مًدًٍوٍنْتُِِّْيَ :ـِِّ حٍّيَآتُِِّْيَ ,, تُِِّْجًِْآرٌٍبٌَِيَ ,, آرٌٍآئيَ

[« TETO »]

مًدًٍوٍنْتُِِّْيَ :ـِِّ حٍّيَآتُِِّْيَ ,, تُِِّْجًِْآرٌٍبٌَِيَ ,, آرٌٍآئيَ

آلسٌِِّلآمً عًٍليَكَمً وٍرٌٍحٍّمًة الله وٍبٌَِرٌٍكَآتُِِّْة

اصدقائي وصديقاتي اعضاء منتديات مافي مخ

بعد تجربة "عدنان" و" رمومي" في المدونات قررت طرح مدونتي

وكالعادة تيتو غير

راح احكي لكم في مدونتي عن حياتي طفولتي مراهقتي رحلاتي تجاربي<<كلها سالفتين واخلص حياتي

المدونة متجددة بتواصلكم واستفساراتكم ودعمكم برايفت مثل ما قالت رمومي


لانني غير ومدونتي غير اقدم لـقراء مدونتي المشروبات بأنواعها مجاناً برعاية القهوجية حقتي "رنو-vip"

اهلاً وسهلاً بكم في مدونتي المتواضعة

المصدر: منتــديات مافي مخ

---

lW]WS,SkXjEAA~XdQ :JAA~ pS~dQNjEAA~XdQ << jEAA~X[WAXNvRSfRQAdQ NvRSNzdQ lW]WS,SkXjX~AEAdQ NvRSNzdQ NvSRNzdQ jsjNig hgjrddl>>vlvl jEAA~X[WAXNvRSfRQAdQ jX~AEA[WXANvSRfRAQdQ dNudkd dNudkd u Ngk.NvNj pS~dQNjEAA~XdQ pS~dQNjX~AEAdQ

[« TETO »]

طفولتي

في يوم 9/12/1409هـ

اشرقت الارض بولادة اجمل واذكى شخص <<بدا موال الكذب

في يوم العيد حصلوني اتضارب مع امي واقول لية ما جبتيني في شهر تسعه عشان اتميز<<الله من البر

كانت طفولتي وصمة عار لكل طفل

مدلع ,,غثيث ,, مسوي فيها <<ولازلت

طبعاً كنت اصغر اخواني الذكور وازينهم<<اجل ما حولكم زين

وذي صورة من الطفولة



شفتو البراءة والنظارات والجمال

اذكرو الله لا انحول الحين








الله على المساند الحمر <<ترى كانت موظة



لي باك ومواضيع اخرى

[« TETO »]

ردود الاعضاء وتعليقي عليها


اولاً القهوجية حقتي رنو

المشاركة الأصلية كتبت بواسطة vip

والقهووووووجي انت وأشكااااااااالك

^_^

المشاركة الأصلية كتبت بواسطة vip

وايه ترى من جد بالنظااارات اكشخ ويظنون انك مزيووون فيها

بنظارة بدون الجمال من الله <<قمة الغرور

المشاركة الأصلية كتبت بواسطة vip

نصيحه مني شيل الصوره الثاانيه يعني عشاان يتخيلون انك مزيووون <~ انوااااع التحطيم

^_^ مع نفسك



وثانكس عالاهتمام رنو



والان مع صقيقتي الثانية رمومي

المشاركة الأصلية كتبت بواسطة »ЯறΘறe«

أول حآجه مبرووك آفتتآح ـآلمدونه

ربونا يبارك في حزرتك

المشاركة الأصلية كتبت بواسطة »ЯறΘறe«

ثآني حآجه .. نزآرآتك للبيع ؟؟ آسآسن هيآ موجودهـ دحينآ آو لآ ؟ هع

موجودة بس مو للبيع المشاهدة بألف<<نصاب

المشاركة الأصلية كتبت بواسطة »ЯறΘறe«

بصرآحه يآتيتو مآشآءالله طلعت حليووهـ .. شكلي آخطبك .. هآكيف موآفق ولآ ؟ هع

رمومي من زمان قايل لك شوفي لي عروس حلوة اخرتها تقولين انتي وش ابي فيك<<قفلت الاخلاق

المشاركة الأصلية كتبت بواسطة »ЯறΘறe«

ألآ بجد عيني عليك بآردهـ ..

