعك طلعتي ما تستاهلين
رناد : اه يا قليلة الحياء انا عمتك ما استاهل خلي بس اخوي يعرف كان يعيد تربايتك من اول وجديد
مشاعل: طيب عمتي رناد تعالي نزلي الكنبات معي والله حالة انا اركبها وانزلها
رناد : لا انا باقي اسلم على البقية سلملم
رنا : هلا عمتي
رناد : يا بعد الدنيا انتي والله لولاك كان صار فيني شئ هلا ببنت اخوي وش اخبارك
رنا : الحمد الله
رناد :الا وش ذا الونيت اللي وراكم
رنا : هذا ونيتنا فية رهف وعبد المحسن
رناد : الابندر وينة
رنا : الحين بيجئ توة ما وصل
رناد : وراه ما جاء معاكم
رنا: مدري عنة
رناد : طيب يالله بروح اكمل سلام مع الواجب هم يجون يسلمون علي بس وش نسوي لاحياة لمن تنادي
رنا : ههههههههههههههههه يالله
رناد : هلا والله وبولد اخوي عبد المحسن
عبد المحسن : هلااااااااااااااااا رناد كيف الحال
رناد : الحمد الله انت وش اخبارك عاد اسمع ابيك تخليني اسوق بالسيارة
عبد المحسن : افا عليك على راسي ما طلبتي شئ انتي اول من يسوق
رناد : كفو ولد اخوي
رهف : طيب عبريني انا واقفة هينا قول يااهلين قولي شئ
رناد : الحين المفروض انتي اللي تقولين اهلين انا عمتك وانا الكبيرة
رهف : ما علية كيفكم وين امي لطيفة ( ام محمد )وابوي ابراهيم ( ابو محمد )
رناد : هناك بالخيمة تعالي ننزل الاغراض
رهف : يالله
--------------------------------------------------------------
بعد ربع ساعة كان جمس محمد وسلمان ملبق عن بوابة المخيم
سلطان : هلااااااااااااااااااااااااااااا بو فراس وابو خالد وينكم يارجاجيل ما نشوف بعض الا بالسنة حسنة
محمد + سلمان : هلا فيك
سلطان : الحمد الله على السلامة يابو خالد
سلمان : الله يسلمك
سلطان: اقلطو وراكم واقفين حياكم
----------------------------------------------------------
ابو محمد : يالله تحيهم
محمد : الله يسلمك يا يبة الا وين امي
رناد : بالمطبخ مع حريمك يزينون الغدى
سلمان : وانتي يامال الوجع جالسة قومي ساعديهم
رناد : طيب اسم الله اول ما تكلمت قب علي
سلمان : قومي لا الين ظهرك بالعقال
رناد : طيب طيب بقوم
----------------------------------------------
بعد الغدى
رناد : رنا قومي قولي لاخوك يجيب الونيت ابي اسوق
رنا : اية وهو بعد واعدني يعلمني السواقة
منى : اقول بلا سواقة مبزرة مالها داعي خلي اخوي عمر يطعس فينا بس والله انا جاية عشان التطعيس مو عشان استنى كم خكرية تتعلم السواقة
لمى : لا انا بقول لاخوي يخليني اسوق اللي مو عاجبة لا يركب
رناد : اية روحي انتي لحالك اخوك بيطعس فينا وكلمتي ما تتثنى ---منى
منى: يالبية
رناد : والله اشوفك اخذتي طابع البر يالبية امدا تونا واصلين تقومين تحكين مثلهم
منى :خلاص ولا يهمك نرجع مدنين __ هاه
رناد:ههههههههههههههههه قومي بس نادي اخوك يطعس فينا
منى تكلم على اخوها:الوووووووهلا عمر اسمع نبيك تطعس فينا
عمر : من اللي معاكم
منى : كلنا احنا وبنات عمي الله يخليك
رناد : وقولي لة عمتك تبي تتعلم السواقة
منى : ههههههههههه قالت قالت عمتك طسي بس
رناد : انطمي وقولي لة
منى : عمر وش قلت تودينا نطعس
عمر :على شرط
منى : وشو
عمر : كلكم تتغطون وولا وحدة تفتش
منى : وش هذا ما فية احد وحر حرام عليك
عمر : اجل ما فية باي ويقفل السماعة
منى : يا سخفة قفل السماعة
مشاعل : مالت عليك وعلى اخوك خلني بس اكلم على محسن بعد حيي اخوي ما يوافق الاهو
رنا : اقول لا يكثر قبلك طقاق انتي وياة والله لو تقولين لو طعس فينا تفل بوجهك هاتي هاتي انا اكلمة
مشاعل : اية والله وانتي الصادقة خوذي كلمية
رنا : الوووووو هلا محسن
عبد المحسن : هلا وش عندك داقة
رنا: طلبتك ان تقول تم
عبد المحسن: تم بس وش عندك
رنا : ابيك تعلمني السواقة
مشاعل : شوفو الدبة الحين قولي لة يطعس فينا وسواقتك خليها بعدين
عبد المحسن : بس ما طلبتي شئ تعالي عند الونيت وانا اعلمك السواقة
رنا : اية بس معي بنات عمي وعمتي رناد
عبد المحسن : عز الطلب لعل وعسى وحدة فيك تطيح طرحتها ولا نقابها وتصير على نفس الطلب اللي ابية
رنا: ههههههههههههههه هذا اللي هامك بس استانس الخوجات ما راح يتغطون يقولون حر
عبد المحسن : اوووووووووووه اجل يالله انا استناكم عند السيارة
رنا : يالله
منى : هيه انتي وش اللي نفتش عندة
رنا : انتي غصب عليك بتتغطين ولا بنعلم زوجك فراس
عهود : اوف سويتية من الحين زوجها تونا اصبري
رنا : انتم بتروحون ولا لا
هيفاء : اية بالله واللي يرحم والديكم امشو
لمى : انا ما راح اروح
رناد : ليش تعالي وفلة
لمى : ما ابي غصب
رناد : كيفك انتي حرة يالله صبايا
مرام : لحضة استنوني انا بتغطى
هيفاء: وش هالالتزام اللي نزل عليك فجاءة
مشاعل :مولازم غطاء ترااخوي عينة مو زايغة
مرام : لاانا ابي البس برقع انا قررت اعيش الحياة البدوية لمدة 3 ايام والله فلة خلينا نلبس براقع
رناد : وش براقعة انتي بعد حر موت وتبين تلبسينا براقع اصلا انا ما جبت برقع
مرام : انتي مو لازم الباقين مشاعل جايبة برقعين من يبي يلبس لا تقولون حر والله فلة بس نجرب شوي كلنا لابسين براقع
رنا : عمتي رناد امي لطيفة ( ام محمد ) وين برقعها انا ابي البسة
رناد : لا انتي محرم لك اخوك خلني اخذ اجر باللي يتغطون عنة عهود
عهود : لا الله يعافيك انا خلقة حرانة تبين تلبسيني برقع
رنا : هيه انتم ترا اخوي منطق بالسيارة وانتم تتعازمون اقول الحين معنا 4 براقع حق امي لطيفة ومرام واثنين من عند مشاعل حق امي لطيفة تلبسة عمتي رناد
مشاعل + رهف + هيفاء+ منى + عهود+ مرام : اووووووووووووووووووه
رناد : لاداعي لاداعي اخجلتم تواضعي
رنا : هههههههههههه طيب خلوني اكمل والبرقعين اللي مع مشاعل واحد لهيفا وواحد لمشاعل بس يالله مشينا
طلعوالبنات يالله واللي معاهم البراقع لبسوها وطلعو
عبد المحسن يوم شاف اللي لابسين براقع : قال الحين رنا قايلة لي انكم تبي تفتشون وراكم تبرقعتو اجل هونت ما مانيب مطعس فيكم
عهود : الحين هذ اللي عينة مو زايغة
مشاعل : حسون حبيبي والله مليت شغل السيارة
عبد المحسن طير عيونة يوم سمع الصوت من ورى البرقع : شعيل والله صرتي تغطين عني وانا اخوك
مشاعل : وانت على بالك الحين هذولي اللي متغطين دين فيهم لا يا حبيبي لزوم الهبال
عبد المحسن : انا ما اركب بالسيارة معي مهابيل ام سوسوسو سوري يالله انزلو
مرام : محسن شغل السيارة ترا فطست حر
منى : يالله طعس فينا يا اخي ما صارت طلعة
رنا : وش اللي يطعس فيكم لا يا حبايبي انا بتعلم السواقة يعلمني اول بعدين يسطعس فيكم
رهف : لا لا لا
عبد المحسن : وشو اللي لا لا لا اصلا الطلعة كلها عشان رنا
رنا : احم احم
مشاعل : وانا
عبد المحسن: انتي وش فيك
مشاعل : يعني ما فية شئ عشاني
رنا : يالله محسن كيف اشغل السيارة
عبد المحسن : شوفي اول شئ تدخلين المفتاح
عهود : تصدق اول مرة اعرف على بالي السيارة تشتغل بدون مفتاح
عبد المحسن : من سباهتك
عهود: يااخي ما تصلح تعلم السواقة اول انت تعلم بعدين علم
عبد المحسن : افا تمونين يبنت العم
عهود : اها بس يالله امشي يا رنا
رنا : طيب طيب لحضة يالله دخلت المفتاح وبعدين
عبد المحسن: وشو اللي بعدين ادعسي بنزين
رنا : اي واحد فيهم اللي ادعسة
عبد الرحمن : هذا وياشر علية
رنا : اية يالله توكلنا
وتدعس على البنزين والبنات صراخ وهبال وفلة بالطريق ورنا طالعة من طعس ونازلة على طعس
مشاعل : حسون حسون
عبد المحسن : حسون بعينك خير وش تبين
مشاعل : ابي اسوق
عبد المحسن: اول خلينا نعلم هذي بعدين سوقي
رنا : محسن محسن شف شف هنا فية شجرة وش اسوي
عبد المحسن : بعدي بعدي يالثورة بعدي عنهاااااااااااااااااااااااااااااااا

[كايت]

يالله ويـــــــــــــــــــ ــــــــــــــــــن الردود

[كايت]

-- البارت الثالث --





عبد المحسن: بعد بعدي يالثورة بعدي عنهااااااااااااااااااااااا
وتصدم السيارة بالشجرة وتميل على جمب
عبد المحسن: يالبقرة وش سويتي
رنا وهي ترتجف : وش اللي وش سوتي وش سويت السيارة تمشي ووما ادري الا وهذي الشجرة اللي طلعت بوجهي
مشاعل: الحمد الله بي ستر ولا السيارة الحين تقلبت علينا واحنا داخلها ماعاد فية سواقة
رناد : انتم الحين تتهاوشن اطلعو شوفو البلية اللي بالسيارة
وينزل عبد المحسن ولا السيارة نصها مايل يعني يبي احد يدفها على الجهة الثانية
عبد المحسن : يالله يابنات انزلو ساعدوني نبي ندف السياة عشان تتعدل
عهود: يالله هذا احنا نازلين
وينزلون البنات ويعدلون السايرة لحد ما زانت لما ركب عبد المحسن يبي يشغلها ما رضت تشتغل
عبد المحسن : وش فيها هذي وش بلاها وراها ما تشتغل
منى :حاول ثانية يمكن تشتغل
عبد المحسن : اوقلك ما تشتغل ولا تحرك
ويحاولون فيها نص ساعة وهم قاعدين يحاولو وما رضت تشتغل
هيفاء : ياربية وش ذا الورطة الحين وش بنسوي
رهف : عبد المحسن روح المخيم وجيب سيارة ثانية ترا مليت
عبد المحسن: احلفي اروح الخيم واجيب سيارة واخلي بنات الحالهم خبل انا
مرام : ما علية وش بيصير بيجئ البع بع ياكلنا
عبد المحسن : يمكن يجئ شئ اشد من البع بع مو ياكلكم الا يفتت عظامكم
رناد : افا عليك يجئ البع بع وانا موجود وتضرب على صدها وانا ام ابراهيم
عبد المحسن : لاتحمسين منيب رايح
رنا : وش بتسوي يعني اذا قعدت بتصلح السيارة السيارة ما رضت روح جيب سيارة ثانية
عبد المحسن: انتي انطمي انتي ساس البلا كل هذا اللي صار فينا بسبتك
رنا : وشو بسبتي خلاص السيارة وخربت روح جيب سيارة ثانية قبل لا يعرف احد من عماني ويجيب يومك ويقولون لك انك مو كفو
مشاعل: يعني هو الحين كفو
عبد المحسن : شعيل والله اذا ما انثبرتي واكلتي تراب لاجيب يومك
رهف : خلاص محسن روح جيب سيارة و رناد هينا ما راح يير شئ وبعدين شوف احنا مو بالليل بالعصر روح قبل لا يجئ الليل وتبتلش صدقوبعدين ما تشوف ومدري وش يالله روح
عبد المحسن : خلاص طيب بروح رناد انتبهيلهم تراهم دبش ما يدبرون شئ ترا انا معتمد على الله ثم عليك
رناد : ما عليك ياولد اخوي سر وانت مطمئن امانتك برقبتي
عبد المحسن : يالله انتبهو لاتروحون هينا ولا هينا لاتتعدون مكانكم ما راح اطول
عهود : وراك واقف يالله رح
وراح عبد المحسن المخيم وكان بعيد لان رنا بعدت مرة عنة
بعد خمس دقايق والبنات قاعدين يسولفون مالهم ولا عليهم الا وهذاك الجيب اللي ينط عليهم وفية 7 شباب
طبعا البنات بعضهم فاتش والباقي متغطي ببراقع ويجلس الجيب يشغل اغنية ما هقيت ان البراقع تافتناني
ورناد ميتة ضحك وعهود ومنى ورهف ومشاعل يهاوشون راعي الجيب ورنا وهيفاء ومرام قالبينها مناحة صياح
مشاعل : انت استح على شنباتك وانقلع
راعي الجيب : وش دعوة وبعدين ليش الغطاي شيلي البرقع عن الوجة السموح
رهف : مالك دخل فيها يالله ضف وجهك
عهود : ماتسمع وش مقعك الحين ترضى على احد يسوي كذا باختك
راعي الجيب : اصلا ماعندي اخوات
منى : طيب امك ما عندك ام بعد
راعي الجيب : اصلا انا ما اخلي امي تقعد لحالها بالبر ما معها رجال وين اهلكم
رهف : مالك دخل يالله ضف وجهك
راعي الجيب : مانيب منقلع قاعد على قلوبكم
منى :لا والله
راعي الجيب : اية والله
مشاعل : هيه انت لاتكلمها لانجيب لك زوجها يتوطا بطنك
رهف : هيه انتي وش زوجها توة خطيبها
عهود : انت بتنقلع ولا كيف
راعي الجيب : ما نيب متحرك من مكاني
رتروح رناد وتجيب جولها وتجلس تصور رنا وهيفاء وهم يصيحون والباقين يهاوشون وتجلس تعلق
منى : شوفو رناد الحين هذي اللي قايلة لمحسن ابد ماعليك اعتمد
رناد : انت ليش حارقين اعصابكم يختي اجحدوهم وبيملوة ويروحون
مشاعل : لا هذا لازم اربية
راعي الجيب : انا متربي ياحياتي اذا كان عليك نقص تربية ما عندي مانع اعيد اربيك من جديد
مشاعل :ا نا متربية غصب عليك
-----------------------------------------------------------------------------
باللمخيم عبد المحسن توة يوصل وويلقى نايف ينزل من سيارتة
عبد المحسن : نايف جابك الله تعال شوف البنات هناك مغرزين والسيارة مو راضية تشتغل
نايف : خبل انت تخلي بنات لحالهم
عبد المحسن : معاهم رناد
نايف : تستهبل رناد هذي يبيلها احد يهتم فيها تروح توليها على قوم امش بس يالله نروح لهم
وفنفس الوقت يطلع حمد من الخيمة
حمد : هلااااااااااااا نايف
نايف : تعال معنا انت بعد شوف ذا التنكة تارك لبنات لحالهم بقريح وجاي
حمد : طيب
نايف :وشو طيب يالله مشينا نروح لهم
وراحو نايف وعبد المحسن حمد بالسيارة
نايف: الحين هم وينهم باي مكان
عبد المحسن تورط نسى وين كانو : هاه قدام قدام
حمد : الحين انت ليش حارق دمك خلاص الحين بنروح لهم
نايف: وانت يا محسن ليش تاخذهم بالاساس
عبدالمحسن وش ذا الورطة الحين وش بقول لة: رنا قالت لي انهم يبون يطعسون
نايف : وانت من متى ما تعرف تطعس عشان تغرز هماك تعرف بالتطعيس ليش غرزت
حمد : يااخي خلاص اللي صار صار انت ناظر طريقك
---------------------------------------------------------------------------
ام محمد : الا وين البنات
عبير : عبد المحسن اخذهم وراح يطعس فيهم
حصة : الله يستر من ذاالتطعيس يقولون نسبة الوفيات السنة هذي 70% وكلة من حوادث السيارة وهالتطعيس
نورة : الله يستر يالله انك تحفظهم
----------------------------------------------------------
بندر : الحين يا فيصل انت باي سنة
فيصل : هذي اخر سنة لي
بندر : ومشالله كبير والى الان ما عقلت
فيصل وهو مستغرب: اعقل من وشو
بندر : شوف جهازك يرن وانت حاطة على الصامت ومكتوب سارة يتصل بك من هذي سارة ما اعرف وحدة من اخواتك اسمها سارة
فيصل توهق : هاه لا هذي مدرسة خصوصية
بندر : ماشالله تجيب مدراسات خصوصيات واكثر ماكثر الله المدرسين يابو فراس
محمد : نعم
بندر : الحين انت تجيبون لفيصل مدراسات خصوصيات
محمد : اصلا انا ما اجيب لة مدرسين عشان مدرسات هذا اللي ناقص من اللي قايل لك هالحكي
بندر : لامحد بس كنت اهوجس في دراست فيصل ويلف عللى فيصل ويضحك
------------------------------------------------------------------------------
عند البنات بعد ما راح الجيب
رهف : اف ما بغى ينقلع
مشاعل : قليل الادب
رناد : عاد اسمعو مو اذا جاء محسن تقولون السالفة بعدين يقول انتي يا رناد ما انتي كفو
هيفاء : الا انا بقولة
رناد :هيفوة والله ان قلتيلة يا ويلك مني
هيفاء : لا والله جالسة تضحكين وتصورين وهم يهاوشون وانتي ولا عندك بقولة يعني بقولة
رناد : هين يا هيفو انا اوريك
هيفاء: تستاهلين
منى : الا وين مرام
عهود : اية وينها
رناد : وش فيكم يا جماعة يمكن جاها نداء الطبيعة
البنات انفجرو ضحك وتجيهم مرام
مرام : تاخرت عليكم
مشاعل : لا
مرام : وينة محسن ليش تاخر
رنا : عسى ما صار باخوي شئ
عهود : انتي السبة هذا فايدة تعلم السواقة
-------------------------------------------------------------
وجاء المغرب وعبد المحسن ونايف وحمد الى الان يدورنهم ونايف بينجن ويهاوش عبد المحسن
نايف : انت يالغبي وين وديتاهم
عبد المحسن :مدري مدري
حمد : يا ربية الحين الشمس بتغيب
نايف :حمد واللي يرحم والديك لاتخوفني يكفيني اللي فيني
حمد : ترا حتى احنا معاك يعني مو انت لحالك ياللي خايف عليهم
-----------------------------------------------------------------------
عندالبنات والخوف بدا يتسرب فيهم
رنا : عمتي ليش اخوي تاخر الشمس بتغيب
رناد : وانا وش يعرفني
عهود : قولو قولو اذكار المساء لا يطلع عليكم شئ
مشاعل : يمة بيطلع جني
منى : وش جنية انتي بعد تعوذي من الابليس
هيفاء جلست تصيح ورهف تهاوشها
رهف : انتي تراك ازعجتيني ترا حتى احنا بعد خايفين وولا وحدة صاحت عن الدلع
مرام: ياربية والله تاخرو ياويلي ابي امي
مشاعل : انتي بعد لاتقلبين لي حليمة بولند
وفجاء ينط عليهم جيب
وتصارخ رنا : هذا هو الجمس اللي تو ياويلي على حالي بيخطفوني
رناد : وش يخطفونك انتي بعد هذا جيب نايف
منى : الحمدالله اخيرا جو
------------------------------------------------------
نايف : هذولي هم البنات ولا
عبدالمحسن وهو فرحان : الا الا هذولي هم رح رح عندهم
حمد: طيب شوي شوي لاتنشق خشتك
وينزل نايف عند البنات وتروح هيفاء تحضنة وهي تصيح
نايف : خلاص خلاص هيفاء تعالي اركبي السيارة
------------------------------------------------------------

