صرت مثل البرىء المتهم بالقتل
واقف بإنتظار الحكم دون إمتناع
واقف في طرف المحكمة منذهل
عين عند النيابة وعين عند الدفاع
غشهدوا زور ضده لين ضاع العدل
ما يفيد السكوت وما يفيد الصراع
ودخلوا له شيخ قال له .. اغتسل
ولقنوه الشهاده ولبسوه القناع
يتوسل ويبكي ويرتجي ويبتهل
عندي اسرة صغيرة معرضة للضياع
............,,,,,,,,,,,,, ,,,............
معنى الحياة بعينها صحوة الموت
شهود صلوا والمملك دفنها
وكوشة فرحها حولوها لتابوت
واكليلها الأبيض بقايا كفنها
تبريكهم اصبح عزى يجرح الصوت
صرخة ويبابه تشابه لحنها
وراحت معاه بقلبها حرف منحوت
يبقى معاها لين يطوى بدنها
راحت وصدى كلماتها زلزل بيوت
لأبو تقاليد الحياة وسننها
............,,,,,,,,,,,,, ,,,............
ما يخالف أرحل بس لا ترحل بعيد
ما يخالف أهجر بس خلك بداري
ما يخالف اشق الف عذرى من الغيد
ما يخالف اجرح بس حاول تداري
يا صاحبي لا تكثر العذل وتزيد
معذور الأعمي لو مشى الليل ساري
بابيع عمري لك من غير تحديد
عمري رخص من يوم شفت إنكساري
عقبك قسم بالله ما ادري وش اريد
ابنتظر ما ابي ثمن لأنتظاري
............,,,,,,,,,,,,, ,,,............
ياما على نفسي بالأحلام كذبت
وياما صبرت وصبرنا مانفعنا
وياما .. وياما من وداعه تعذبت
وياما نحاول نفترق ما استطعنا
كم مرة ودع وكم مرة غبت
وكم مرة عقب الوداع اجتمعنا
ياما توادعنا وشرق وغربت
ويم إلتفتنا في بعض رجعنا
لا قادره أنساه مهما تهربت
ولا معترف في حبنا مجتمعنا
............,,,,,,,,,,,,, ,,,............
إهداء لمن رمى قلبي الطيب بأقســـى الكلام ..
يا صاحبي .. بس تكفى .. لا تجنني
ماعفت من ضرني .. وشلون خلاني ؟؟!!!
حتى الذي ضرني لا ضاق.. حزنّي
ما عندي أعداء .. كل الناس صدقاني
قلبي معاكم نظيف صافيٍ ظني
لا ما يتغير غلاك إن صرت غلطاني
والله لأسامح الغلطة وانا اغني
من لا عذر صاحبه يعيش وحداني
وإن كان قلبي حقود .. الله يلعني
وإن كان مالي شرف .. عساي للفاني ..
تحياااااااااااااتي فركتوووووووووووز
ls[ 1 Ha]
مسج 1
العرض العادي