آلله يحفظك ويحميك مآشآءالله عليك ..

المشاركة الأصلية كتبت بواسطة »ЯறΘறe«

وبعدين آنآ آكبر منك يآهوو خخخخخخخخخخ

مبرووووووووك يا كبيرة <<يقول في نفسة الكبير كبير بعقلة

المشاركة الأصلية كتبت بواسطة »ЯறΘறe«

بس نفس السنه

^_^ يا فرحة ما تمت

المشاركة الأصلية كتبت بواسطة »ЯறΘறe«

وكمآن يوم مميز ليش زعلآن .. حج ويوم تسعه مآشآءالله مآفي آحسسن من كدآ سلآمآت ليه زعنآن ؟ هع

اللقافة شينة مو؟؟



وثانكس عالمرور رمومي



ننتقل للتعليقات اللي وصلت برايفت


واول واخر رسالة من مدمد اللي ما يعرفها ترى هي اللي صممت توقيعي

المشاركة الأصلية كتبت بواسطة madridiah

اس اس السلامووو عليكـوو


اخبارك يامعفن ؟!.


اش الحركتات هذي مدوونه << تطورت منفووحهـ

وشسمه ايه بغيت اعلق << احلفي ..



<< أهم شيء البراءه
بس كشخه النظاره ..
..

<< النظره مايمديني ..
وش كنت تفكر فيه << هو اكيد عمل اجرامي , بس وشو ؟!.
... واخيراً يعني صح اني اكرهك وانك ترفع ضغطي بص مايمنع اني اقولكـ ان شكلكـ وانت ورع قود ازين من اللحين << ياعيني ع الاخلاق ()
,, تحمست انزل مدونه بس اذا فضيت << شهر شهرين صنه صنتين ...! اذا فضيت
يلا سي يووو واذا مافهمت شي نرجو التسليكـ .. لاني فاصله نوعاً ما ..

<<تعبان من التعليق مو عارف اركز


لكن واضح يا مدمد انك خاقة معي وتحاولين تستفزيني اني الحين شين عشان اقول لا انا احلى وتقولين هات ايميلك وشغل الكام والحركات القديمة ذي ولكن هيهات<<يألف على كيفة

والالفاظ اللي مثل وجهها ما راح اعلق عليها لانها تدل على تربيتها<<افرحو يا ناس تيتو صار محترم


وخذيها نصيحة اخوية اذا بتفتحين مدونة لا تنزلين اي صورة لك او حتى صورة لواحد كنتي جالسة جنبة لان عندنا اطفال والكوابيس ووو ما يحتاج افهمك


ياما سلكنا جات على ذي



والف شكر على اهتمامك




ذي التعليقات اللي وصلتني بتعليقاتي عليها كاتبها على عجل فلا تدققون وارجو التسليك على قولة مدمد


اشكر كل من علق وكل من قرأ وطنش وكل من قرأ ومن شدة اعجابة في اسلوبي وفي شكلي وبرائتي الطفولية ونظراتي الخوقاقية وما قدر يعبر عن اعجابة


والى لقاء في حلقة اخرى


رنوووووووووو قهوي الضيوف


brb<<من قال يقلد رمومي

[« TETO »]

بااك


رمومي ,, رنو ,, كل الاعضاء قلنا لكم برايفت ما تفهمون

رمومي انتي اللي قايلتها لا ترسلين رسايل زوار التزمي بكلامك وارسلي برايفت<<قفلت الاخلاق