[كايت]

-- البارت الرابع --



----------------------------------------------------------------------
بالسيارة وهم راجعين
حمد:انتم وين كنتو
رناد : الا انتم اللي وين كنتو ليش تاخرتو والله خفنا موووووت وبعد وانتم رايحين جونا جيب...
نايف وهو مرتاع : وش جيبة
رناد : هاه لا بس جيب مر
هيفاء : اللي لا بس جيب اية عن الخرط
رناد : اقول هيفوة انثبري
نايف : وش صار
هيفاء : نايف تصدق ان جيب جاء وفية شباب كثير والله ستر ربي ما خطفوني وحنا نصيح والباقين يهاوشون ومالت على رناد تخيل
رناد : هيفوة والله ان ما سكتي ولا اقعد ببطنك انطمي
نايف : انتي وش فيك خليها تكمل
هيفاء : ليش اسكت انتي ما يعتمد عليك
رناد : يالبزر انطمي واسكتي
عبد المحسن : وش السالفة
هيفاء : والعيال اللي بالجيب يكلمونا رناد قاعدة تصور تخيل البرود الزايد
نايف مات من الضحك هو وحمد وعبد المحسن
هيفاء طيرت عيونها : وش سالفتهم
رناد فرحانة انهم ماهاوشوها : تبيون اوريك المقطع تراة يفطس ضحك
حمد وهو يضحك : اية ههههه ورينياه هههههه
وتروح تطلع اجوال وتورية ويكملها ضحك الين تقطعت مصارينة من الضحك
حمد : ههههه الله يقطع ابليسك ارسليها ارسليها لي
نايف : لا لحضة ابي اشوفها
هيفاء : والله الحين انا على بالي بتزفتها وبتتوطها
منى : تعيشي وتاكلي غيرها يا حلوة << صح ان المثل مالة دخل بس مالقيت شئ ينفع غيرة
مشاعل : واللي يرحم والديكم اسكتو ترا انا تعبانة صوتي نبح اليوم من كثر الهواش
رهف : اية تراكم مسوين ازعاج على الفاضي
رنا : ياربية متى بنوصل تراني جوعانة
مشاعل : اقول اسكتي انتي ام المصايب
عبد المحسن : خلاص قفلو على الموضوع
مشاعل: وش اللي نقفل على الموضوع والله انك مو صاحي يوم انك تخلي بزر تسوق سيارة واحنا مو صاحين كمان انا كيف ضحيت بحياتي وركبت معاكم
رنا : بزر بعينك
نايف : ليش من اللي طعس فيكم مو محسن
منى : محسن طل اللي طعس فينا رنا مالت عليها وعلى سواقتها
نايف : مشالله مشالله ولاعب علي يامحسن اجل انت اللي مطعس فيهم هاه
عبد المحسن : اقول وش رايك تجئ تعلمني من اللي اخلية يسوق او لا ترا عطيتك وجه بزيادة احترم اللي اكبر منك عاد
نايف : والله لو انك اصغر مني كان قلت لاباركت باليوم ياللي طلعت فية بالذا الخوجات
رناد : هيه انت وش خوجاتة بعد ترا انا اكبر منك بعد احتر اللي اكبر منك عاد
عبد المحسن : اشوفك تعيدين كلامي
رناد : اها بس استعجلو متى بنوصل
حمد : اقول تراك انتي الغلط راكبك من رساك الى ساسك
رناد : انا
حمد: لا انا اية انتي اسكتي واللي يرحم والديك
---------------------------------------------------------------------------------
بالمخيم
عمر : خالد
خالد : هلا
عمر : الحين نايف ما وصل ووحمد وعبد المحسن وينهم تاخر عبد المحسن من متى وهو رايح يطعس بالبنات
خالد : والله مدري
عمر : قم يا شيخ بس نشوف لا يكون صار فيهم شئ
خالد : لا انشالله بعدين عبد المحسن معاهم وش بيصير لهم
عمر : وانا وش يعرفني قم نشوف
خالد: يالله
وقام عمر وخالد
سلطان : على وين
عمر : والله يا عمي عبد المحسن والبنات الى الان ما رجعو الشمس غابت بنروح نشوف لايكون صار فيهم شئ
ابو محمد : وهم وين رايحين
خالد : راح عبد المحسن يطعس بالبنات
ابو محمد : هذا اللي يجئ من التطعيس ماغير وجع الراس الحين هم وين طسو
خالد : هذا احنا رايحين ندور عليهم
فيصل : انا بجئ معكم
بندر : لا انت لاتروح اقعد على بالك بعدي لك سالفة سارة امش قلي وش السالفة
محمد : اي سارة
بندر : لا بس وحدة يسولف عنها فيصل
محمد : فيصلوة وانت من متى تعرف بنات
فيصل : لا يبة بس بندر يمزح
عمر : انتم بتروحون ولا نمشي
فيصل: لا لا انا جاي معاكم
بندر : وانا بعد
فيصل بنفسة وش ذا النشبة
لما طلعو الشباب من الخيمة لقو البنات جاين مع حمد ونايف وعبدالمحسن
خالد : هذولي هم
ابو محمد : جو
عمر : ايو وصلو
سلطان : نادوهم لي انا اوريك فيهم
محمد : اتعوذ من الابليس ما صار الا الخير
سلطان : اعوذ بالله
نايف وهو ينزل من السيارة: هلااااااااااااااااااا عمرو دياب
عمر : هلا وانت مالقيت لي اسم الا ذا المصيري يااخي اختار لي اسم صاحي الا على طاري انت بعد رايح تطعس فيهم والله عمي متوعد لكم ياويلكم
عبد المحسن : ليش هو معصب
خالد : قبل وشي يوم قلنا لو انكم جيتو قال نادوهم لي انا اوريكم فيم والله لاجلدهم بالعقال
عمر : عاد لاتبالغ
خالد : انت ليش فضيحة
فيصل : تعالو ابوي ابراهيم ( ابو محمد ) يبغاكم
حمد : لا عاد انا عندي واسطة البابا الله يطول بعمرة
عبد المحسن : اية وش عليك واسطات
نايف : البنات نزلو من سيارتي
حمد : اية فرغناها ليش تسال
نايف : لا عشان ما تنط لي وحدة وتحوس فيها ولا تكسر شئ عاد السيارة جديدة
خالد : تراك عليتنا سيارتي سيارتي كان محد عندة سيارة الا انت
نايف : يا شيخ سيارة جديدة وفرحان فيها انت ليش مقهور
عمر : لا لا هذا خالد لااحد يجاكرة من يوم ماشرا الرنج وهو راز خشمة علينا تصور اقول بس ابي اخذ لفة فيها يقول تخسي ما بقى الا انت
بندر : وهو الصادق
عمر : افا ياذاالعلم
بندر : خخخخخخخ امش اش نشوف ابوي ابراهيم وش يبي
عمر: يالله
ابو محمد : محيسن يامال الفتاق وراك ماخذ البنات وموديهم لقريح وين رحتو ووراكم تاخرتو
عمر : يااخي ياهو ابوي ابراهيم علية دعوات يحبها قلبك
عبدالمحسن :اية بلاها موب عليك
ابو محمد : وراك سكت
عبد المحسن : لا ما سكت بس يا بوي وش اسوي كلمت رنا علي وقالت لي انهم يبون يطعسون بس انا قلت لا يوم اخذت السماعة منها رناد وطلبتني وما حبيت اردها اخاف لاتزعل
نايف : ياكبرها عند الله
عمر : شوفو الارانب تطامر فوق راس محسن
عبد المحسن : اسكتو خلوني اخلص منة
سلطان : ووراكم تاخرتو وين رحتو الشمس غابت وانتم ماجيتو
عبدالمحسن : وين بنروح يعني بس نطعس بين هالطعوس وانتم الله يهيدكم مسوين من الحبة قبة
سلطان : الحين هذي تسميها حبة
محمد : خلاص ما صار شئ قومو نصلي المغرب ترا ماصلينها
ابو محمد : كلة منهم ذولي الهوني استغفر الله
وراحوالرجال والعيال يصلون
--------------------------------------------------------------------------------
بخيمة البنات
رنا : والله اليوم فلة
رهف : اقول لايكثر اصلا انتي اليوم ماغير تصيحين
مشاعل : انا ماخوفني الا راعي الجيب حسبي الله علية
عهود : الاعلى طاري الجيب فية واحد منهم يهبببببببببل اللي راكب بالوسط
مشاعل : اللي لابس غترة
عهود : اية شفتية
مشاعل : اية والله اني متحسفة ليش اني هواشتة
عهود : ويحى قلبي
منى : شوفو الفاضيات الحين بدل ماتحمدون ربكم علىالسلامة جايين تقولون لي ياحلو هذا وياليتني ما هواشتة
رهف : اقول بس لا يسمعكم ابوي ابراهيم
هيفاء : الا على طاري ابوي ابراهيم غريبة ماهواشنا
مرام : ومن قال انة ماراح يهاوش بس ما يهاوشنا احنا يهاوش محسن
رنا : يابعد عمري يااخوي ما اكلها الا نت
هيفاء : اية والله يابعد حيي يا ولدالعم ما اكلها الانت
رناد : اقول اسكتو بس الا عهود جبتو الاستريو ترا انا قايلة لابوي يخلي خيمة للبنات بس مو علشان سواد عيونكم عشان الحريم ما يهبلونا ويقولون طفوة
منى : مهابيل انتم ترقصون بذالليل
رناد : اية عادي وش فيها
عهود : يالله رناد وين الاشرطة
رناد : ليش انتي ماجبتيها معاك
عهود : لا انا قلت انا علي الاستريو وانتي الاشرطة
رناد : ياحبيبي ليش ماقلتيلي من زمان
عهود : وانا وش يعرفني انك ماراح تجيبين لان اشرطة الطق كثيرة عندك واكثر ماكثر الله عندك اشرطة موضي
رناد :يا سخفك وانا ماجبت اشرطة يعني الحين الاستريو اللي انتو جايبينة مالة فايدة بس زيادة ضيق
مرام : ياربييييييية
منى : خيرة
مشاعل : اية والله يمكنها خيرة ولو كانت رناد جايبة اشرطة وشغلتوها وقعدتو ترقصون ودخل بوحدة منك بسم الله الرحمن الرحيم
مرام : وانتي مستحيل تعترفين باسمة لاو بسم الله الرحمن الرحيم كل هذا خوف منة قولي جني وخلاص
مشاعل : بسم الله بسم الله اعوذبالله من الشيطان
رهف : لاحووووووووووووووووول هذي الذروق والله
عهود : مشاعل متى بتتركين عنك هالذراقة والخوف الزايد
مشاعل : يالله عاد بدت الاخت عهود تعطي محاضرات
هيفاء : رناد وين الموية تراني مرة عطشانة
رناد : مدري اسالي اخوي حمد لانة اليوم هو اللي جابها ومدري وين حطها
هيفاء : وهو وينة عند الرجال ما يصلح اروح تدرين وشلون بقول لدحومي ينادي حمد
وتطلع هيفاء تنادي دحومي
هيفاء : دحووووووووم دحوووووووووم
دحومي وهو يلعب كورة لحالة قريب من خيمة الرجال : خيييييييييييييييييييييييير
هيفاء : تعال
جاء دحومي : خير وش تبين
هيفاء :دحومي حبيبي روح ناد حمد
دحومي : لا والله توك تقولين حبيبي ماابي اروح
هيفاء : دحومي تكفى ترا اذا مارحت بروح انا ادخل عند الرجال ترضى علي
دحومي : لاماتدخلين
هيفاء: خلاص اجل روح نادة
دحومي :خلاص بروح بس استني هينا لاتتعدين يمكن يشوفك احد
هيفاء : مانيب متعيدة وهذاني قعدت يالله رح نادة
دحومي : طيب
وراح دحومي وهيفاء جالسة تسنى طلعت رنا من مخيم البنات
رنا : هيفاء
هيفاء هلا
رنا : وش مقعدك لحالك
هيفاء : لا بس كنت استنى دحوم راح ينادي حمد
رنا : عمي حمد وش تبين فية
هيفاء : لا بس عطشانة وسالت رناد وين الموية قالت اسالي حمد هو اللي جايبها
ويجيهم حمد : هلا هيفاء دحوم يقول انك تبيني خير انشالله
هيفاء : اية والله عطشانة
حمد : قولي قسم الحين جايبتني من قلايع وادرين عشان تقولين انا عطشانة
هيفاء : اي قلايع كلها شبك بين الحريم والرجال بس رناد تقول انك انت اللي جايب الموية وين حطيتها
حمد: ايييييييييييية اسالي امي انا عطيتها امي
هيفاء : خلاص طيب
ويرجع حمد وتروح هيفاء ورنا لام محمد وتجيب موية
رنا : تعالي هيفاء نطلع برا نتمشى
هيفاء : يالله
وطلعت هيفاو رنا برا يتمشون
رنا : الجو مرة حلو
هيفاء : اية هوااااااء
رنا : هيفاء اسمعي بقولك شئ بس لاتضحكين علي
هيفاء : والله اذا كان يضحك بضحك
رنا :اجل لاخلاص
هيفاء : لاقولي
رنا : عشان تضحكين والله هذا سر وما عمري قلتة لاحد انتي الوحيد ياللي اقولها كل اللي بقلبي
هيفاء : شكل عندك سالفة خير
رنا : بس ماتضحكين
هيفاء : ان قدرني ربي بس قولي
رنا بعد تردد : وش رايك بعمر
هيفاء طيرت عيونها : اي عمر
رنا : وش فيك تناظريني كذا لاتخوفيني
هيفاء : خلاص بس عمر ولد عمي سلمان
رنا : اية بس الله يخليك لااحد يعرف ترا ما يعرف الا انتي
هيفاء : يعني تحبينة
رنا سكتت وماردت عليها
هيفاء :يا ملح اللي يستحون
رنا : هيفاااااااااااااء لا تخليني اندم على اني قلت لك
هيفاء : خلاص خلاص ما قلنا شئ بس ودي اعرف وش اللي عاجبك فية
رنا : ماادري كذا عجبني
هيفاء : لا يعني وش معنى هو من بد كل عيال عماني
رنا : تذكرين عزيمة عمي سليمان قبل 3 شهور
هيفاء : مشالله قبل 3 شهور وتك تقولين لي
رنا : اصلا انا ما كنت ناوية اقول لك بس خفت ماادري ماادي
هيفاء : لا مااذكر العزيمة متى
رنا : اللي يوم تكب مرام على تنورتك عصير
هيفاء : اييييييييييييية ذكرت الله ياخذها الى الان مارضت تروح البقعة
رنا : ما علينا
هيفاء : اية وش فيها هذيك العزيمة
رنا : وانا طالعة مع بروح المغسلة والقاة قدامي بالصالة وانتم كلكم بصالة الاكل يعني ماكان فية احد وهو شكلة كان يبي يطلع فوق
هيفاء :اهاااا وعقبها عجبك الله يفتح عليك
رنا : هيفاااااااااا خلاص عادحشيتي فيني الين قلتي امين
هيفاء : لا تكذبين توني ما قلت
رنا : هههههههههههه امشي امشي بس
وكملو البنات طريقهم يتمشون
------------------------------------------------------------------------------------------------
بخيمة الرجال
بندر : اقول عمر
عمر : هلا
بندر : تذكر خويك اللي شفت انت ويا بالسوق يوم الاحد اللي فات
عمر : اية وش فية
بندر : يقول خالد انة بيعرس
عمر : اية تملك وملكتة كانت قبل امس
بندر : مشالله اجل هات رقمة بكلمة ابارك لة
عمر يفتش على جوالة : جوالي ناسية بالسيارة بروح اجيبة
بندر : يالله استناك
عمر : بستناك ترارارا وبتمنى اعيش العمر كلو حبيبي معاك خخخخخخخ
بندر : هههههههههههههه رح جبة بس
ويطلع عمر من الخيمة وهو يغني بستناك ويروح لسيارتة وهو اجع كان مطمن راسة يدور رقم خويةويرفع راسة ويلقى هالبنتين قدامة الولد طير عيونة والمشكلة ان لا رنا ولا هيفاء كان معاهم شئ يتغطون فية
العم استانس وقام يتفرج ويقول بنفسة حشى هذي مو انسانة هذي ملاك نازل من السماء وش هالجمال وكان يقصد هيفاء ولا طق لرنا خبر
رنا ومو مصدقة وواقفة ومتنحة
هيفاء : اشوف عجبتك الوقفة
عمر انتبة على نفسة : هاه لا اسف
ورجع الخيمة وهو مسبة كان احد صب على راسة موية باردة
بندر : هيه يالحبيب وين سرحت
عمر: هاه لابس ولا شئ هذا هو الرقم
اخذ بندر الرقم وجلس يكلم والعيال يسولفون وعمر مومعاهم جالس يفكر بهيفاء
عمر بنفسة مين هذي معقولة هذي هيفاء اية هيفاء ماتغيرت كثير نفس شكلها وهي صغير ااااااااه ياحلوها وهي تكلمني ماكان ودي اشيل عيني عنها وهو سرحان
وبندر ينادية
بندر : انت وش فيك
عمر : وشو
بندر : وين وصلت
عمر : لامعاكم
بندر : لا انت شكلك واصل حدك خذ خذ جوالك
عمر : كلمتة
بندر : انا قايل انت مو معنا كلمتة وقلت لك انة يسلم عليك بس انت بوادي ثاني منتب معنا
عمر : لا تلومني
--------------------------------------------------------------------------------
عند رنا وهيفاء
هيفاء : تراك عليتيني شفتية شفتية اية شفتة
رنا : يهبل
هيفاء : استحي على وجهك عيب وش هالكلام والله لو يسمعك عمي قص لسانك
رنا : وابوي وش بيعرفه الله شكلة يجنن
هيفاء : مسكين ارتاع لما شافنا
رنا : ماشال عينة عني طوال والوقت وهو يطالعني
هيفاء : لاحووووووووووووول هذي اللي بتجيبلي السكر يابنت الناس اية شافك وانهبل عليك بس يالله نرجع
رنا : وين
هيفاء:نروح عندعمر
رنا : اية يالله
هيفاء :اقول طسي بس ما صدقت خبر اقول مشينا عند البنات
رنا : يالله
--------------------------------------------------------------------------------------------
عند الرجال
ابو محمد : يالله انك تحيي عيالي
سلمان :الله يحيك يبة
عبد المحسن : ابوي ابراهيم هذي المرة الثلاثة والاربعين ياللي تقول فيها يالله تحيي عيالي وما يرد عليك الا عمي سلمان
نايف كان يشرب موية يوم سمع الكلام اللي قالة عبد المحسن ضحك وتطلع كل الموية ياللي بفمه على وجة فيصل
نايف : هههههههههههههههههههههههههههههههههههههههههههههههههه هههه
فيصل : الله ياخذك وش سويت بدلتي حرام عليك توني شاريها يا سخيف
نايف :العذ ر والسموحة اختي فيصل
فيصل : وش اختي انا ولد ما اسمح لك تقول اختي
نايف :هههههههه طيب اسف اخوي ههههههه حسبي الله على ابليسك يامحسن
ابو محمد : ضحكت من سرك بلا وش يضحكك على هاللي مايستحي على وجة ماغير يعاير بجدانة وعمانة قليل الادب
حمد : يبة وهو الصادق
سلطان : اه ياقليلين الادب تكلمو زين معابوكم لا اجلدكم بالعقال
يقوم عبدالمحسن ويحب على راس جدة : العذر والسموحة والله ماكان قصدي بس امزح
ابو محمد : اية بس لاتعيدها
عبد المحسن : انشالله
وعمر مو معاهم سرحان يفكر بهيفاء ويقول بنفسة ياربية انا وش فيني من يوم ماشفت هالبنت وانا متسبة ماني عارف وش فيني
بندر ملاحظ انة عمر فية شئ بس ما حب يتدخل
-----------------------------------------------------------------------------
عند البنات
رناد : بنات قومو زينو معاي المفارش مو انا لحالي
منى : انا مفرشئ خلو انا اصلحة
عهود : اية وحتى انا خلو حقي انا بصلحة
هيفاء : خلاص اقعدي رناد كل وحد تصلح مفرشها
مرام : يوووووووووووووووووه
مشاعل : وش فيك
مرام :نسيت اصلي العشاء
رهف : قومي صلي وقتها بيطلع
مرام :كم الساعة
مشاعل : الساعة 11 ونص روحي صلي
وتدخل عبير على البنات
عبير :يالله ترا عمكم سلطان يقول نامو بكرة بيقومك من الفجر يقول انةهو اللي بيطعس فيكم
رناد : الحين يوم انة بيطعس فينا وراه يهاوش عبد المحسن ياضعيف الله عشان طعس فينا
مشاعل : لا ياعيوني تطعيس ابوي ماتقارنينة بتطعيس محيسن مافية وجة مقارنة اصلا
عبير : يالله نامو ولا بنقول لعمكم يغير راية
مشاعل : لالالالا وش يغير راية خلاص بننوم وامرنا لله
رناد : يالله الحين كل وحدة تقوم تصلح فرشها مو تقولون يووووه تعب ومدري ايش انتم اللي قلتو خليها احنا انصلحها انا ماقلت شئ
وقامو البنات يصلحون مفارشهم ورنا بعالم ثاني ثاني
هيفاء : والله يارنا مااظن انك بتصلحين فراشك خلية انا اللي بصلحة
ورنا مو معها ولا تسمعها
ونامو البنات ورنا ونامت وهي تفكر بعمر وعمر نام وهو يفكر بهيفاء مسكينة مصدقة انة يحبها مثل ماهي تحبة
--------------------------------------------------------------------------------------------

