انتشر حبك بجسمي .. لا وحتى بالعظام
واختلط حبك بدمي .. فالمعاليق يعدي
يا هيام ٍ في هيام ٍ في هيام ٍ في هيام
يا ضياعي ! يا اتجاهي ! يا دروب المهتدي
لو تذوق النوم .. جفني ما تهنّى بالمنام
طاوله فيك الغرام .. وطاوله فيك سهدي
لك حبيبي في ثنايا جوف هـ القلب احترام
لك حبيبي ( قولتي ) : لبيه .. آمر .. يا بعدي
كيف اصبّحك بـ سلام ! وكيف امسّيك بـ سلام !
وانت في مجرى وريدي مع سواقيه تغدي
لك عيوني .. لك حياتي .. لك سنيني .. لك مقام
لك حلالي .. لك فوادي .. لك ورودي وشهدي
فوق كفك دق حنّا .. والبلا فعل الزمام
والحلا .. ليل ٍ تسلل فوق الامتان اجعدي
لا طويل .. ولا قصير .. ويا حلو زين القوام
جلّ من صوّرك والله في غرامك مولدي
ما لقينا لك شبيه ٍ في غنادير الشوام
وما لقينا لك شبيه ٍ في بنات الاحمدي
انت دانه .. وانت آيه .. وانت عشق المستهام
وانت نادر في عيوني يا عيوني و سعدي
وانت والله يا ( صغير الحب ) من قبل الفطام
ما قصرت الفكر دونك .. لا ولا ضاع جهدي
انت أمسي .. وانت أنسي .. وانت جرحي والختام
وانت والله يا حبيبي شمعة اليوم لـ غدي
انت غاية مطلبي يا روح روحي والغرام
وانت شف البال والله وانت غاية مقصدي
احسد البرقع عليك .. ولا حسدت إلاّ لثام !
كيف ما يخجل ! وليله ما غدى عنه اجودي!
فوق خدك .. حب خالك ! وازعلوا منه العمام !
كيف يقدر يستبيح الخد يا خد ٍ ندي!
ترتدي ثوب ( الشرف ) و ( العز ) من فوقه وسام
كيف ما يصبح وسامك ! وانت ( عزّه ) مرتدي
بنت شيخ ٍ ما ( توانى ) .. ما يفك إلاّ ( الزحام )
فزعة اللي ينتخي ويصيح تكفى يا سندي
و ( الحظيظ ) اللي قرب حظه من حظوظ الكرام
ما خشى شر الزمان .. ولا خشى الحظ الردي!
اترك الواقع واعيشك في خيالي بـ انسجام
واربط الواقع بـ أحلام الخيال السرمدي
ما بغيتك فـ الظلام .. ولا بغيتك بـ الحرام !
ما بغيتك غير بـ العز الشريف المقتدي
ما بغيتك بـ التلاعب .. ما بغيتك بـ الكلام
ما بغيت إلاّ اخوك يصير خال ٍ لولدي
لك جنوني .. لك ظنوني .. يا حبيبي والسلام
وانت غالي .. ثم غالي .. ثم غالي .. يا سعدي
lh fydj Ygh Ho,; dwdv oNg gJ L ,g]d fu]m plg dwdv igh
ما بغيت إلا أخوك يصير خآل لـ / ولدي
العرض الشجري