اليوم باسدح لكم كم خاطرة من بيت بيتين لاني ناوي اشارك في شاعر المليون<<مشكلة الطموح

كل ما غارت تغيب ,, وكل ما حنت تجي
احسبها بتقول لي حبيب,, تقول ما احبك سوري


&&&&&&&


لـيـتـني مهاجـــم في صــفوف الـهـلال
__________لأجيـب كل البطـولات بس لعـيونـها

مير ما احب الكرة ولا لي فالكوره مجال
__________ بس احب الريم باحب الكره لعيونها


ذي مقتطفات وتابعونا مع جديد تيتو حصيراً على مدونتة<<المقتطفات ذي هي اللي بتكرة الناس فيني




^_^
اهداااااااااء لرمومي لان اسمها ريم وتوني عرفت انها هلالية

والان مع اسئلة الجماهير<<سووالين وابلشنا فيها


الرسالة الوحيدة مع رمومي اللي تقول برايفت وترسلها زوار

المشاركة الأصلية كتبت بواسطة »ЯறΘறE«

يآنونو بسألك ,,

هاتي يا كبيرة<<يعطيها على قد عقلها

المشاركة الأصلية كتبت بواسطة »ЯறΘறE«

إيش تدرس ؟؟

ادرس في جامعة الطايف كلية علوم السنة التحضرية <<معلومات الدراسة كلها باسدحها في مواضيع قادمه<<يا ليل متى بننفك من مواضيعك انت<<وانت يا فرفر هات لنا فيسات معصبة غير الفيس ذا اللي مال اومو داعي<<قلب مكاوي

المشاركة الأصلية كتبت بواسطة »ЯறΘறE«

آيش وجبتك آلمووفضلهـ ؟؟

انا مالي اكلات مفضلة على حسب المزاج<<بدت الفلسفة

لكن اكرهـ المخلل ووو<<في شغلة ثانية اكرهها بس نسيتها<<قمة الغباء

والاكلة اللي حبيتها من جد طاجن على ما اضن اسمها ..اكلتها في مطعم هندي في الشرقية وان شاء الله بروح لة بعد يومين واكلها مرة ثانية

وبالنسبة لموضوع الاكل عموماً انا ما احب آكل كثير والدليل وزني اللي لو انقص كيلوين اختفيت وتصيرون تشوفون ثوب يمشي بلحالة

<<لا تسألونة بعد كذا الحين اكلة وحدة سدح لنا عشر مواضيع ذا السامج

المشاركة الأصلية كتبت بواسطة »ЯறΘறE«

وإيش تحس لمآ تكون معآيآ ؟؟ <<< آنتي آش تحسي بأمووو كخخخخخخخخ ..

على قولتك احوبك

الا صدق وش تحسين بة على ذا السووال اللي لو ارسلتية برايفت سحبت علية<<عشان ذا السووال عصب على اللي يسألون في رسايل الزوار



والآن اعزائي ومتابعين مدونتي الجميلة

اترككم لتتابعو بقية المدونات اللي مهي ولا ربع جمال مدونتي<<قمة الغرور


برب

[« TETO »]

مدخل
كل ما اقول ابتدت قصه سعاده
تنتهي قبل الولاده
دامني شينه كذا
سيبني وارجع لساره



السلام عليكم ورحمة الله وبركاتة


قبل ادخل في الموضوع احب اقول لكم انكم وحشتونــــــــــــــي كثــــــــــير

مع اني قضيت اليومين ذي بعيد عن النت وعن الحب وعن الطايف

لكن كانت يومين حلوة وحبيت تشاركوني فيها

بدون صور لاني ما توقعت تكون الرياض حلوة بالشكل ذا


لكن نبدأ من النص وصلونا للرياض


غبار + حر + برد في نفس الوقت كانت الساعه 3 الفجر

بعد ساعتين او ثلاث ابتدأ الجو يحلو لدرجة اني حسيت اننا في الشفا <<الشفا حق الطايف مو حق الرياض