[انا وعه]

يسلموا كايت عالروايه مرررررررررررررررررررررررررررره خطييييييييييييره
يالله عاد كمليها



.
.
.
.
.
.
متابعه

[كايت]

انا وعة تسلمين على الرد

[كايت]

بمناسبة العيد راح انزل بارتين:)

[كايت]

--البارت الخامس --




بعد صلاة الفجر
محمد : اصبحنا واصبح الملك لله يالله يالله ياعيال قومو صلو الفجر
يقومون العيال واحد يتمغط والثاني يتقلب بفراشة والثالث مو راضي يقوم
ابو محمد بعصاه : والله اللي مهوب قايم لاكسر ذا العصا على ظهرة قومة يامال السهاد
عبد المحسن : يبة الله يخليك نبي ننام شوي
ابو محمد : يكفي نوم ما شبعتو
سلطان : قومو يالله
يقوم نايف وعمر وخالد وبندر والبقية ما رضو يقومون
محمد : هذولي ما ينفع معاهم الا الموية يا خالد رح وانا عمك جب موية
خالد : انشالله
ويجيب خالد الموية ياخذها سلطان وعلى عبد المحسن
يقوم عبد المحسن وهو مرتاع : هيه انت الله ياخذك وش سويت وهو مو منتبة من ياللي كب علية
سلطان : اه ياقليل الادب كذا تكلم ابوك
عبد المحسن : انت ابوي
سلطان : لا انا ولدك
عبد المحسن : لا على بالي انك خالد اسف اسف يبة
سلطان : قم بس يالله قم والا لانروح ونخليك
يفز عبد المحسن من مفرشة : لا لا خلاص هذا انا قمت
نايف : والله ماجابها الاعمي
قام عبد المحسن والباقين طلعو يصلحون الفطور

------------------------------------------------------------------------

عند الحريم
حصة : ام فراس جايبين زيت نبي نسوي بيض
نورة: اية جايبين هيفاااااااااااااااااء وين الزيت
هيفاء كانت جالسة بالخيمة وماسمعت امها
هيفاء : رنا رنا يالله قومي تراك ماصليتي الفجر
رنا : ماابي خليتي انوم
هيفاء : قومي يكفي نوم يالله نروح نفطر عمي بعد الفطور بيطعس فينا
رنا : طيب وانا وش اسوي
وتدخل عليهم نورة
نورة : هيفاء وش فيك اناديك وماتردين
هيفاء: ماسمعتك يمة وشو
نورة : وين الزيت
هيفاء : انا عطيتة بليندا قلت لها تحطة بالسلة اساليها
نورة : الله يهديك وهذي تعتمدين عليها انشالله تكون جابتة بلينداااااااا
هيفاء : يالله قومي بلا دلع
قامت رنا وصلت الفجر وعلى الفطور
ام محمد : وراكم مكثرين الاكل من اللي بياكلة
عبير : مشالله عيالنا موب شوين ياخالتي يالله يكفيهم
رناد : اقول الحين سلطان اليوم بيطعس فينا والا لا
عبير : الا هو اللي بيطعس
رناد : ومن اللي بيروح
عبير : كلنا
رناد : والسيارة بتكفي
حصة : لا لاتشيلون هم السيارة عمر بعد يبي يطعس هو وعبد المحسن بسيارتهم وكل وحدة تختار
ويفز قلب رنا الله عمر بيطعس
هيفاء : زين على الاقل خلي بعض الناس يستانسون
رنا تطالع هيفاء وتفهمها على انها تسكت
مشاعل : انا بكرب مع ابوي ماابي محسن والله امس يمة ولدك بغى يودينا بخبرت كاان تصدقين مخلي رنا تسوق ولا ياليتها تعرف تسوق جالسة الاخت تتعلم
رنا : وانتم الى متى بتجلسون تزربوني بهالسالفة
منى : الى بكرة حتى انا بروح مع عمي سلطان
رناد : وانا بعد وابي اركب قدام
مشاعل : لاياعمري وش تركبين قدام امي بتجئ هي بتركب قدام ياحياتي ولا لو انها ماراح تجئ انا اللي اركب قدام انا بنتة وانا الاولى
حصة : اقول خلصو بس ولاتقعدون تحاشرون الحين عمكم يخلص وانتم ما خلصتو ويروح بالعيال بس
عبير : والله هذا شكلة اللي بيصر مدامكم على هالحال

-----------------------------------------------------------------------------------

عندالرجال
فراس توة يوصل
فراس : هلاااااااااااااااااااااااا والله
عبد المحسن : هلا فروس هلا والله كيفك
فراس : الحمدالله انتم وش اخباركم الا وين الرجال
عبد المحسن : جوا باالخيمة يفطرون
فراس : يالله اجل بروح اسلم على ابوي ابراهيم
ويروح يسلم على جدة وعمانة
بعد ماخلص فراس وسلم عليهم جلس جنب جدة
ابو محمد : يالله انك تحيي ولدي
فراس : الله يحيك
عبد المحسن: لاحوووووووول عودنا لطريلي
سلطان : انت بتسكت ولا افلق راسك بالنعلة
عبد المحسن : لالا خلاص بسكت
سلطان : الايا فراس
فراس : هلا
سلطان : تخاوينا بنروح نطعس
فراس : اجل انا وش جابني الا التطعيس
ابو محمد : افااا يعني ماجيت عشان تسلم على جدك
فراس : الا والله الجية كلها عشانك بس بعد فية مصالح لي
سلطان : هههههه اجل يالله دحيم
دحومي : عمي انا دحومي موب دحيم
سلطان : انت اصلا لادحومي ولادحيم انت عبد الرحمن بس مدري وش ذاالاسماء اللي مسمينكيها اهلك ماعلينا رح للحريم وقلهم ان عمي سلطان يبي يمشي اللي يبي يجئ يالله واللي يبي يروح مع عبد المحسن ولا عمر بكيفة
دحومي : انشالله
راح دحومي يقول للحريم

---------------------------------------------------------------------------------


عند الحريم
دحومي : ترا عمي سلطان يقول انة بيروح يطعس الحين واللي يبي يروح مع عمر ولا محسن بكيفة
رناد : انا بروح مع اخوي
مشاعل : وانا بعد
منى : وانا معكم
هيفاء : وانا
تروح رنا تسحب هيفاء على جنب بدون محد يسمعهم
هيفاء : وش فيك انتي بعد
رنا : انتي صادقة تبين تروحين مع ابوي
هيفاء : وانشالله تبين اروح مع محسين عقب اللي صار امس لا ياعيوني
رنا : يااختي وانا على بالي تبين تفهمينها وهي طايرة
هيفاء : وشو افهمها انشالله تبين اروح مع عمر
رنا : الله يخليك شوفي انتي يوم قلتي لي تعالي المخيم جيت انتي تعالي ماابي اروح لحالي
هيفاء : الحين عرفت ليش جيتي المخيم
رنا : اية عرفتي بس واللي يرحم والديك ابي اشوفة ثانية
هيفاء : والله ماعندي استعداد اترك عمي سلطان واروح لعمر والله عمي سلطان تطعيسة خطير وما ينخاف علية يعني اذا غرزنا مااخاف وبعدين هو مو كل مرة يقول بيطعس فينا نادر تطعيسة والمفروض ماافوتة علي لا بروح معاهم
رنا : انا اقولة بكرة يطعس انا يوافق اذا قلت لة بس اليوم نروح مع عمر الله يعافيك
هيفاء : اية بس ..
رنا : ولا بس ولا هم الله يخليك الله يخليك خلينا نركب معاه
هيفاء : يالذهينة الحين كل البنات بيروحون مع عمي الا احنا رايحين معاه هو بيقول وش يبون ذولا خاشين عرض انا وانتي لحالنا اصلا البنات بيحسون ان فية شئ
رنا : لا عادي تكفين
هيفاء : خلاص خلاص طيب
رنا : والله انك انتي اللي فاهمتني يالله نروح قبل لا يمشي
هيفاء وهي ما ودها : يالله

-----------------------------------------------------------------------------------
عندالسيارات كل واحد يركب سيارة سلطان ركبو الحريم معاه وو وعبد المحسن يبي احد يجئ معاه مو راضي احد ماركب معاه الا فيصل ودحومي وعمر الى الان يحمل بسيارتة
رناد : يالله اركبو
مشاعل : وين عبايتي
رناد : وش تبين بالعباية
مشاعل : والله اخاف يصير لنا مثل ماصار امس ابي عباية احتياط
مرام : انا اخر مرة شفتها بالخيمة جنب فراش هيفاء
مشاعل : وهيفاء وينها
مرام : هيفاء ورنا بيركبون مع عمر
رهف : ليش مايجون معنا
مرام : ماادري روحي اساليها
رهف : رناااااااا
رنا كانت جاية : نعم
رهف : ليش ماتجين معنا
رنا تورطت وش تقول لها بس هيفاء كانت معها
هيفاء : لا بس السيارة ضيق ومع عمر مافية احد ومحسن ماابي اركب معه انا صرت اخاف من حركاتة من عقب ماخلى هالرخمة تسوق اخاف يوقف عند طعس ويقول لي انزلي
رهف : ههههههههههه حرام عليك اخوي مايسويها امشو بس اركبو معنا
هيفاء : والله ودي
وتقرص رنا على خصر هيفاء
هيفاء: بس زحمة
رهف : كيفكم يالله يالله بنات مشينا
هيفاء تكلم رنا : يا حظهم
رنا : حرام عليك حتى تطعيس عمر حلو
هيفاء : اقول اسكتي بس يالله نروح نركب السيارة وين برقع مشاعل الثاني
رنا : اقول بس بلا براقع بلا هم الحين الولد بيمشي وانتي تقولين وين البرقع
هيفاء : لا والله امس مهاوشتة عشانة واقف يتفرج واليوم اطلع فاتشة اصلا اخوي فراس بيروح وهو بيهاوشني
رنا : لا لا قولي انا توني صغيرة يالله بس
هيفاء : والله انتي فعايلك هذي مااعرف وين توصلنا