شفت بشر كثير وسيارات كثير وزحمة وكباري واشارات

نبدأ بالكباري واللي اكثر من شوارع الطايف مرتين او ثلاث

والاشارات اللي بين كل اشارتين اشارة

والزحمة اللي بسبب هندي سيارتة قديمة وخربانة ومافي احد راضي يساعدة ويبعدها عن الطريق


وننتهي بالبشر

انواع الهياااااااااااط والحشيــــــــــش والروقان

مريت على اغلب الاحياء لكن ركزت على ثلاث احياء


الروضة<<على حسب معلوماتي اكوس حي في الرياض

من قوة الهياط اغلب الفلل مفتوحة كراجاتها عشان تشوف السيارات


المصيف<<على ما اضن ذا الحي اللي اقصدة لكن راح اتأكد واعدل اذا كنت غلطان

حي عادي بالنسبة للروضة لكن الهياط هنا عالفاضي واترككم مع ذا المشهد


سواق يمسح قزاز السيارة
ولد واختة رايحين للمدرسة بدون شنط
شغالة تنزل الشنط وتفتح الباب للبشوات

كل ذا لو كان في سيارة عليها القيمة نقول عادي
المشكلة في اكسنت <<وش يحسون فية على ذا الهياط


البطحاء<<حي الاجانب لكن بغشامتنا سكنا فية واحنا ما ندري عنة قلنا نقلد مناحي وخوية

الشعب السعودي اللي قابلتهم هناك يحسبون نفسهم مهمين وكل الناس تعرفهم مع انهم جالسين في حي البساس اللي قية هاجرت


شوارع الفرفرة

يفرفرون ويحتكون بالسيارات اللي نفس نوع سيارتهم الين يجمعون ست سيارات او اكثر ويجلسون يلفلفون جماعي على بالهم موكب
واذا ما حصلو نفس سيارتهم يجاكرون الين يحصلون



الحشيش

منتشر اكثر من الدود اللي متجمع على كيلو سكر

تمشي في الشارع تحصل سقارة عادية مطفية واربع سقاير حشيش

توقف في البقالة خمس دقايق تحصل اثنين او ثلاث دخلو واشترو ورق شام

للمعلومية
** ورق الشام ذا اللي يلفون فية سقارة الحشيش ويبيعونة في البقالات عادي**

تقول لواحد سنعني يرمي عليك صاروخ ويمشي


وعلى قولة ابو نورة

ومادام ان الحشيش مسموح
باحشش كل يوم صاروخ
واقول بوسة ترد الروح
اعيش فيها عشان بكرة
عشان ليلي اللي كلو حشيش


المعلومة الثانية البوسة هي المزة من سقارة الحشيش واللي هي الصاروخ<<كل الشعب يعرف ناقص تقول الحشيش من المخدرات




الروقان ذا الشئ اللي اعجبني في اهلها

ارقص جنبة ارفع المسجل ارم لك كم كلمة علية تحصلة يضحك ويرد عليك ويمكن تاخذون ارقام بعض




ذي الاشياء الموش كويسة في الرياض


لكن انا اشهد ان اهلها فري قود فاصلين الريوس وقدعااااااااااااان أوي


واللي خلاني اندم ما صورت شئ هو هجرة لبن وفي ناس يقلون حي للحين مو عارف بس هي جنب مخرج الخرج

ضيعت الطريق ولقيت نفسي فيها ويا ليتني كل يوم اضيع

طبيعة ولا اروع حسيت اني في باريس والاحساء والطايف

شمس باريس ونخل الاحساء وجو الطايف


وغيرو وغيرو راح اسدحة لكم بكرة او بعدة بالكثير

انا توني واصل وحبيت تشاركوني اللحظة وبس بدون تدقيق لان مع السهر يزيد الحول عندي


وبرضو عشان اقول لعدنان اللي صورتة مو حلوة لا يقلدني رنو حامل وما نبي نخوفها تسقط الولد وش يفكنا من الرخمة اللي عندها