---------------------------------------------------------------------------
عمر : يالله ياخالد تراك اخرتني الا من بيروح معنا
خالد : بندر ونايف وحمد وفراس
عمر : واالحريم محد رايح معنا
خالد : والله ماادري امش نشوف دحومي
دحومي : نعم
خالد : مين من البنات ماراح يروح مع عمي سلطان
دحومي : امي لطيفة وخالتي حصة وامي نورة ورنا وهيفوة
عمر لما انتبة للاسم : من هيفوة
دحومي : هيفاء اختي
عمر وهو متشقق: طيب يالله ياله قلهم يستعجلون
راح دحومي
عمر جالس يفكر يالله هيفاء بتروح معي يابختك ياعمر... وش معنى اختارتني انا بالذات يعني ليش ماراحت مع عمي ولا محسن اكيد انها تحبني ...معقولة تحبني وانا ليش افكر فيها
لا والله البنت هي حلوة بس مو معنها اني احبها ( احبها) معقولة حبيتها لالا ..وش انا بعد حبيتها..
خالد : انت ليش ماترد
عمر وكانة انتبة لخالد : هلا
خالد :يالله مشينا
عمر : يالله

--------------------------------------------------------------------

عند سيارة عمر
هيفاء وهي تشهق وتشوف اللي بيركبون
هيفاء : انتي هيه هيه صادقة تبين تركبيني سيارة كلها عيال
رنا : عادي عندك محارم دحومي وفراس وحمد وانا عندي حمد وبندر
هيفاء : والله انك هبلا امشي امشي بس
وركبو السياة ورا مرة
هيفاء : انا وش اللي قردني وطاوعتك الحين تلقين البنات بسيارة عمي فلة وضحك ووناسة وانا وراه هينا اذا ضحكت حسبوها علي واذا تكلمت يا ويلي واذا صرخت تكفخت
رنا : انتي الحين ليش حنانة خلاص وسعي صدرك طنش فنش تنتعش
هيفاء : ياليتني ماقلت اية
رنا : عاد قلتي اية المرة الجاية قولي لا
هيفاء : وليش بعد فية مرة جاية
رنا : اسكتي اسكتي العيال ركبو
فراس وهو يركب شاف هيفاء : هيفاء
هيفاء بدون نفس : وشو بعد انت وش عندك
فراس : طيب لاتطقيني اناكنت بسالك ليش ما ركبتو مع عمي سلطان هينا كلة عيال وراكم خاشين عرض
هيفاء فتحت عيونها : انا الحين خاشة عرض الحين بدل ماتقول يالله انك تحيي اختي تقول خاشة عرض
فراس : اقول اخلصي بس ليش ما ركبتو مع عمي
رنا بنفسها ياربية هذيلا وش عندهم وش دخلهم كل ماشافنا احد قال ليش ماركبتو مع فلان والا ليش ما ركبتو مع علان كيفي انشالله اركب حمار
هيفاء : سيارة عمي زحمة واحنا نبي وسع
فراس : اذا كنتو تبون الوسع ترا محسن محد يبي يركب معاه روحومعه ما راح يركب معاه الا فيصل ودحومي
رنا : لالا محسن ماابية عقب امس ماابي اركب معاه
هيفاء : اقول لا يكثر كل اللي صار امس بسبتك
فراس : كيفكم بس ترا بتتغطين ياهيفاء
هيفاء : لا
فراس : ولوا اذا ما ماكنتي جايبة غطوة يالله انزلي الى الان مامشينا روحي جيبي غطوة
هيفاء : ماابي ولا تحاول ماراح اتغطى
فراس : موب بكيفك
ويجيهم بندر
بندر : يالله يالله بنمشي وين عمر
فراس : لحضة اختي بتجيب غطاء ويطل على هيفاء بالسيارة انزلي جيبي غطاء
بندر : اقول امش بس مسوي فيها غيرة مالك دخل فيها اذا اعرست على منى قلها تلبس غطوة لين تقول امين هذي مسؤل منها ابوك اخلنا الحين ننادي السواق عمير
رنا تكلم هيفاء : عمير بعينة
هيفاء : ترا الاخلاق خربانة لاتكلميني
رنا : وش دعوه يااختي وش فيك معصبة
هيفاء : لا مافيني شئ بس اسكتي
رنا : كيفك بس خلي عمر يجئ يطعس والله لاتنسين الدنيا
هيفاء : اية مرة بنساها
ويركبون العيال كلهم ويمشون

-------------------------------------------------------------------------

بسيارة سلطان
مشاعل : يبة الله يخليك هدي شوي
رناد : وش يهدي انتي بعد شايفتة على طريق سريع هو قاعد يطامر بين الطعوس اوووووووووووووه سلطان سلطان سو الحركة ثانية والله حلوة
سلطان : ما طبلتي شئ ونسويها ثانية
ويسوي الحركة مرة ثانية واللي هي يطلع بالجيب على طعس عالي ويميل السيارة ومشاعل بتنهبل
والبنات يصارخون وفلة وهبال

بسيارة عبد المحسن
الصمت السائد والطفش والملل

بسيارة عمر
رنا بتذوب من الحيا كل ماقال كلمة عمر
وعمر ودة يلتفت يشوف هيفاء
ويورح نايف ينادي حمد اللي كان راكب قدام بالوسط وجنبة خالد من جهت الباب
نايف:يااخي سق بدل عمر والله ماعندة سالفة
ويروح عمر ويستغل الفرصة يلف على نايف يهاوشة ومنها يشوف هيفاء
عمر لما لف وشاف هيفاء اختبص وما عرف وش يقول
نايف : شف شف طريقك
عمر يرجع يلف ثانية وهو الدنيا شايلتة من الفرحة وهيفاء على بالها انة يطالع رنا
عمر بدا يستعرض عند هيفاء ويسوي حركات بالتطعيس
حمد : هيه انت ترا السيارة ماتستحمل شوي شوي عليها
عمر : اقول انت اصلا وش يفهمك بالسيارات
خالد : مو لو انا ماخذين الرنج حق نايف كان احسن
نايف: لاوالله خبل انا اعطيكم سيارتي تخربونها
حمد : عادي امس ماخذينها رايحين ندور البنات بعد ماضيعهم ذا الكمخة محيسن
نايف : اية بس كانت هذي مرجن سي حالة طارئة يا حبيبي
عمر : وهذي حالة طارئة نبي نستانس
رنا بنفسها يا ويلي على حالي يا حلو كلامة
نايف : وكل ماجتكم حالة طارئة تاخذون سيارتي
حمد : اقول تهقون فية ارسال
خالد : اية اظن لان مابعدنا مرة
نايف : ليش
حمد :اكلم على اخوي سلطان اشوف كيف الاحوال معاهم
هيفاء : لا لاتكلم انا موناقصة قهر
عمر بنفسة واخيرا تكلمت
فراس : والله انا قلت لك روحي مع محسن بس خويتك قالت لا
رنا : وش خويتها انا بنت خالتها
فراس : عاد مالي دخل بنت خالتها بنت عمتها اهم شئ مرافقة
ويجلس يضحك عمر على كلمة ( مرافقه):هههههههههههههههههههههههههههههههههههههههههه ه
رنا بنفسها يا زين هالضحكة واللي يضحكها
هيفاء : يا ربية عمر عمر
عمر مو حاس بحالة بغت تطلع منة كلمة نعم بس ماحس على حالة الا وهو يقول عيونة
رنا بلمت لما سمعت الكلمةوهيفاء قالت : وش عيونة انت بعد
عمر انتبة : والله اني مضيع متعود على امي تناديني ما يقول عمر مرتين الاهي مطلعت مني الكلمة عادي يختي بنت عمي الموهم يحاول يصرف وش تبين
رنا ارتاحت ولا كان على بالها شئ ثاني
فراس : انتي كل شوي طالعة بطلب وش عندك بعد
هيفاء : يا شيخ خلني اكمل
عمر بنفسة ولله لو تطلبين عيوني عطيتك لو تطلبين قلبي ملكك: كملي
هيفاء : شوف جوالك فية ارسال
حمد : انا فية ارسال
عمر ودة يصفق حمد ماصدق على الله البنت تكلمة يروح يقاطعة والله سخيف
هيفاء : واللي يرحم والديك كلم على عمي سلطان شوف هم قريبين
عمر وهو مقهور : ليش
رنا انقهرت ليش يلكمها ومعطيني اشكل ولا عشاني ساكتة يمكن... خلني اتكلم
هيفاء : والله مليت ابي اروح مع البنات
عمر انقهر ليش تروح يعني ما عجبها تطعيسي ولا يهمها لو تبي اشيلها واطلها اعلى طعس وانزلها على رجولي ماقلت لا انا اوريها كيف التطعيس وقام يتفنن بالتطعيس ويكب تراب
عاداستانست هيفاء عجبهات الوضع
رنا : هاه ارتحتي
عمر : هيفاء تلعبين علينا تقولين ابي بنات ما عندي بنات ومعك هذي.. من انتي
رنا بغت تنهبل يعني طوال الوقت وهومو حاس فيني... انا استاهل انا ساكتة لو اني متكلمة مثل هيفاء كان رد علي انا غبية
فجاةء توقف السيارة وش فيها
حمد : انتم وش بلاكم ماتعرفون تطعسون انت وهذاك الدبشة محيسن وش صار بالسيارة
عمر بغى يطلع براسة شيب الحين على كثر ما طعس بربعة ما قد غرز يوم جاء يستعرض عند هيفاء طنقرت السيارة
عمر : يااخي وش فيها هالسيارة
خالد : الا انت اللي وش فيك مو من عوايدك تغرز
رنا لقتها فرصة تتكلم : طيب انزلو شوفو السيارة وش فيها يمكن تقدر تطلعها
وينزلو العيال وتروح هيفاء تلف على رنا طبعا مافية احد
هيفاء : عجبك الحين
رنا : لا ماعجبني انا مقهورة
هيفاء : اقول لو يحصل لي الحين رقعتك بهااللي معي توك تقولين انا مقهورة الحين انتي اللي قايلة تعالي نركب مع حبيب القلب يوم شبعتي قلتي انا مقهورة
رنا : انا مو مقهورة على انا غرزنا ولا على اني ماركبت مع ابوي
هيفاء : اجل على ايش يا عيوني
رنا : انتي ماسمعتية وش قال طوال الوقت مو منتبة لي ولما تكلمت قال من انتي مو قهر
هيفاء : هذي اللي بصكها على جبهتها الحين انا مقهورة لسبين كل واحد اشد من الثاني
رنا : وشو بعد
هيفاء : كلة بسبتك الحين اذا جو يطلعون السيارة احنا مثقلين عليها بيقولون انزلو وانا ماجبت معي غطاء ياليتني مطاوعتك يافراس على الاقل واحد احتياط
رنا : والشئ الثاني
هيفاء : يعني اني مااعرف وشو ... وشو يعني عشاني ماركبت مع عمي انا طول عمري حظي مقرود
يطل حمد على البنات
حمد : يالله كل وحدة تلبس غطوتها انزلو
رنا : اية بس احنا ماجبنا غطاوي
حمد : مشالله وليش ماجبتو
هيفاء : انا مالي دخل هي اللي قالت مولازم
حمد : طيب انزلو من الجهة الثانية روحو ورى الطعس الين مانناديكم وشغلي معاكم بعيد
رنا : يالله انزلي
هيفاء : انا ماقلت لك انك ام المصايب انا الحين اذا وصلت اثنين بيهاوشني الاخ فراس وعمك حمد
رنا : طيب طيب انزلي
وينزلون البنات من الجهه الثانية وعمر يحاول يشوف هيفاء
وانتبة لة بندر
بندر : هيه انت
عمر : هاه
بندر:شف شغلك
عمر : وانا وش قاعد اسوي
بندر : مدري وش قاعد تسوي انا الحين انا اهاوش فيصل طلعت اردى منة
عمر سكت ومارد على بندر


-----------------------------------------------------------------------------------------------------------------------------


بسيارة سلطان
مرام : عمي
سلطان : نعم
مرام : عمي وقف نبي نربط فرشة بالسيارة ونجلس عليها وانت تسوق فينا
عهود : اية الله يخليك عمي انا جايبة فرشة
سلطان : انشالله ويوقف السيارة ويربط الفرشة بالسيارة ويجلسون عليها البنات ويمشي فيهم
وهم جالسين يصارخون



رنا وهيفاء

هيفاء : شوفي شوفي هذوليك البنات ياحظهم عندهم احد يعرف يطعس شوفي وش مسوين جالسين على فرشة ومربطين الحبل بالسيارة يا حظهم
رنا : لحضة لحضةهذي كانها سيارتنا
هيفاء : لا
رنا : الا هذي هي الالا شوفي هذولي بناتنا
هيفاء : الا والله
وتقوم هيفاء وتاشر على عمها وتطامر ورنا تهوشاها
رنا : اجلسي الله يفشلك
هيفاء : اقول اسكتي انتي قطعتي رزقي المرة الاولى عاد مااسمحلك المرة الثانية
وتجلس تطامر


عندالبنات وهم متمسكين بالفرشة
عهود : شوفو شوفو هذيك الخبلة شكلها دخلها جني
مشاعل : يمة
رناد : خخخخخخخخخ مسكينة من لة قاعدة تطامر
مرام : اقول هذا البنطلون الاحمر اللي لابسة نفس اللي عندي
منى : اللي شريتية من صحارى يوم انا وياك
مرام : اية صح نفسة
رناد : شوفو من اللي جنبها
عهود : والله اعلم شكلهم من اهل الارض
مشاعل : لااا وش اهل الارض انتي بعد وقفو ابي اركب السيارة
رناد : جتنا الذروق
مرام : لا وش اهل الارض ما تشوفين بنطلونها مثل حقي وش جاب بنطلوني عند اهل الارض
داخل السيارة
عبير : وش هذي
سلطان : ماادري خلني اروح اشوف وش عندها

--------------------------------------------------------------------------------------

[كايت]

-- البارت السادس --





سلطان : ماادري خلني اروح اشوف وش عندها
يوقف سلطان السيارة وينزل من السيارة ويقول للبنات
سلطان : اركبو يالله نبي نروح نشف هذيك اللي هناك وش عندها
مشاعل : الجني
سلطان : وش جنية انتي بعد هذي بنت شكلها ضايعة نبي نروح ناخذها ونوديها لاهلها
رناد : صادق
سلطان : وانا متى مزحت معاكم
رناد : والله انك موب صاحي يااخوي تروح تاخذ بنت ماتدري هي وش بلاها وتكبها معك السيارة يمكن تصير ساحرة ولا فيها بلا اكيد فيها سالفة
سلطان : وهذا انا اول بروح اسالها وش فيها انتم بتركبون ولا كيف
منى : الا يا عمي هذا حنا قايمين يالله يابنات
ويركبون البنات السيارة ويروحون للبنت لما قربو مرة
سلطان : هاه
عبير : وش فيك اسم الله عليك
سلطان : موب ذا اللي تطامر هيفاء بنت اخوي
عهود : اية والله ومن هذي اللي معها
رهف : مدام هذي هيفاء اجل اللي معهارنا
سلطان : اه ياعمر ياقليل الادب الحين اعطيك بنتي امانة توقفها وتذبها هي وبنت عمك بالبر لحالهم
رناد : والله انة وهوب صاحي
منى : هو صح احيانا مزح اخوي ثقيل بس ماتوصل هالدرجة ان يوقف السيارة وينزل بنات لحالهم بالبر
عبير : يابعد ياعمري يابنتي
ويوقف سلطان عند البنات وينزل
هيفاء : جابك الله ياعمي تكفى ماابي اركب مع عمر ما يعرف يطعس
سلطان : والله ان هالولد فية شئ خبل هو يوقف وينزلكم
رنا تدافع عن عمر : لا يبة ما نزلونا وراحو
سلطان : اجل وينة
رنا : ورى الطعس السيارة مغرزة
سلطان : اييييييية اجل يالله اركبو السيارة وانا بروح اشوف وش بلاة
هيفاء وهي فرحانة : اية يالله
ويركبون السيارة
البنات كلهم : الحمد اللللللللللللللللللللللللللله على السلامة
هيفاء : والله يا منى اخوك ماعندة سالفة بالتطعيس انا خبلة يوم اني اركب معه
منى: توك تدرين
رهف : انا فلت لكم تعالو معنا بس انتو قلتو لا زحمة
هيفاء : توبة خلاص ماعاد اركب معاه
مرام وانا اقول وش جاب بنطولوني عند الجني
هيفاء : وش جنية انتي بعد
رناد : لا بس اول ماشفاناك تطامرين قلنا هذا جني قالت مرام لا البنطلون اللي عليك مثل اللي عندي وش جاب بنطلوني عند الجن لا صدق وش جاب بنطلونها عندك
هيفاء : والله يوم انام عندكم اخر مرة جلسنا نلعب بالموية ورشحت موية ما نعدي غيار فعطتني مرام البنطلون ونسيت ارجعه
مرام : يااختي قولها صادرتية
هيفاء : لاحوووول بدينا نمن لاتخافين ابجعه لك
رناد : لا وى سلطان تاخر


----------------------------------------------------------------------------------------------------------------------------



سلطان : وش صار بالسيارة
حمد : اسال عمر
سلطان : وش فيها السيارة يا عمر
عمر : والله يا عمي ماادي وجنا نطعس فجاءة غرزت
فراس : انا قايل لك لاتقعد تفنن بالتطعيس السيارة ما تستحمل
حمد : الا وين رنا وهيفاء
سلطان : لا خلاص انا برجع للمخيم وباخذهم معي
عمر بنفسة انا طول عمري مقرود استاهل
سلطان يالله بس حاولو تطلعون بالسيارة
خالد : ما رضت يا عمي
سلطان : طيب احفرو عند الكفرات
وجلسو يحالولون الين ما طلعت السيارة ورجعو المخيم


------------------------------------------------------------------------------------


بالمخيم بعد صلاة العشاء


ابو محمد : اسمعو ترا بكرة من فجر الله بنمشي قولو للحريم يحملون الاغراض من الحين
عبد المحسن : انا لو اني ما جيت كان احسن
حمد : اية والله
محمد : وليش وانا عمك ما استانست
عبد المحسن : لا
ابو محمد: افا وش اللي مكدرك يا وليدي
عبد المحسن : ولا شئ
ابو محمد : توك تقول اني اني ماستانست
عبد المحسن : لا بس كذا متكدر

ويروح فراس على جنب يكلم عمة سلمان
فراس : اقول عمي وش صار على موضوعي
سلمان : اي موضوع
فراس : الله يهديك يا عمي نسيت
سلمان : اية والله ذكرني
فراس وهو يوطي صوتة : موضوع خطبتي
سلمان وهو يبتسم : اية وش فيها
فراس : يعني يا عمي انا الى الان ماشفتها يعني اقول متى
سلمان: يصير خير الحين ما بقى على رمضان الا اسبوع خلنا نخلي الخطبة برمضان يمكن الله يطرح فيها البركة
فراس : انشالله بس يعني اي يوم
سلمان : انتم استن الين يدخل رمضان بعدين حددو موعد وحنا جاهزين
فراس : انشالله
محمد : وش فيكم تساسرون
فراس : لا سلامتك بس كنت اسولف مع عمي
محمد : اييييية ويغمز لسلمان
يبتسم سلمان ويهز راسة


-----------------------------------------------------------------------------------------------

عند الحريم


حصة تكلم سلمان بالجوال
حصة : وهو وش فية مستعجل تو الناس
سلمان : وش فيك يا بنت الحلال هذي بس خطبة وبعدين هو من متى وهو يقول لي يبي يشوفها والله استحيت منة
حصة : يصير خير ياله تامر على شئ
سلمان : ترا ابوي يقول ان بكرة من فجر الله بنمشي اعملو حسابكم وضفو العفش
حصة : انشالله
وتقفل السماعة حصة وتروح عندالحريم
حصة : ترا خالي يقول بكرة بنمشي
مشاعل: ليش تونا بدري
عهود : لا انا ابي ارجع البيت
نورة : ورانا مقاضي رمضان قرب واحناماشرينا شئ
رنا : يعني وش نسوي
عبير : يعني قومي ساعدينا نجمع الاغراض


---------------------------------------------------------------------------------------------


يوم الجمعة الساعة9لصباح


ابو محمد عند الحريم : ام محمد خلصتو من كا شئ مافية شئ ناسينة
ام محمد : لاانشالله ما نسينا شئ
عبير : خالتي ركبتو القدرو بالسيارة
ام محمد : اية ركبتها رناد
ابو محمد : اجل يالله توكلنا

------------------------------------------------
بعد مرور 4 ايام

بيت سلمان
سلمان وحصة بغرفتهم
سلمان : كلمتيها
حصة : مين
سلمان : مين يعني
حصة : اية طيب قل مين
سلمان : منى قلتيلها
حصة : وش تبيني اقولها
سلمان : وانا وش قايلك يوم انا بالمخيم
حصة : قلت انة قريب انة بيجئ يشوفها بس ماقلت متى بالظبط وش تبيني اقولها
سلمان : انتي قولي لها تعمل حسبهامن الحين هو بيجينا على اول رمضان ورمضان مابقى علية الا اثلاث ايام
حصة : يا حسوفتك يابنتي بتروحين وتخليني
سلمان : اجل تبينها تعنس
حصة : لانشالله فالك ماقبلناة
سلمان : اناادري عنك تقولين يا حسافة بتعرس
حصة : يعني والله مكانها غالي بالبيت ان طلعت بنفقدها
سلمان تونا ماصار شئ خليعا تشوفة بالاول ويشوفها والله يجيب اللي فية الخير
حصة : امين
سلمان : يااله روحي قوليلها الحين
حصة : الحين
سلمان : اجل بكرة وان كلم الرجال قبل الموعد اللي عطيتهياه وش نسوي نعمل حساب من الحين يالله روحي قولي لها ولا يكثر حكيك
حصة : انشالله
ورتروح حصة الصالة كان جالس فيها منى وخالد ومرام ولمى بغرفتها تلكم بنت خالتها سلوى
حصة : السلام عليكم
خالد+ مرام+منى+ : وعليكم السلام
وتجلس حصة جنب منى
حصة : منى
منى :هلا
حصة :الحقيني لغرفتك ابي اكلمك
منى عرفت السالفة من يوم ما قال لها امها تعالي غرفتي وتلحق امها والابتسامة شاقة وجهها
مرام : احلىىىىىىى وش دعوه يمة يعني منى بس تقولين هلا اسرار ترى حتى احنا عيالك
منى : انتي مالك دخل
مرام : على بالك ماادري وش السالفة ترا انا عارفة وساكتة لاتخليني اتكلم
خالد : وشو
مرام : اقول
منى : مرامو انطمي احسن لك
خالد : وش السالفة
حصة : ما عليك منهم امشي بس
منى يالله هذا انا جاية
وتلحق منى امها لغرفتها وتصك الباب وتجلس على السرير
حصة : يابنتي ابوك يو ان حنا بالمخيم كلمني يقول ان فراس مستعجل ويقول متى اشوفها
منى : ........
حصة : وابوك قبل شويقال لي روحي خوذي رايها الاخير قبل الشوفة هاه وش رايك
منى: .......
حصة : يابنتي لاتستحين اناامك اذاما قلتي ن تقولين لة
منى تهز راسها تبتسمها حصة وتروح تحبها علىخدها : الله يكتب اللي فية الخير
منى : يمة هو متى بيجئ
حصة : والله الى الان ماحدد موعد بس يمكن بعد 3 ايام
منى : طيب انا ماعندي شئ البسة
حصة : الحين دالوبك وش كثر ذا الخلاقين اللي فية ولاعندك شئ
منى : يمة هذي كلها ماتصلح
حصة : خلاص بكرة كلمي بنت عمك عهود ورحي انتي ويها
منى : انشالله
وتطلع حصة وتروح منى تاخذ التليفون وتكلم عهود
منى : الووووووووووو
عهود : هلا والله
منى : هلا فيك
عهود : وينك يااخاتي من عقب المخيم ما سمعنا صوتك
منى: وش تبين بصوتي ماعلينا الموهم
عهود : وشو
منى : اخوك
عهود : اية قولي كذا من البداية يعني المكالمة مو لوجة الله كلة عشان فروس
منى : بصراحة اية والله انا متورطة
عهود : ليش
منى : ماعندي لبس حلو البسة وامي تقول انة يمكن يجئ بعد 3ايم وانا ماعندي شئ ابيك تروحين معي السوق بكرة
عهود : افا عليك ماطلبتي شئ بكرة مريني واروح انا وياك السوق
منى : اي سوق نروح
عهود : الفيصلية
منى : لا اناتوني رايحة لة من اسبوع ماعندة شئ البضاعات توهامانزلت
عهود : طيب صحارى
منى : انتي رحتي لة قريب
عهود : لا بس نروح نشوف يمكن فية ملابس حلوة
منى : انا مااحب ادور من سوق لسوق
عهود : نا توني مكلمة صديقتي تقول انها توها راجعة من سوق المملكة
منى : وش تقول
عهود : تقول منزلين بضايع حللللللللللللللللللللللووووووووووة
منى : خلاص انا بكرة امرك ونروح لة
عهود : اي وقت راح تجين
منى :بعد المغرب
عهود :خلاص انتظرك باي
منى : باي

------------------------------------------------------------------------------


اليوم اللي بتروح منى السوق الساعة 6:45عند باب بيت عمها محمد ركبت عهود
عهود : اهلين
منى: هلا والله... راجو روح سوق المملكة
راجو : انشالله ماما
بالسوق
منى : عهود وش رايك بالبلوزة هذي
عهود : اية والله حلوة وتنفع مع التيور اللي عندي البيج
منى : تستهبلين
عهود : ليش
منى : انا بلبسها عند اخوك اكيد شاف التيور وانتي لابستة بيعرف انة من عندك
عهود : لا حرام عليك اخوي مايهتم
منى : والله اقول بس تعالي ندورتيور يناسب مع البلوزة
ولقت منى تيور يناسب مع البلوزة وشرتها وطلعت من المحل
عهود : تعالي نروح مملكة المرأة
منى : ليش بعد
عهود : شوي
منى : لا الله يعافيك ماابي اطلع فوق
عهود :تعالي بس شوي
منى : تا انا قلت لامي ماراح اتاخر
عهود : ياربي طيب تعالي نروح ستار بكس نشرب كوفي على الاقل
منى : طيب يالله امشي
ويدخلون ستار بكس ويطلبون ويجلسون يشربون وسوالف وضحك
منى : يووووووه تاخرنا
عهود : ياله ياله مشينا
منى : يالله تعالي شيلي معاي الاكياس
لما طلعو من ستار بكس كان فية واحد وراهم
.........: هلا والله بالحلوين
منى : وش هذا الي ورانا بعد
عهود : ماادري
......... : انا اسمي نواف وهذا رقمي
والبنات خايفين لدرجة انهم مالفو يشوفونة
منى بدون ماتلف : لو سمحت روح
........ : وش دعوه يالحلو خذ الرقم عشان خاطري ولامالي خاطر عندك يا عيوني
عهود وصلت حدها ولفت علية بتهاوشة يوم طيرت عيونها لما شفاتة
عهود : فيصلوووووووووووووة
فيصل : من انتي
وتلف منى وتشهق : فيصل
عهود : ووالله يا فيصل طلعت مغازلجي
فيصل :صوتك مو غريب لحضة لا تصيرين .........
عهود : والله يا فيصل ان ماعقلت لاعلم ابوي
فيصل :عهوووووووووود
منى : اية وانا بنت عمك
فيصل : توبة والله خلاص ماعاد اعيدها
منى : طيب اذلف من وجهي
ويروح فيصل بسرعة برا السوق
عهود : والله ماادري هاوللد متى بيبطل عن هالحركات وفشلنـــــــــأ قدام الله وخلقة
منى : والله ويعرف يغازل
عهود : امشي بس
وطلعو من السوق وودت منى عهود بيتها واحت بعدين بيتهم

حصة : هاه يا بينت شريتي ملابس
منى : اية خلصت
مرام : وريني بشوف
منى : وش رايك بالبلوزة
مرام : وواااااااااااااااااااااااااو روووووووووووعة من ذوقة
منى : احم احم اكيد ذوقي
مرام : طيب روحي جربيها نشوفها عليك هي والتيور
منى : طيب اطلعو بالبسها
وتطلع حصة ومرام عشان تغير منى وطلعت عليهم باللبس
حصة : مشالله لااله الا الله تبارك الله
مرام : اوف اوف اوف او شئ شئ
منى:اجل حلو اللبس
مرام : يجنن بصراحة يا بخت فراس
كان لبس منى بلوزة عنابية وعليها نقش دقيق بالذهبي وتيور لحد نص الساق كسرات ذهبي وربطة شعر بيح وعليها خطوط ذهبية والجزمة كعب بس مومرة عالي
منى : طيب يمة لاوم اروح الصالون اسوي شعري طبعا شعر منى مرة مجعد
حصة : خلاص بس اذا جاء اليوم اللي بيجون فية روحي الصالون
مرام : عقبالي
حصة : امين انتي ولمى
منى : الا وين لمى بوريها لبسي
مرام :بغرفتها
منى : تعالي نروح ناخذ رايها
مرام : يالله
عند باب غرفت لمى كانت مقفلة الباب
منى تطق على لمى الباب
لمى : مين
منى : افتحي بوريك شئ
لمى : وشو
منى : افتحي وتشوفين
لمى : طيب وشو
منى : انتي بتفتحين ولا اروح
لمى : لا لا بفتح
وتفتح الباب
منى : وش رايك
لمى : يا هووووووووه مرة فخم وين بنات عمانك يجون يتعلمون الكشخة
منى : اجل حلو
لمى : اية مرة فخم شيك
وتروح منى تغيرلبسها
ويجئ اليوم الموعود
سلمان : يا هلا ويا مسهلا
محمد : الله يسلمك
سلمان : تفضلو تفضلو
ويدخل محمد لابس البشت ووراة فراس
ويجلسون بالمجلس و وعمر يصب القهوة وجابو الشاهي وبعدين العصير
فراس : بعد اذنك ياعمي ابي اشوف البنت
سلمان : حقك لحضة روح اناديها لك
عند البنات بالصالة
لمى : وينها منى كل هذا تتزين
ويدخل عليهم سلمان : وين منى
حصة : بغرفتها
وش تسوي بغرفتها روحو نادوها الله الولد يبي شوفها
وتروح مرام تناديها
لمى : يبة كيف شكلة فراس
سلمان : وانتي شو عليك من شكلمة انتي اللي بتعرسين علية ولا ختك
لمى : لا والله يعني شين واذا بغيت اوري صديقاتي صور الزواج وجيت اوريهم المعرس وطلع شين يقلع ابو الفشيلة
سلمان : حصة سكتي بنتك لااجلدها بالعقال
حصة : انتي وش عليك منة حلو حلو بس خلاص اسكتي
مرام تنزل تركض مع الدرج : يماااااااااااااااااااااه
ويوقفون كلهم
سلمان : خي وش فيك
مرام : تعالو منى ماادري وش فيها
حصة : اسم الله على بنتي وشفيها
مرام : تعالو والله ماادري تعالو
--------------------------------------------------------------------------------------

[كايت]

-- البارت السابع --







مرام : تعالو والله ماادري تعالو
وتطلع حصة وسلمان والبنات فوق لما دخلو غرفتها لقوها جالسة على الارض تصيح
حصة تروح عندها تكرض وتحضنها : اسم الله عليك يا بنتي وش فيك
منى : ماابي يمة خلاص ماابي
سلمان : وش اللي ماتبين امشي بس بس يالله الولد طالب يشوفك
وتجلس منى تشاهق : مــ ــ ــ ــا ابي اطــ ـ ـ ـلعو بـ ـ ـ ـراااااااااااااا
حصة : اذكري الله وش اللي ماتبين هذي الحين وهي بس خطبة اجل اذا اعرستي علية وش بتسوين
مرام : انتي انتبهي على الكحل لايسيل ترا والله تروحين بخرايطها
لمى : الكحل يتعوض بس الحين خشمك ورم طلع وش كبرة واحمر وش بيرجعه مثل اول
منى : يمة الله يخليك قولي لة بعدين يجئ ماابي الحين
حصة : اذكري الله .. سلمان قل شئ لاتوقف كذا
ويروح سلمان ويمسك يد منى ويسحبها ومنى تصيح وينزلها الصالة ويوديها عند المغاسل ويقولها : غسلي وجهك يالله
منى : بية الله يخليك ماابي ادخل عندة وان كذا الله يوفقك
حصة : خلاص قلة يجئ يوم ثاني
سلمان : غسلي وجهك
وتروح منى تغسلوجهها وهي تشاهق
مرام : والمكياج
سلمان : ولا كلمة يالله يا منى امشئ معي
منى تخنقها العبر : طيب يبة الله يوفقك بس بروح شوي فوق على الاقل احط كحل
لمى : اية يبة والله ان شافها فراس كذا لا يغير راية
سلمان : طيب يالله روحي بس بسرعه
وتطلع منى فوق ومعها مرام ولمى
حصة: الله يهديك شوي شوي على البنت تراها خايفة ومتوترة وانت تزيد عليها
سلمان : انا ماعندي دلع بنات روحي بس وقولي لها تخلص
حصة: انشالله بس انت روق
بغرفة منى وهي خايفة حدها وتكلم مرام : ياربيييي ومرام وش اسوي والله ان شافني لا يتركني احس ودي اصيح ماابي ماابي
مرام : لا تصيحين بس انتي حطي شئ على ذالعلة خشمك طالع وش كبرة يروع
لمى : تعالي انا اعرف احط كحل زين وتعدل لمى لاختها الكحل وتحط لها روج وردي فاتح والكحل داخل عينها وشدو داخل علينها ذهبي خفيف على جفونها واخر شئ البلاش
مرام : اية كذا وش حلاتك مو مثل تو
لمى : بس خشمك الى الان يروع
منى : لاعاد
مرام : لاعادي ما عليك منها امشئ بس ننزل ترا ابوي واصل حدة
منى : يالله
وتنزل هي واخواتها بالصالة ويمسك ابوها يدها ويدخلها مجلس الرجال
لما دخلت كانت مغمضة عيونها ولا فتحتها لحد ما جلست عمر ودة يضحك بس ماسك نفسة وخالد طلع من المجلس وسلمان جالس جنب بنتة
فراس : كيف الحال يامنى
منى بصوت وااااااطي : الحمدالله
بعدين يسكت شوي ويرجع يتكلم : هذي اخر سنة لك
منى : اية
فراس : اي قسم
منى : جغرافيــــــا
ويجلسون ساكتين مدة وفراس ونفسة يطالع منى بس مستحي هو شافها لما دخلت ويلمحها لما كان يسلها
منى : عن اذنكم
وتطلع