مخرج


انا اللي ما انحى راسي لغير الله
ولا نزلت دموعي من فراق الا فراق الموت

انا صرت لك لحظة اذكرك واهل عبراتي
انا صرت كل ليلة انام لأجل اشوفك بحلمي

انا انا انا اللي عشقتك شامخ وعالي
وذلتني الدنيا وصرت ابوس يدينك




ملعون ابو الحب كانة يدمر رجل
ياخذة سلطان ويردة كسير



** ترى ذي مجرد كتابات لا تقولون لي قوافي وكلام كبير**



لي عودة مع بداية ونهاية رحلتي

ما فهمني ,, ومسجل الجمس فاهمني<<الاسم غريب


اعذروني على الاطالة والاسلوب الخايس لكن بجد تعبان وحابب تشاركوني اللحظة

[« TETO »]

السلام عليكم ورحمه الله وبركاته

ما لكم بالطويلة وبالكلام الكثير وخذو المفيد



هذا الله يسلمكم خوينا تيتو الأحول اللي تخبرون صار له موقف وقال يرحم أبوك اكتبه في مدونتك وحط اسمي ابي اشتهر قلت ابشر من عيوني وراح أقول لكم اليوم وش صار له بسبه سارهـ اللي رجنا فيها

نقطه ومن بداية السطر عشان تشوفون الإبداع والفصحى والحركات حقتي((-- اخلص علينا



تسللت أشعه الشمس من نافذة غرفته الصغير لتسقط على عينه الواسعتين الغير حولا((-- الغير حولا ترى فصحى ذي


فهرب منها بوضع رأسه تحت مخدته ليعود في نوم أعمق من السابق ((-- نوم أعمق فصحى فصحى مافي كلام
وبعدها بعشرات الساعات أتى أبيه ليوقظه من نومته الطويلة وبكل رقه قائلاً


قم يا ورع وركله ركلةً مليئة بالابوه والحنان جعلته يعشق السباحة في الهواء والتي تدرب عليها من ركلات أبيه الحنونة


أمره والده بالذهاب لشراء اللبن والعيش كالعادة


كان هذا السيناريو الذي يعيشه تيتو قبل أن يراها ويعشقها ويرمي عليها الرقم((-- حب 2010


ولكن تبدل حاله تيتو حتى أصبح يذهب في سيارته الفارههـ المايباخ ((-- للحين ما بعتها من أيام الثانوي

ليرى الشروق في الهدا والغروب في الشفا((-- ما تفرق ترى بس مزاج مره هنا ومره هنا سيارته مايباخ لازم يحركها ما يخليها ويجلس مكانه طول اليوم


وفي احد الأيام ذهب لرؤية الغروب في الشفا كعادته ونزل من سيارته يحمل آلته الموسيقية العود في الساعة 4 عصرا بالهدا((-- مو من الحواله راح الهدا بس طريق الشفا كان زحمه



بدأ يدندن بالعود وعندما تذكر حبيبته سارهـ بدأ في التفكير في مفاجأة لها وقال في نفسه

أحرف الأغاني الحلوة اللي أنا أحبها وأخليها أغاني عرابجه مثل ما تحب هي وأصير عايش جوي وهي عايشه جوها



بدأ في التفكير وعندما تذكر أغنيه الراحل طلال مداح((-- للراحل والله تطورنا وصرنا نعرف راحل


احبك لو تكون حاضر
احبك لو تكون هاجر
ومهما الهجر يتعبني
راح أبقى معاك للآخر
&&
سنين وسنين وانأ صابر
وراح اصبر كمان وكمان
وبحر الشوق يبعدني
الين أوصل لشط أمان