بالصالة اول ما طلعت من مجلس طمرو اخوتها كل وحدة من جهة
مرام : وش صار
لمى : حلو
منى : وانتي وش عليك يا حياتي وتحط ايدها على خصرها هذا خطيبي
لمى : قولي قسم والله توني ادري
منى : اجل اعرفي هذا خطيبي وانشالله قريبا زوجي
لمى : انا اسالك حلو او لا
حصة : وانتي ما يهمك الا اذ كان حلو او لا اسالي عن اخلاقة عن دينة مو عن حلواو لا
منى : الا شوية علية كلمة حلو وش اقول وش اخلي وش طول وش عرض وش جمال ملامح حلوة عيونة ناعسة وصالب ظهرة وجالس يكلمني انا ما شفتة الا بنظرة ويالتني
ما شفتة اول مادخلت كنت مغمضة لما فتحتها اول شئ طاحت عيني علية هو يا ويلي على حالي
مرام : انتبهي بس لاتصكين عمرك بعين
منى : لا وش اصك عمري بعين اسم الله على
لمى : اجل ريحتيني
منى : وانتي ليش شايلة همه اذا حلو او شين
لمى : قلتلكم عشان اذا جيت اوري صديقاتي الصور ما يطلع زوج اختي شين
منى : يا حبيبي ومن قال لك اني بعطيك صورة انا انهبلت ولا بعد ناوية تورينة صديقاتك .. عشان صدق يصكوني بعين






----------------------------------------------------------



بيت محمد
عهود تكلم منى
عهود : هاه بشري انشالله اخوي عجبك
منى : مشالله اخوك وش اقول عنة مشالله الة الا الله الا انتي ليش ما طلعي علية
عهود : يا بعدي انا احلى منة ... الا ما قلت لك اخوي لما رجع صاير مو طبيعي
منى متحمسة : ليش وش قال
عهود : مو عن قال لا يعني اي شئ اطلبة يجيبة وصاير حبووووب كل هذا فرحان
منى : اية ياعمري بياخذ منى ولا يفرح
عهود : يا شين شوفة النفس
منى : من حقي والله
عهود : عاد اسمعي ... مو اذا تزوجتي تنسيي هاه ما اوصيك تلهين مع فروس ولا عاد تذكريني
منى : افا عليك انا انسالك اصلا انا ناوية اعيش معاكم ماابي اسكن ببيت لحالي والله ملل
عهود : ياليت
منى : والله انا ما عني مانع بس اذا كان فروس عندة راي ثاني
منى : الحين تونا ما صار شئ بس خطبة خلية تتم الملكة وبعدين اتشرط يا عمري



يوم الخميس الكل مجتمع عند سلمان

حصة: مرام مرام
مرام كانت جالسة تكلم هيفاء لما سمعت امها : هلا يمة
حصة : تعالي ساعدهن9محط0خكحخم9حخ0خهنعتيني
مرام : انشاالله الحين بجئ
هيفاء : تبون اجئ اساعدكم
مرام : اية تعالي وين رنا خليها تجئ تساعدنا هي بعد مو بس هي تبلع وحنا نخدمها
هيفاء : ماادري يمكن جالسة برا مع الحريم
مرام : اجل امشي بس نروح المطبخ نساعد الماما
ويتروح مرام وهيفاء يساعدون حصة وحصة كارفتهم كرف بس اوامر ودو الشاهي وين الفطاير ... وهيفاء ملت بس مستحية تطلع وخليهم
مرام : هيفاء ما قلت لك
هيفاء : لا وشو
مرام : شفتي صديقتي رندة
هيفاء : اللي يوم اجيك الشهر اللي فات كانت عندكم
مرام : ايووووووووة
هيفاء : اية وش فيها
مرام : اختها بتتزوج
هيفاء : لاعاد متى
مرام : بعد اسبوع وانا مبتلشة ماادري وش البس عندي فستانين ومحتارة اي واحد البس
هيفاء : تعالي نروح فوق اشوف الفساتين اقولك وش تلبسين
مرام : يالله امشي
وتطلع هيفاء ومرام يشوفون الفساتين
بغرفة مرام
مرام : هذي هي
الفستان الاول كان لونة اسود ودلعة مع الصدر مرة كبيرة.. وضيق مع الخصر لحد اخر الفخوذ.. بعدين منفوش وعلى اخر خصرها من جنب في فيونكة كبيرة لونها فوشي..
والفستان الثاني كان لونة احمر قصير وعلية شرايط ستان بالطول وفوقة جكيت فرو ابيض... وطبعا اذا لبستة مرام يطلع يجنن عليها لانها بيضاء والاحمر ..عليها يخليها كانها سنوايت
هيفاء : الاسود يجنن
مرام : عاد انا احس ان الاحمر بيكون احلى
هيفاء : لا لا البسي الاسود فخم مرررررررة وبعدين يخليك طويلة الاحمر راح يقصرك
مرام : والله حيرتيني
هيفاء : روحي نادي رنا عشان تقول هي ذوقها حلو
مرام : طيب انتي البي الاسود ابي اشوفة عليك وانا بنزل اناديها
وتنزل مرام تنادي رنا
وتجلس هيفاء تلبس الفستان ونست تقفل الباب
كان عمر يطلع مع الدرج بيوح غرفتة يجيب شريط لمحمد عبدة يبي يعطية واحد من ربعة ويدخل غرفتة يدو الشريط وما لقاة وتذكر ان مرام قد طلبتة منة
وراح غرفتة مرام يجيب الشريط وكانت هيفاء تصك سحاب الفستان ..
لما فتح الباب ...
لقى هالملاك قدامة تنح الولد وهيفاء انعقد لسانها وموقادة تقول ولا كلمة وجلسو دقيقة وكل واحد يطالع بالثاني
عمر بنفسة يا ربية وش هذي هذي من البشر ...
هيفاء مو مصدقة ياللي قاعدة تشوفة : .....
عمر : انا اسف بس كنت ابي ...
هيفاء : .....
ويطلع عم ويصك الباب وراه وهيفاء الى الان مو مستوعبة ياللي صار وتكلم نفسها يالله انا ليش ما سكرت الباب الحين اكيد كان يقول وش ذا الخايسة هي وذا الخلاقين
ياللي عليها .. يا ربييييييييية انا ليش حظي كذا ليش ما قفلت الباب ليش وتجلس على السرير وتكلم نفسها والله انة موشين ما الو رنا يوم انها حبتة ..
وتتنهد .. والله عيونة تذبح تذبح وكيف كان يطالعني.. بعدين تصحى من ياللي كانت تفكر فية وتكلم نفسها وانا وش علي منة هو بعد ليش ما ضرب الباب قبل لا يخل
وتهز راسها وتبعد هالافكار من عقلها
وينفتح الباب وتلفت ولا مرام ورنا داخلين عليها ومرام تبتسم
مرام : الله الله وش هالحلا
تبتسم لها هيفاء : ماعليك قاصر
رنا : لا والله الفستان هذا خطيير ما عليك يا مرام البسي هذا
مرام : انتي تعالي بس شوفي الفستان الثاني
وتروح رنا ومرام غرفة الغيار وهيفاء جالسة تفكر بعمر .. يالله قد ايش عيونة حالمة ونظرتة حنونة آآآآه ..
رنا : هاه وش رايك
وتنتبة هيفاء ان رنا كانت تكلمها
رنا كانت لابسة الفستان الاحمر وطالع عليها جنان لانها طويلة وشايلة اللبس فطالع لابق عليها
هيفاء : اوف اوف شكلة يهبل
رنا : بس والله الاسود احلى
مرام : ترا صديقتي عازمتكم
رنا : لاعاد الا الزواج باي قاعة
مرام : بالفهد كراون
رنا : اجل خلاص انا بروح
مرام : وانتي يا هيفاء
هيفاء : هاه وشو
مرام : وشو هاه وين سرحانة من اللي ماخذ عقلك هاه اعترفي
تبتسم هيفاء : لا بس كنت افكر بلبس العيد متى راح اشترية
مرام : وش قلتي بتروحين زواج اختك صديقتي تراها عازمتك
هيفاء : والله نفسي بس ماعندي فستان كل فساتيني قديمة
مرام : افا عليك يابنت عمي فساتيني كلها لك اي فستان عندي حلالك
هيفاء : مدام كذا ترا بكرة سواقنا راح يجي ومعاه شنط ابيك تعابينها من فساتينك
مرام : هذي اللي ماصدقت خبر .. اقول اها بس البسي الفستان ياللي عليك مرة لايق عليك
هيفاء : خلاص اجل الاسبوع الجاي راح امر على رنا ونمرك ونروح الصالون نسوي المكياج والشعر
مرام : خلاص انتي روحي غيري الفستان وانزلي وانا راح احطة لك بكيسة اذا جيتو تروحون اح اعطيكياه
رنا : يالله انا بروح اغير
مرام : انتي وش بتلبسين يا رنا
رنا وهي تدور بالفستان : وش اح البس يعني راح البس الفستان اللي لابسة
مرام : لا وش تلبسينة انتي بعد هذا انا اللي بلبسة
رنا بتدلع : مالي شغل انا راح البس الاحمر
مرام : اية تلبسينة اذا حجت البقرة على قرونها روحي غيرية بس لا يتوسخ
رنا : الا وش رايك بالفستان اللي عندي
هيفاء : اي واحد
رنا : التايقر ياللي فية فتحة من الظهر كبيرة
مرام : اية هذا روعه عليك صاير جسمك ملكان
رنا : خلاص اجل بلبسة
هيفاء : طيب انا وين اغير
مرام : انتي غيري بالغرفة ورنا بغرفة الغيار انا بطلع
وتطلع مرام وتروح رنا غرفة الغيار وهيفاء بالغرفة وتتاكد ان الباب مقفل وتغير ملابسها وتنزل عندالحريم

بالساحة اللي برا كانو الحريم فارشين على الارض وجالسين والجو كان مرة حلو هواء
ويجون مرام ورنا وهيفاء ويجلسون
رناد : يمة ترا جاني النوم متى نرجع
حصة : وش ترجعون لا تونا ماحطينا العشى وان كان فيك النوم روحي غرفة منى ونامي فيها
رناد : لا خلاص بستنى العشى
عهود : الله من الشفاحة
رناد : اية ياعمري الزم ماعلي بطني
ام محمد : ترا الخميس الجاي فطوركم عندي
رنا : لا االخميس احنا عندنا زواج
عبير : من زواجة
رنا : اخت صديقة مرام
مشاعل : وانا ماانعزمت
مرام : لا انتي ماتعرفك بس تعرف رنا وهيفاء
رهف : مالت الحين صار الكبا ما ينعزمون والمبزرة يطامرون بالعروس
مرام : هيه انتي وش مبزرتة بعد
حصة : اية تراكم بزران مابعد كبرتو
مرام : حلو زين انها جت منك اجل لاعاد تقولين لي تعالي اطبخي صرتي حرمة ولاتعرفين تسوين فنجان قهوة .. ولا ماراح اتغطى انا توني بزر
حصة : يمة منك ما صدقتي خبر قلت انك بزلا مسكتيها حجة .. لا انا قصدي بزر على العروس والمطامر ولا على الطبخ والنفخ مافية اعامر انا يوم كنا كبركم
مامن طبخة الا وعارفينه
هيفاء : الا مرام
مرام : هلا
هيفاء : ولمى ماعزمتها صديقتك
مرام : الا بس ماتبي تروح
هيفاء : ليش
مرام : والله ماادري عنها


----------------------------------------------------------------


عند الرجال

عبدالمحسن : يبة انا بطلع تبي شئ
سلطان : لا سلامتك
سلمان : لا وش يطلعك تونا ماحطين العشى
عبد المحسن: لا بس بروح واحد من الربع سيارتة مبنشرة وبروح اشوف وش فيها
سلمان : اجل رح بس عود لاتاخر
عبد المحسن : انشالله يالله تامروني على شئ
سلمان : لا ابد بس رح شف خويك
ويطلع عبدالمحسن بالطريق
عبد المحسن : مساعد وينك
مساعد : انا عند .... ويجلس يوصف لة المكان
لحد ماوصل عبدالمحسن عند مساعد
عبد المحسن : وش فيها السيارة
مساعد : والله مادري امش زينها معي
عبد المحسن : كلم على عادل قلة يجئ يشوف وش فيها انا مااعرف لسيارات
ويكلم عبد المحسن عى عادل
عبد المحسن : عدول هلا بو الشباب
عادل : هلا وش عندك يالاخو
عبد المحسن :والله من يومك ماتعرف ترحب بالخلق تعال بس شف سيارة مساعد ماادي وش بلاها
ويروح عبد المحسن ويوصف لة المكان عادل لما وصل عادل للمكان وصلحو السيار
عبدالمحسن : عاد تعالو انا عازمكم ببيت عمي
مساعد: لا انا مااقدر امي كل دقيقة مكلمتني وتسالني وينك وانا ماقلت لها اني سيارتي خربت برجع اطمنها واتعشى ببيتنا
عبدالمحسن : وانت عدول مالك عذر امش
عادل : اية والله ودي بس ...
عبدالمحسن : عن التبسبس تعال معي وسلم على عماني وتعرف عليهم وتعشى ورح بيتكم
عادل : يالله
ويروح عاد وعبدالمحسن لبيت سلمان
ابو محمد : هلاااااااااااا والله بصديق محسن
عادل : هلا ابو محمد ويسلم علية وعلى البقية
بندر يكلم عادل : هلا والله بعدول
عادل: هلا فيك
بندر : والله على كثر ما يتكلم فيك محسن ماقد شفتك
عادل : وش يقول عني لا يكون يحش
بندر : والله هو فية حش بس موم رة يعني يمشي الحال
عادل : وشو يمشي الحال انا اوريم يا محيسن
بندر : هههههه ما عليك منة
سلمان : اقلطو اقلطو على العشاء حياكم البيت بيتكم
ويروحون الرجال يتعشون بس باقي عادل وعبدالمحسن
عبدالمحسن : عادل امش تعشى
عادل : اية بس وين جوالي انا كنت حاطة عى الكنبة
عبدالمحسن : يمكنة مع بندر تعال اسألة
عادل : يلا امش
عبدالمحسن : بندر طلعت حرامي على اخر الزمن
بندر : افا ياذا العلم انا حرامي
عبدالمحسن : اجل وين جوال عادل
عادل : طلعة طلعة لا ادفنك وانت تعشى
بندر : هههههههههه اية جولك على الدولاب اللي فية التلفزيون
عادل : اي دلاوب
عبدالمحسن : اللي بالمجلس اللي تو احنا فية امش تعشى وبعدين رح خذة


------------------------------------------------------------------------------------------------------------



عند البنات
مرام : رنا شغلي التلفزيون الحين باب الحارة جت
رنا : طيب طيب ..
مرام : وش فيك شغلية
رنا : لحضة ادور الريموت
مشاعل : وينة الريموت
مرام : اكييييييييييييييد عمر اخذة وحطة عند مجلس الرجال ليش ان الريموت هذا يصلح مع الرسيفر اللي بمجلس الرجال
رنا : طيب ليش ياخذة وين ريموت الرسيفر حق الرجال
مشاعل وهي تقوم تبي تروح لمجلس الرجال : ياعمري هو كل يوم نلقاة لة ويضبعة ويروح ياخذ ريموتنا
رنا : وين بتروحين
مشاعل : يروح اجيب الريموت
مرام : خبلة هناك فية الرجال
مشاعل : لا الرجال دخلو على العشاء
وراحت المجلس لما دخلت تدور الروموت مولاقيتة


---------------------------------------------------------------------

عند الرجال

عادل : الله يكثرخيركم ما قصرتو
سلمان : هذي الساعة المبارك اللي شفناك فيها الله يحيك
عادل يكلم عبدالمحسن : انا الحين بروح تعال سوي لي درببروح اجيب جوالي
عبدالمحسن : ياذا الجوال اللي بيذبحك اقعد محد سارقة ولا هوب لة جنحان طير
عادل : يااخي اخاف احد مكلم علي
عبدالمحسن : طيب يالله هذا انا قمت .. ويروح عبد المحسن عندالمغاسل ويكلم عادل رح المجلس وانا بلحقك
عادل : طيب
ويروح عادل المجلس
عند مشاعل
: وينة ذا الريموت بعدين شافت جوال عاد تكلم نفسها من هذا جوالة محد من عيال عماني عندهم هالجولات وتاخذ الجوال توها بتفتحة ولا عادل يدخل المجلس
مشاعل : اسم الله من انت
عادل : ليش ماخذة جوالي
مشاعل : وانا اقول من هذا جوالة محد من عيالعمان عندة جوال مثل هذا .. من انت
عادل : اشوف جازت لك القعدة
مشاعل استحت على وجهها : طيب بعد عن طريقي بطلع
ويروح عادل اخر المجلس ويقولها : اية اطلعي بس لاتاخذين جوالي
مشاعل وهي تطلع : من حلاة جوالك
توها طالعة يدخل عبدالمحسن
عبدلمحسن : وش فيك
عادل : لا ولا شئ انا بروح الحين تامر على شئ
عبد المحسن : لا سلامتك ويصلة عندالباب