وبدأ في غنائها قائلاً


احبك لو تكون فايق
واحبك لو تكون سكران
ومهما السكر يتعبني
راح أبقى معاك للآخر
&&

سنين وسنين وأنا سكران
وراح اسكر كمان وكمان
وسعر البطل يتزايد
الين اسكر من شفا

وقبل أن ينطق بالحرفين المتبقيين من كلمه شفاتك قاطعه رنين هاتفه الجوال فإذا برسالة منها من سارهـ

دوروه وقابلوني لو لقيتوه ذاب بعد ما شاف اسمها على الجوال

فتح الرسالة ليقرأه وبدأ بالاستياء وتمتم

يووووووووووووووه أنا وش سويت كيف أنسى حاجه مهمة كذا

اخرج من جيبه بطاقة شحن الرصيد وأرسل الرقم على سارهـ وعاد ليكمل الغناء


تدرين وادري بننسطل
تدرين قلبي بينسطل
حنا انسطلنا بكل شي
إلا الزمان عيا الزمان لا ينسطل
ولا تزعلين لو ننسطل
قلبك يفوق وقلبي أنا اللي بينس


لم يقطع حبل افكاره هذه المرة سوا ثلاث رجال الواحد صدره كبر كبوت كابريس 90 ((-- بدأ الأكشن


رفع عينيه فإذا بهم رجال الهيئة ولم يكد يصل بعينه إلى متصف صدورهم حتى رفعه احدهم من قلاب ثوبه المرقع وهو يردد حشيش وتنسطل ما شاء الله وتدق عود بعد



ذهب معهم الى المركز بثلاث تهم
1- حمل الآلات الموسيقيه في الأماكن العامه

تيتو:- يا شيخ أنا مشتري ذا العود من محل في السوق ومن مكان عام تخلوني اشتريه والحين تسوون لي تهمه
الشيخ:- احنا كذا مزاج نخليكم تشترونه عشان نجيبكم هنا ونكسره قدامكم الين تخلص فلوسكم وما تقدرون تشترون

تيتو:- يعني بالعبط هي

الشيخ:- تقدر تقول

تيتو:- هات التهمه الثانيه الشرهه علي اللي جيت مركزكم ذا لو رحت مركز الحويه يعطوني حبتين بعد ما اطلع ويقلون حاول تقاوم الشيطان وما تاكلها

2- عزف الآله الموسيقية

تيتو:- يا شيخ أنا مشتري العود عشان اعزف عليه ما شريته منظر

الشيخ:- أنت بتنطم والا اقطع لك لسانك

تيتو:- انطمينا هات الثالثه

3- تعاطي الحشيش وشرب المسكر والاجهار بهما

تيتو:- اهاا طحتو في يدي حللوا دمي يطلع لكم في التحليل لي شهرين ما اكلت الا ملوخيه ورز ولا شربت الا بيبسي وبايسن

الشيخ:- تشرب بايسن وبيبسي وتدعم بفلوسك الكفره واليهود

تعال قرب خلنا نشم فمك وبنعرف اذا شارب شي والا لا


وبعد لحظات من فتح فم تيتو اصيب جميع اعضاء الهيئه والعسكر المرافقين والمراجعين والمتهمين بالاغماء لانهم مو متعودين على الروايح الجميله ((-- اقرب مخرج

وهكذا خرج تيتو سعيداً وهو يردد


باااااااااااااااك مافي مخ

^_^ خلص الموضوع ^_^


انا مع الهيئه والله يعطيهم الف صحه وعافيه ويقويهم وان شاء الله بكره انزل السوق ارقم واحط شعار الهيئه في قلوبنا عشان ما يمسكوني


ما يستفاد من الموضوع

1- انا فصلت نظارات واكتب الموضوع ذا وانا لابسها واكيد لاحظتو لان الاخطاء الاملائيه = صفر
2- أنا شاب مميز اللي تتعرف علي بيتفلل جوالها شحن