------------------------------------------------------------

عندالبنات لما دخلت مشاعل

مرام : وين الريموت
مشاعل : فااااااااااااااااااااتك
البنات كلهم : وشو
مشاعل : تو وانا بالمجلس ادور الريموت شفت جوال لما اخذتة بشوف لمين دخل علي واحد
رناد : مهنو
مشاعل : يهببببببببببببببببببببببببببببببببببل
مرام : لاعاد ياليتني انا اللي رايحة ادور الريموت
مشاعل : اسمعي بس
رنا : اية كملي
مشاعل : يوم شافني قال ليش ماخذة جوالي
مرام : احلف ... المفروض قلتي لة انت ليش رامي جوالك ورايح
مشاعل : اية صح ياليتني قلت لة كذا
رهف : ماعليك كملي بعدين
مشاعل : ولا شئ تهاوشت انا وياه ... يوم قالي اشوف جازت لك القعدة
هيفاء : والله قليل الادب يوم شبع منك قال جازت لك القعدة
رهف : لو اني مكانك كان جلست اصارخ وجمعت علية امة لا الة الا الله
مشاعل : لا والله منهم امة لا اله الا الله ما فية الا عمانك اذا تجمعو علي .. اول شئ بيسونة بيذبحون الولد وهو ماسوى شئ
وعاد استلمي الاسئلة والتحقيقات بعدين .. وش مدخلك مجلس الرجال .. ووش سوى لك وانتي وش سويتي ... وانا وش يفكني منهم
هيفاء : وانتي وش موديك للمجلس
مشاعل : بجيب الريموت
مرام : اية صح المسلسة لا يكون خلصت
مشاعل : اية شغلي التلفزيون بلا يموت بلا هم


بسيارة عادل جالس يحوس بجوال ويكلم نفسة لا يكون اخذت شئ من جوالي انا غبي ليش اخلية
المفروض اخذتة وما تكتة ولا عطيتة بندر من الاول ... اف

--------------------------------------------------------

[كايت]

وين الردود :o :o

[كايت]

-- البارت الثامن --







بسيارة عادل جالس يحوس بجوال ويكلم نفسة لا يكون اخذت شئ من جوالي انا غبي ليش اخلية
المفروض اخذتة وما تركتة ولا عطيتة بندر من الاول ... اف ... كان عادل خايف ان احد يكون فتش جوالة ...او وحدة من صديقاتة ياللي ما ينعدون تكلم علية طبعا عبدالمحسن
كان يحب عادل مرة لكن اللي كان يضايقة انة لة علاقات فما يدخل فية ولا يقولة شئ بس زيادة على ان عادل كان يجيبهم معة لشقة هذاالشئ اللي ما كان يعرف عنة احد من اصدقائة
يعني فاكر ان بنات الناس لعبة بايدنة يلعب عليهم ويسمعهم كلام معسول وبالنهاية يقول لها يطلعون سوا عشان تشوفة ويشوفها طبعا هي المسكينة مصدقة انة طلب منها كذا عشان يجئ يخطبها بعدها لكن هو ما يقصر

يلعب عليها بالكلام لحد ما يوصل الشقة ويقولها ان هذا بيت المستقبل
اذا دخلت عاد ما فية مفر منة ..........................................

بعد العزيمة
كانت هيفاء ورنا نايمي ن عند مرام
وبغرفة مرام وطبعا لمى مو معاهم
مرام : اقول انتم تراكم سويتو لي قلق ابي انام
هيفاء: قومي الله يخليك شوي سولفي معنا لاتصيرين عجوز تنامين بدري
مرام : وش بدري انتي بعد الساعة وحدة ونص وانتي تقولين بدري
رنا : اية والله ترا حتى انا ابي انام .. كانو البنات لابسين البيجامات حقت مرام .. هيفاء كان لونها نيلي سلك وكانت رافعة شعرها بشباصة بيضا وخصلات نازلة على وجهها الدائري وكانت لابسة شبشب فرو ابيض
اما رنا فكانت لابسة قميص لونة رصاصي وعلية رسمت دباديب فطالع نعوووووومي عليها ومرام ماعندها وقت تغير نامت بملابس العزيمة
هيفاء : والله انكم سخيفات
مرام : هيفوة ا ب ي ا ن ا م
هيفاء : خلاص خلاص نامي .. وانتي يا رنا لاتقولين مثلها
رنا : هيفاء الله يخليك ترا ازعجتيني اسكتي
مرام : شوفي خوذي لابتوبي واجلسي على النت
هيفاء : وينة
وتقوم مرام وتفتح الدلاوب وتعطية هيفاء .. شغلتة هيفاء والباقين نامو لما جت الساعة 3 وجاعت تبي تاكل وخصوصا انها ماراحت تتعشى مع الحريم بالعزيمة
قامت تفكر انزل ولا يعني لو نزلت من بيكون صاحي بعد العزيمة وتذكرة موقفها اليوم مع عمر وعضت على شفايفها آآآه يقلع ابو الفشيلة يا ليت هذيك اللحضة لو ان الارض انشقت وابلعتني ولا صار اللي صار
...طيب انا الحين بطني بدا يطلع اصوات تنبية يعني جوعاااااااااانة يا ربية ماابي انزل واقابل احد قدامي وجلست تفكر تنزل او لا بالنهاية قالت يالله انزل واللي فيها فيها
ونرلت من الدرج شوي شوي لحد ما وصلت المطبخ حمدت ربها ان محد صاحي
وجلست تدور عشا اللي حطوة بالعزيمة ما لقته ... يوووووووه لا يكون كبوة مالي الا ساندويش جبن وعصير وجلست تحشي لها
وسمعت صوت ينزل مع الدرج .. وقفت نبضات قلبها وبلعت ريقها لا يكون هو يا ربي يا ربي ما يدخل المطبخ ياربي ياربي
وتسمع الصوت يقرب وهي تصب عرق خلاص ماعاد تقدر
وينفتح باب المطبخ
........: هيفاء
لما لفت هيفاء لقت : منى ما نمتي لحد الحين
منى : لا ما فيني نوم .. الا انتي ليش مانمتي لحد الحين
هيفاء : لا بس مثلك ما جاني نوم
انتبهت منى ان هيفاء فيها شئ كان احد صاب عليها موية بارد
: هيفاء وش فيك
: ما فيني شئ
: وش اللي ما فيك شئ وجهك صاير الوان وتنتفضين قولي وش فيك
: لا ولا شئ
ما حبت منى انها تتلقف وتعرف وش فيها فتركتها على راحتها جلست منى وهيفاء على الطاولة وقامويسولفون لحد مااذن الفجر
منى قامت تتثاوب :يالله عاد بروح اصلي وانام تصبحين على خير
: الصباح طلع وانتي تقولين تصبيحن على خير
منى : ماعلينا انتي بس صلي ونامي لاتسهرين ترا ابوي اذا جت الساعة 10 الكل يقوم واللي ما يقوم يا ويلة
هيفاء : توك تقولين لي
منى : يالله سلام .. قامت منى لغرفتها وهيفاء جلست تغسل المواعين ياللي استعملتها
لما خلصت اخذ لها كاس موية وطلعت الدرج وهي تطلع الدرج كل ماطلعت درجة ينكب شوي موية لما وصلت اخر درجة زقلت بالموية وتطيح مع الدرج لحد اخر درجة والكاس انكسر
طبعا الكل نايم لحد الحين.. منى ونامت ما عندها احد بس صوت الكاس كان عالي صحت لمى وطلعت من الغرفة تشوف وش صاير
لقت هيفاء عند اخر درجة قامت تضحك عليها لمى بنفسها وتكلم عمرها وش فيها ذي وراها تون ون
لما رفعت راسها هيفاء شافت لمى
هيفاء : لمى الحيقيني يمااااااااه .. طبعا يصوت واطي عشان ما تصحي احد كفاية الكاس ياللي انكسر
نرلت لمى ووقف عند هيفاء وسالتها برود : وش فيك
هيفاء : رجلي رجلي يا لمى طحت مع الدرج ماادري الظاهر انها انكسرت
لمى : وانتي ليش ماانتبهتي
هيفاء : لاتحاسبيني الحين بدل ماانتي واقفة تعالي ساعديني ولا روحي صحي مرام ورنا
كان عمر توة صاحي من النوم بيروح يصلي الفجر لما طلع من غرفتة سمع الصوت اللي تحت
يوم نزل شاف هيفاء على الارض تبكي ولمى واقفة عندها بكل برودوحاطة ايدها على خصرها وتكلمها عمر هينا انجن اكيد لمى سوت لها شئ وينزل وهو ومعصصصصصصصصب
لما شافتة هيفاء ما عرفت ايش تسوي تغطي وجهها تصيح ؟؟ لمى استغربت من هيفاء وش فيها هذي سكتت يوم لفت شافت اخوها واقف وراها وشرر يطير من عيونة
مسك لمى مع ايدها بقوة وسحبها
لمى : هيه انت عورتني فك ايدي
عمر : انتي يبيلك تتشهدين على عمرك
لمى : ليش
عمر : وش مسوية بهيفاء
لمى : ما سويت فيها شئ انا كنت نايمة لما سمعت صوت صحيت ولقيت هيفاء على الدرج تبكي
لف عمر على هيفاء وقال لها صحيح هذا الكلام ... لمى زعلت من حركة اخوها وراحت غرفتها وخلت هيفاء من عمر
هيفاء بهذي اللحضة ماتعرف ايش تسوي يعني ولا عباية ولا شئ جاها عمر و جلس على الارض جنبها والدنيا مو شايلتة من الفرحة يعني الحين قلبة حياتةعمرة جالسة جنبة الحين هالوقت هذا
وهي مطيرة عيونها وتقول بنفسها ياربية وش هذا اللي انا فية ي ربي يصير حلم
عمر : وش فيك
هيفاء خلاص ما قدرت تتحمل جلست تبكي
عمر :هيفاء لاتبكين يادنيتي دموعك غالية علي
هيفاء مو مصدقة اللي يصير والكلام اللي تسمعة: ابغي امي
عمر : لاتخافين يا بنت العم ماراح يصير لك الاالخير ........ بعدين سالها وش فيك
ولا ردت علية
طلع فوق وجلس يضرب على باب غرفة مرام فتحت له مرام وهي نصها نوم
عمر : جيبي عبايتك وعباية هيفاء وانزلي تحت
مرام طلعت عيونها وش يبي بعبايتي وعباية هيفاء وين بيوديني هذا
عمر : وش فيك تحركي بنت عمك تحت مكسورة وانتي جالسة تبحلقين فيني
مرام : وش فيها هيفا
عمر : مادري الظاهر ان رجلها مكسورة جيبي عبايتك وامشي ولا تصحين لا امي ولا ابوي
مرام : طيب طيب انشالله وتروح بسرعة تجيب عبايتها لما جت تطلع من الغرفة قالت اصحي رنا ...ولا وشولة اخوفها يالله بس
ونزلت مع الدرج لما شافت هيفاء راحت تركض لها وتلمها وهي تبكي
مرام : وش فيك
هيفاء : رجلي يا مرام تعورني طحت عليها
مرام :اسم الله عليك يالله قومي البسي عبايتك
هيفاء : وين
مرام : وين يعني المستشفى
هيفاء : لامايحتاج
مرام : قومي بس وش اللي ما يحتاج يالله عمر يستنى بالسيارة
وتلبس هيفاء العباية وتتسند على مرام ويطلعون


------------------------------------------------------------------------------
بشغل سلطان


كان سلطان جالس على المكتب سرحان وولدة ان يخلص اوراق لما انتبة لابوة
سالة : وش فيك يبة
ولا رد علية وجلس سرحان
بندر : يبة
سلطان انتبة : نعم
بندر : وين وصلت
سلطان : لا ابد سلامتك بس كنت افكر بموضوع شاغلني هاليومين
بندر : خير انشالله
سلطان : لاخير .. واحد متقدم لاختك رهف
تغير وجة بندر وعقد حواجبة
سلطان : وش فيك ورا اول ماقلت لك اختبصت
بندر : يبة الرجال هذا ما راح تتزوجة رهف
سلطان : ليش لايكون سامع عنة شئ .. بعدين انت تعرفة اصلا
بندر : لا ما سمعت عنة ولا اعرفة بس يبة انا صديقي خاطب اختي من سنة وانا واعدة ان اذا تحسن امورة المادية بزوجة رهف والحمدالله تحسن وتوة مكلمني من اسبوعين يطلب يدها مني
عصب سلطان : كيف توعد رجال انك تزوجة اختك انت مااخذت راي ... ولاحسبت لي حساب وانا وين رحت موتني وانا حي
بندر : والله يبة صراحة الدعوة كان ت كلها بدون حساب عني كنت جالس انا وياه وماادري وش جاب طارئ رهف وقلت لة انت بس توضف وازوجك اختي وهو ماصدق جت من الله
سكت سلطان بعدين قال : وش اسمة ...... ووين يشتغل
بندر : هو اسمة عبدالله آلـــ... بالقطاع الخاص
سكت سلطان بعدين قال : طيب كيف اخلاقة
استانس بندر لان ابوة ماعارض وجلس يمدح فية
سلطان: اجل الله يتمم اللي فية الخير كلم على خويك وقلة انا موافقين
ويروح بندر يحب عل راس ابوة ويقول : الله يطول بعمرك

الساعة 10 صباحا

ببيت سلمان وبغرفة مرام بالتحديد كان مرام وهيفاء جالسين يسولفون وهيفاء تقول لمرام وش صار لها لماطاحت ومرام ميتة ضحك
هيفاء : اية اية اضحكي جعل ربي يبلاك مثل مابلاني
مرام : هههه والله فيها خير لمى ههههه
هيفاء : اما اخوك هذا شايل الكلفة جالس جنبي
وترجع مرام تضحك
: يااختي من يحصل من يجلس عمر جنبة هو يالله يجلس جنب امي يعني احمدي ربك انة جلس جنبك ههههه
استحت هيفاء وحمرت خدودها .. وانزعجت رنا من ضحهم
وقامت تهاوش
: انتم ليش ماتنطمون تراكم ازعجتوني
مرام : قومي قومي الله يستر عليك وغطي هالعصاقيل هههههه
رنا بما ان عليها قميص فارتفع القميص وطلع العفش كلة .. قامت بسرعة وتنز قميصها ومرام وهيفاء ماتو ضحك عليها
رنا : والله قليلات ادب
هيفاء : ههههه لاتاركين الادب لك
انتبهت رنا للجبس اللي على رجل هيفاء ... وشهقت
مرام : يمة وش فيك... شرقتي ؟؟
رنا : هيفاااااااااا
هيفاء : نعم
: وش فيهارجلك
:وش فيها يعني مكسورة
: من كسرها
مرام : محد كسرها بس الاخت زلقت مع الدرج وطاحت وانكسرة رجلها
رنا : ليش ما صحيتوني
مرام : قلت ماازعجك ورحت انا وهيفاء وعمر
رنا : عمر
مرام : اية عمر وش فيك مستغربة
رنا ارتبكت : وش يسوي عمر معاكم .. قامت ترقع
مرام : هو اللي كان صاحي وقتها
هيفاء ندمت ليش انها تفكر بعمر واعز صديقاتها تموت علية حست انها تخونها بس وش تسوي مو من نفسها .. قالت بنفسها والله مو من نفسي مو بكيفي


الساعة 3العصر ببيت سلطان


بندر كان يدور عبدالمحسن سال الشغالة قالت انة نايم فوق بغرفتة
وطلع غرفتة عبدالمحسن ودخل وفتح اللمبات : محسن محسن
: نعااااااااااام وش تبي
: قوم ابي اكلمك
: يااخي والله انك فاضي اطلع ابي انام
: قوم الساعة 3 وانت نايم قوم ابي اكلمك بموضوع
ويقوم عبدالمحسن ويروح الحمام ويغسل وجهة ويصلي الظهر
بندر : مشالله توك تصليها الحين بياذن العصر
: اخلص وش عندك
بندر : ابي اكلمك بموضوع صديقك
: اي واحد
: اللي امس جبتاه بيت عمي
: عادل
: اية عادل انا كم مرة قلت لك لاعاد تخاوي هذا الولد ترا بالاخير راح يخربك......... انا امس ماحبيت اقولة شئ عشان ماافشلك عندة بالعكس كنت معاه مرة تمام صح ولا لا
:صح....
:اجل خلاص من اليوم ورايح لاعاد اشوفك تخاوي هالولد
: يالله انت الحين وش حارق رزك
: محسن تكلم زين معاي
: وانا وش قلت يااخي صديقي وانا حر
: شوف ترا ابوي ما يعرف عن حركاتة وفضايحة اللي ماتخلص لاتخليني اقول لابوي عنة عشان يغسل شراعك
: وش تقول لابوي
: اقولة عن رفقة السوء اللي تمشئ معاهم
: الحين كل اخوياي صارو رفقة سوء طيب خلاص بتركة تبي شئ ثاني
: اية
: وشو بعد
: اختي رهف
: وش فيها
: هي ماتسمع الا لكلامك
: طيب بعدين
: واحد من اخوياي خاطبها وانا واعدة اني ازوجها
: انت صاحي توةج اختك بدون ماتاخذ رايها
: هذا اللي ناقص على اخر االزمن النسوان تمشي رايها على الرجال
: انت ماادري متى تنفتح وتترك هذي لحركات اللي ماال ابوها داعي
:ماعلينا
: طيب انا وش المطلوب مني
: ابيك تكلمها وتقنعها
: شوف انا ماابي اتحمل مسؤلية اختي وازوجها واحد ما يستاهل بعدين انا اخذ ذنبها
: انتم وش فيكم على الولد هذا صديقي وانا عرفة بعدين ابوي موافق بس اخاف انها اذا رفضت ابوي يغير رايها ويزوجها واحد من عيال عماني تعرف ابوك وحركاتة ما على لسانة الا كلمة (البنت لولد عمها)
: خلاص طيب انا بقولها ...... بعدين لاتخاف ابوي اذا عطا كلمة ما يغيرها
: ولا تنسى سالفة عادل
: خلاص طيب
طلع بندرمن عند محسن

ببيت ابو محمد
حمد :رناد غيري ذا القناة
رناد :لا انا استنى مسلسلة بعد شوي بتجئ
حمد : اذا جت رجعيها
رناد : الحين بتجئ
حمد : طيب لفي على القنوات شوي
رناد : انت وش فيك كذا... بعدين مو من عادتك يوم الجمعة تقعد بالبيت
حمد:ياختي الناس صيام محد يطلع الحين
رناد : والله البلشة لايكون كل جمعة بتقعد بالبيت
حمد: وانا قاعد فوق راسك قاعد ببيت اوبوي وش رايك تطريني بعد
: لو يحصل لي ما خليتك بالبيت ولا دقيقة
: اهاا بس لاتغيرين الموضوع يالله لفي على القنوات
يرن التليفون ويركضون رناد وحمد علية وترفع رناد السماعة ويسحبة منها حمد وطقاق رناد تصارخ وهو يقول فكية الله يفشلك
تجئ ام محمد تهاوشهم وتاخذ السماعة
ام محمد : الو
: االسلام
ام محمد مستغربة من الصوت غريب عليها: وعليكم السلام
: كيف الحال انشالله بخير
ام محمد : بخير الحمد الله الا من انتي
: انا لطيفة ام سعود
ام محمد : اية .. هلا وغلا كيفكم عساكم بخير
ام سعود: الحمدالله بخير
ورناد وحمد واقفين يتسمعون لامهم
وبعد شوي يستبشر وجة ام محمد وتقول هذي الساعة المباركة انا انشالله بقول لابوها وبنرد عليكم ورناد وحمد بناظرون بعد وما يدرون وش السالفة
ام محمد : يالله مع السلامة
وتقفل السماعة
رناد : مين يمة
ام محمد ابتسمت بعدين قالت لبنتها : ابشري برزقك يا بنتي جايك عريس
رناد:وشو
حمد : احلىىىىىىى والله وتنخطبين
رناد: يمة سمعت طقاقنا ان وحميد
حمد : هيه وش حميدة انتي بعد
رناد : انت انطم الحين الناس وش بيقولون عنا تلقاها بتغير رايها
حمد : اصلا هم اذا شافوك بيغيرون رايهم ما فية كلام
وتضرب رناد حمد على كتفة : ترا اذا ماعقلت ماعاد فية واسطات هاه
حمد : توبة خلاص والله توبة
ام محمد : وش واسطاتة انتم بعد
رناد : لا ابد سلامتك موضوع بيني وبين حمد
ام محمد : والله ماادري عنكم انتم يالله بس بروح اكلم على ابوكم
رناد : اية يمة وانا عني موافقة
حمد : آآآآآآاه الله يرحم ايام زمان اول البنت اذا جابو لها طاري العرس تركض على غرفتها ولا عاد تطلع منها اما الحين الله يخلف
رناد : حميد ترا ا ا ا اقووووول
حمد : لاخلاص لاتقولين... تزوجية عليك بالعافية
رناد : اية صح منهو اللي خاطبني يمة
ويطح حمد من الضحك : هههههههههه مالت الحين تقولين موافقة وماتدرين من اللي خاطبك
رناد : هاها يا ثقل دمك
ام محمد : سعود ولد ام سعود
رناد : كيف شكلة
حمد : لايفوتك ترا لقطة احمدي ربك ليل ونهار
...................



بالاسترحة عند الشباب

عبدالمحسن: لا يااخي من قال
عادل : الا انا متاكد
عبدالمحسن : والله ماادري بس اللي اعرفة ان الدعيع مااعتزل
عادل : اقولك انا متاكد
فهد : ياشيخ الدعيع مااعتزل وش فيكم انتم
ويرن جوال عبدالمحسن ( مشاعل يتصل بك )
ويطلع يكلمها برا ويلحقة عادل
محسن : الو
مشاعل : حسون
محسن : حسون بعينك خير وش عندك
مشاعل : طيب شوي شوي لاتطقني
محسن : اخلصي وش تبين
مشاعل : امي تقول رح جيب رنا من بيت عمي سلمان
محسن : ونا سواق عندكم
مشاعل : انا مالي دخل
فجاءة ينقطع الخط يشوف عبدالمحسن جوالة يلقى الشحن فاضي : يوووووووه
عادل : وش فيك
ولف محسن على عادل : عدول معليش جوالك شوي
عادل : ليش
محسن : بكليم شعيل الخط انقطع عندي لان مافية شحن
عادل يرفع حاجبة : شعيل والله وصرت تخاوي بنات
محسن : وش اخاوي انت بعد هذي اختي هات جوالك ياشيخ لاتقعد تمن
عادل : طيب طيب بس ترا الرصيد شوي ويخلص لاتطول
محسن ياخذ االجوال من عادل ويرجع عادل لخيمة يللي فيها الشباب
مشاعل : من هذا رقمة
رهف : مين
مشاعل : رقم غريب
رهف :هاتي انا ارد
مشاعل : طسي بس جوالي هذا
مشاعل : الو
محسن : الو
مشاعل : محيسن
محسن : انتي بتعقلين ولا تبين ارنك بالجوال
مشاعل اولا ماتقدر لانك موعندي ثانيا ليش ترني بالجوال
محسن : وش محيسن الموهم ماني رايح اجيب رنا قولي لبندر يجيبها
مشاعل : كلمنا بندر يقول مااقدر
محسن : حتى انا مااقدر باي
ويقفل السماعة
مشاعل : قفلها الدب
رهف : ماعليك منة بس تعالي نقول لامي من اللي بيجيب رنا
مشاعل : يالله

محسن : عادل خذ الجوال
عادل : خلصت
محسن : اية مشكور
عادل : ولو تموووووووون
ضاق صدر محسن انة بيترك اعز اصدقائة عادل يعني الولد ما سوا لة شئ بس تفكير اخوة بندر هذا مال ابوة داعي يعني ليش النذالة ولا يبيني اكلم
رهف عشان توافق اية هين يبيني ازوج اختي واحد من طقتة وربعة وتفكيره هذا بيودينا كلنا بداهية


ببيت سلمان


منى : هاااااااااااااااا
مرام : اسم الله وش فيك
منى : هيفاء وش فيها رجلك
هيفاء قامت تتدلع : والله ماادري وش فيها انتي رحتي اليوم وخليتني لحالي وطحت مع الدرج لو كنت معي كان ماصار اللي صار
منى : ياحياتي وتروح تفتح الدرج وتطع قلت احمر وتكتب على الجبس سلامااااااااااااااااااااااااااااااااات يا العصلا - منى
هيفا: اجل انا عصلا لا ارحميني والله شبكة تتهزا بمنخال
منى :ههههههههههههههههههههههههه
عمر كان واقف عند الباب ويسمع اصواتهم وقلبة يقطع نفسة يشوفها ثانية مايدري ايش سوت فية
هذي البينت سحرتة صار يفكر فيها ليل ونهار ماعاد يتحمل فراقها يا ربي وش اسوي آآآآه ياهيفاء لو تحسين فيني ودي اوقف بوجهك واقولها
احــبـــــــــــــك وربي احبك يعني قبل كم اسبوع ماكان يعرفها دائما اخوها يتكلم عنها بس هو ما يهتم ولا يعطه بال بس الحين لو يجيب طاريها يطير قلبة من الفرحة
صار تفكيرة كلة عنها لما ياكل وهو بالمحاضرات لدرجة انة صار يحلم فيها ويكتب اسمها على اي دفتر يكون...... معة يسرح فيها طوال الوقت
وامنية حياتة اليوم اللي يتخرج من الجامعة ويتوضف ويروح يخطبها آآآآآآآآآه راح يكون هذا اسعد يوم بحياتي........

وينك يا دفا سينين
تعب قلبي الم وفراق
خريف البعد يطويني
وتبكي حولي الاوراق
وينك يا دفا سينين

جلس شوي بعدين طق الباب
مرام : مين
عمر : انا عمر افتحي
هيفاء : اختبصت وماعرف ايش تقول وكمان رنا
قامت مرام وفتحت الباب وطلعت لة
مرام : نعم
عمر : قولي لهيفاء ورنا ينزلون سواق عمي جاء
مرام : عمي مين
عمر :عمي مين يعني عمي محمد
مرام : طيب رنا ليش تروح مع سواق عمي محمد
عمر : ياشيخة تو عمي كلمني وقال ان سواقهم بيجئ وخل البنات يروحون معاه
مرام : يوووه حسافة طيب بقولهم
يروح عمر وتدخل مرام لغرفتها
منى : وش يبي عمر
مرام : يقول ان سواق عمي محمد جاء
تقول هيفاء بنفسها يا بعد عمري جاي هو بنفسة يقولي طبعا بنفسها
ورنا تقول يا ربية لو يحصل لي ما طلعت من البيت اللي انت فية يا بعد الدنيا كلها ..بنفسها
قامت رنا ولبست عبايتها وجابت عبايت هيفاء ولبستها وتسندت هيفاءعلى رنا ومنى ومرام وراهم
لما وصولو عند الباب
هيفاء : يالله مع السلام
رنا: مع السلامة
منى + مرام : مع السلامة
منى: وسلميني على فراس
ضحكت هيفاء وقالت : ترا اصدق واسويها
منى : وانا قلت شئ
هيفاء : هههههههه يوصل
منى : هيه عاد مو تصدقين وتسوينها
هيفاء : افا عليك لاتوصين حريص
منى : والله ماادري عنك
ركبو السيارة رنا وهيفا وراحو البيت

منى : تتوقعين بتقول لة
مرام : تقول لمين
منى : لمين يعني فراس
مرام : وش تقول لة
منى : هاه والله ماانتي صاحية تو وش قاعدين نقول
مرام : اييية يمكن تقولة
منى : عشان اتوطا بطنها
مرام : هههههههه ادخلي بس



رهف : مييييييين
بندر : انا افتحي الباب
رهف : طيب
وتفتح رهف لبندر ويدخل ويجلس على الكنبة اللي قدام السرير ويجلس ساكت وهي مستغربة وش يبي جاي مخصوص لغرفتها مو من عادتة يجئ غرفتها
طيب ليش ساكت ... واخير تكلم : قالك عبدالمحسن
استغرب رهف وش يقصد اخوها : يقولي عن ايش
: يعني ماكلمك
: على ايش يكلمني
: على اللي جا يخطبك
رهف بلمت انا يخطبني انا واحد جاي بخطبني انا
بندر : وش فيك سكتي
رهف : هاه لا بس متفاجاء
: الولد ما علية ولد حلال وهو صديقي وانا اعرفة وابوي موافق علية وخلاص احنا الرجال موعد يجئ يخطبك
رهف جتها خيبة امل لما عرفت انة صديق بندر لان اصدقاء بندر كلهم من نفس طينتة .. منغلقين .. ما ياخذون راي الحريم .. ما يهمة الا نفسة وشورة يمشئ على الكل
بندر : وش فيك سكتي .. لا يكون مو موافقة ؟؟
رهف : اية موموافقة ....... بعدين كيف تقولون لة انكم موافقين وانتم مااخذتو راي كيف تصير هذي
بندر عصب : وليش انشالله وش اللي ما عجبك فية ياخت رهف رجال ملتزم محافظ على صلاتة ولدناس وش تبين اكثر من كذا
رهف يا ربية الحين وش اقول هذا يعني اقولة ماابي عشانة صديقك : لا بس انا ابي اكمل دراستي
بندر : اقول روحي بس جتنا باعذار ماتودي ولا تجيب
رهف : مو بس عشان الدراسة
بندر : اجل على ايش انشالله
رهف : كذا ماابية
بندر : وشو اللي ماتبينة دلع بزران هو مو على كيفك انا خلاص عطيت الرجال كلمة وما راح ارجع عن كلمتي ولو على قص رقبتي سامعة
رهف : مو على كيفك بقول لابوي اني مو موافقة
ويقوم بندر ويمسك رهف مع شعرها : اذا قلتي لابوي انك مو موافقة بتشوفين شئ ما يسرك والله لاكدر عليك عيشتك... انا قلت هذا الولد بتاخذينة يعني بتاخذينة ... ويرميها على السري ويكمل كلامة : وابوي اليوم بيجئ ياخذ رايك بتقولين لة ايش
رهف : ......
بندر : تقولين لة موافقة وان قلتي لا ولا بينتي على ابوي انك مغصوبة ما تلومين الا نفسك..... بعدين على فكرة لايجئ عل بالك ان ابوي مو موافق ابوي موافق وهو اللي قال لي عطهم موعد بس انا اللي موخفني انة اذا رفضتي يقول خلاص وبعدين يزوجك واحد من عيال عماني
رهف وهي تصيح : انت وش تبي مو حرام عليك تبي تغصبني على واحد ماابيــــــــــــــــــــة ... ماراح اتزوجة
بندر هينا قفلت معاه ويروح يعطيها كف على وجهها: انا قلت بتتزوجينة يعني بتتزوجينة واذا كان على بالك اني جاي اخذك رايك فانتي غلطانة انما جاي اقولك ان الولد واهلة بيجون الاسبوع الجاي يخطبونك رسمي
رهف ودموعها تنزل: ماابي يعني ماابي مو بكيفك تزوجني اللي تبي انت واصدقائك هذولا
بندر : والله ثم والله ان قلتي لابوي انك ماتبينة لا يجك طق عمرك ما جربتية ومالك غير هالرجال لانك لو ماتزوجتية بقول لابوي عن كل رجال يخطبك انة مايصلح واطلع لة اي عذر وخلك عانس
رهف : مو حرام عليك انا مواختك
بندر : انتي اختي وانا ادرى بمصلحتك سامعة
وطلع من غرفة رهف وهي جالسة تصيح على السرير بعدين دخلت عليها مشاعل لما شافتها تبكي راحت لها بسرعة
: رهف وش فيك
ورهف الى الان تصيح
مشاعل : رهف ردي علي وش فيك
: مو حرام علية اللي يسوية فيني
: مين ؟؟
وترفع راسها وهي تشاهق: اخوك اللي مايتسما هذا
مشاعل : مين قولي ؟
: بندر
: بندر ؟؟
: اية بندر يبي يزوجني غصب
: وشووووووووو
: والله... وترجع تصيح
: وهو وش علية
: اللي خاطبني صديقة
: وابوي
: يقولي اذا قلتي لابوي لا بيضربني ..... لابعد والمشكلة ان ابوي موافق اصلا
: ابوي !!!!!!!!!!!!!
: ماادري يامشاعل ويقول اذا قلت لابوي كل خطيب بيصير يجئ يقولة لا ويلعب على ابوي ويطلع فية اي عيب
: هذا ما يخاف ربة
: والمشكلة ان اللي خاطبني طبعة نفس طبع اخوك
: غريـــــــــــــــــبة ابوي يزوج من برا العائلة
: وش تبيني اسوي يعني خلاص انتي تعرفين بندر اذا قال كلمة لازم تصير
: يعني راح تتزوجين
رهف والله حرام علية انا موانسانة يعني وش اسوي يا ربية والله حرام ما يصير يزوجني غصب انا ليش كذا حظي



بندر : يبة رهف موافقة
: الله يجيب اللي فية الخير مع ان كان نفسي انه تتزوج من عيال عمانها
: يبة الزواج قسمة ونصيب
: وانت الصادق الله يجيب اللي فية الخير
: امين.....
سلطان : انا بطلع الحين بروح اسلم على ابوي وامي تجئ معي
: لايبة انا عندي مشوار
: اجل يالله لاتنسى تقول لامك تراها ماتعرف
:ا نشالله

[تونـ مجنونة ـة]

يعطيك العافية خيتو !!

تحياتي لك !!

[ميمسو المجنون]

يعطيك الله العافية أختي أم عسكريم....



على القصة الجميلة....


وننتظر الأجزاء التالية...



كريزي ميمسو...

[شقاوي]

ما شاء الله كل هذا من مخكِ

تقبل مروري
ابو فيصل

[دلوع قحطان]

ماشاء الله يالله ننتظر البقيه على احر من الجمر
كايت تقبلي مروري وردي وشكر