وفي نهايه الموضوع لا املك الا ان اشكر نفسي على هذا الابداع وأقول لكم الله يعينكم علي



وسيا ليتر (-- خلو مدريديه تقول لكم معناها

[« TETO »]

باااااااااااااااااك


بدون مقدمات


هذا الله يسلمك في عيد الفطر اللي فات رحت للشايب وقلت يدك على عشر الاف بروح اقضي للعيد

وما دريت الا وفنجال القهوه متكي في جبهتي


ابتسمت وقلت امزح امزح وش فيك الله يهديك هات أي شي حتى لو خمسه ريال<< الخوف رجال



ناظرني بنص عين وقال جيبو فنجال ثاني بدل اللي انكسر


طلعت من عنده وانا اخلاقي قافله قلت ما لها الا محمد<< اخوي اكبر مني وصنايدي اذا جات عند الفلوس


رحت له الغرفه ودقيت الباب على غير العاده ودخلت وقلت وش رايك اخذك اليوم نروح نقضي للعيد

الرجال ما صدق خبر بينزل السوق معي يعني البنات بيخقون معي ويلاحقونا وبيفلها الاخ


رحنا وهو يشتري وانا اخذ نفس اللي يأخذه واقول نسيت ما صرفت حاسب واعطيك في البيت<< يقابلني لو شاف مني ريال


الموهم فصلت ثياب وشريت ملابس داخليه وعقال وطواقي وووو ما خليت شي عجبني الا وخليته يشتريه وشريت مثله ما باقي الا الشماغ يقول انه شرى له واحد


رجعت البيت وانا راسم على تركي<<اخوي الثاني

ناوي اروح اشتري منه الشماغ وتوني بروح ادق عليه الباب الا والشايب يناديني


قلت جاك الموت يا تارك الصلاه

رحت له الا وهو معطيني خمس ميه وخمسين ريال ويقول روح تقضى ودلع نفسك<<اشتري بها عطر سياره ذي<<اوخص يا الكاش


اخذتها وجلست افكر وش اشتري فيها قلت يا ولد فلل المايباخ بنزين والباقي في شماغ

فللت المايباخ وشريت عشرطعشر بكت دخان وشريت لي اكيد بيبسي وباشرت عالشباب بعصيرات

وباقي معي خمس ميه ريال لفيت السوق وشريت شماغ فرزاتشي بس الحلال ما يدوم ضاع مدري وين راح<< الحين الحلال هو اللي ما يدوم؟!؟!؟!؟


في عيد الاضحى انقهرت عالشماغ اللي راح وما باقي من ذكراه الا صوره بجوال خايس وانا لابسه والصوره مو مره ضابطه


رحت للشايب وكان مبسوط وقال خذ خمس ميه ريال وانبسط

انا من النوع اللي ما انبسط ومعي فلوس لازم اخلصها عشان ارتاح شحنت جوالي بميه وجلست افكر وش اشتري<<فرفر جيب لنا فيسات ناس يفكرون

تذكرت الشماغ وقلت اروح اشتري لي كميرا زينه عشان اصور كل حاجه


وشريت الكميرا والحمد لله ومن يومها وانا افر في الشوارع واصور في ذا المناظر مسوي فيها مايكل جاكسون<<على باله مايكل مصور


والحين اخليكم مع الصورتين اللي طلعت بها



ما يحتاج لها شرح ذي


الصوره الثانيه




ذي وقت مطر ولا تسألوني كيف صورتها والا كيف لأن صدفه خير من الف ميعاد



ابي اقول لكم شغله قبل نهايه الموضوع


المبدع مبدع يصور يغني يرقص يطير مهما سوى يبقى مبدع والدليل انا مبدع في كل حالاتي<< وش يحس به؟!؟!؟!؟!؟!



وسيا في مواضيع اخرى